االزنزانة رقم 14

الجزء 29

👑الزنزانة14👑

🌸البارت113🌸

بقلم :كاتبة نادية مروك

صدمة كانت كفيلة متبكي متغوات كيف عادتها ..بردت نفسها كيف ديما ..صرطق جرعة الم وكملت طريقها جهة بلاصتها ..تكات وبقات تشووف حتى نعسات ..نهار داز غير تخمام ..ونعاس مخرجت مدرجت والو ..كانت ساكة كأن صوتها مشا ليها مبقات باغة والو من هذا الدنيا ..غير تعيش ولدها وتشوفو ..هذا هو هدف لمزال مصبرها على هذا حياة ظلم وقهر والم وتحصر ودمه ..جميع احاسيس خايبين تجرعتهم ..ملقاتش حنان لا في اب وحتى ام منصفاتهااش وافقت على ظلم اب ليها وللانوتها وحتى هي ردات بكل هذا ذل وطغيان وعداب ومزال كل نهار كدوزو كحل من لخور ..اشنو مزال غادي تشوف اخر من هذا دنيا لدوزتها كاملة غير جحيم ودموع وقهر ..كره وحقد ..غل ...طاحت من عينها حارة معبرة عن كل الم عاشتو وشافتو ..

مرت يومين من بعد ديك حادثة ..وهي مزال غير في زنزانة مبغاتش تخرج وتنصدم مع مديرة تصدق فاشة فيها داكشي لدار ليها عقرب ...فضلت غير تبقى في زنزانة ومتخلطش مع بشار وعاد زايد ولت متاقلة ...مبقاتش كتقدر تزيد بزاف ..خطوة كترميها بزز ..

داز نهار وجا ليل حامل ..بسكون وهدوء ..ناعسة وغطسا في نومها ..حتى كيفيقهاا وجع .حاد في كرشها نوضة واحدة قافزة..ومكمشة وجها ذال على الم ..كتلو في سريرها ..مكاين لعتقها لا حنين ولا رحيم حالتها حالة ..ملقات لا مسكن لا مهدء من غير دموعها..لرسمو طريق على خدودها..ولات كلها كتقطر..تحملت على نفسها بزز ناضت رمت خطوة جهة حمام تغسل وجها و تمسح ذاتها عالله يبرد هادشي واخ غير شويا ..وصلت حمام وهي طيح ارض..ختل توازها مبقاتش قادرة لا توقف ولا تكتم صوتها ..كان وجع غير مغادي وكيزيد ..بدات كتنين وتكمش في ايدها على حوايجها بي حار وجع ..بدات تخبط بي ايدها وتكمز على سنانها ..وكتبكي ..حسات بي مووت وروحها بغات تخرج ..كطلب من الله يبرد هذا نار وحر وجع لفي كرشها..شويا تاع وقت بلما تحس بدات تطلق غواااات ولكن بشويا باركة على نفسها. وفي نفس وقت كتبكي وتخبط في ايدها ..مفرق رجليها وكتوجع ..حاسة هادي هي لخر ليه وجع مكانش طابيعي ..بحال كتحرقي ذاتك كاملة سخونة وعافية خارجة منها ...سمعت باب ديال حمام تحال بغات تنوض مقدرتش ..حبست صوتها والمها وحتى دقات قلبها مكرهتش كون حبستهم ..مترقبة باب حمام ..بخوف رعب عرفت انها حتى واخد مغادي يرحما ولا يخاف عليها كلشي غادي يبغي منها حاجتو ..لحظات مرت كظهر ..ترقبت باب بلهفة ورعب وخوف وهلع ....دخل منو ...

دخل عقرب ..بطولتو ورحتو معهودة ..طلعت راسها فيه بيبطئ وتحدر شديد..تقبلت عينها زورق مع عينيه كحلين ..لكانو كيشوفو فيها بي غرابة ..ومفاجأة ..رمقها بي نظرات .كتعبر على دهشة موقف وكيفااش لقهاا..وجها حمر..عينها عامرين دموع ..فمها زرق ..هبط راسو لطرها نصو برا حيث كانت كتجر في حوايج بدون واعي منها ..هبط لكرشها ..لبانت ليه كبيرة ومنفوخة ..يعني حاملة ..علامة دهشة كسات معالم وجهو ..لبقى غير كيشووف ..
.