👑 الزِنْزَانَةُ 14👑
🌸البارت136🌸
بقلم :كاتبة نادية مروك
كيواااغوو بين ايدها ..وهي دموعها هابطين بحال شلال ..احساس مخلط عليها بي فرحة وسعادة خوف رعشة.. هزت عينها مدمعين في لويس
هدى:دبا هدا ولدي انا ياااه شحال صغيوررر
لويس: اه اه احبيبتي ولدك
رجعت كتبوس فيه وهو بحال قطيط بين ايدها كان غزيول وصغيور ..كيفركن بي رجيلتو ..فاش شبع حيد رضاعة من بين ايده وعطها تغواااغ ..هي كضحك هو كيضحك ليه ..فرحان حاس بي ام ديالووو
لويس: حبيبتيي واش نخرجك ليوووم
هدى:" عينها مزال في يعقوب " حركت راسها بقبوول ..
لويس نقز من بلاصتو بفرحة ...
لويس:"بفرحة"واااخ واخ انا غادي نمشي نقاد ورااق خروجك ..ونعلمهم في دار يقادووها
خرج مخاليها ..هايمة في ولدها كتبوس فيه ..حسات بي سعادة من قلبها ..لكان كرقص بفرحة ..هبطت بي شفيفها كتحسس رقبتو وايده مغمضة عينها وكتستنشق في ريحتوو بحال مسك ..هزتو وخشاتو في حضنها وزيرت عليه كتحاول تسستمد منو قوة
إحساس جديد عليها عمرها جرباتو من قبل قطعة منها شداها بين يديها و حاسة و كأن دنيا كلها في كفة و صغيرها في كفة دقات قلبها كانو متسارعين مع أنفاسها و ريحتو لي كتزيد تهيج إحساسها تجاهو كانت غاطسة فعالم خاص بيها هي ابنها فقط مع بعض الأفكار المشوشة فعقلها كل ما شافت فعينيه و ركزات شوفة فملامح ديالو..ما فيقها من سهوتها غير الباب لي تحل و الخطوات تقيله لي كانت متاجهة نحوها..
لويس: مستعدة تخرجي و نبداو حياة جديدة مع ولدنا
هدى: شافت فيه بنظرة باردة و فأعماقها عايشة صراع بين تصديق كلامو تكديبو
لويس بهاتت الإبتسامة ديالو قدام البرود ديالها لي بدا كيعصبو كيحس أنو فأي لحظة ممكن ينفاجر فوجها و لكن حبو ليها كيخليه يكبح إحساسو بالغضب
هي ما فرقاتش ولدها بين يديها نزلات على سرير و قفات كتشوف فيه..لويس دور يديه على الخصر ديالها و هي تبعد منو بالخف ما حملاتوش يقيسها ما عارفاش علاش ما مرتاحاش ليه و عندها إحساس بنفور منو و لكن كتقول غادي نسترجع ذاكرة ديالي و يرجع معاها حبي ليه..
دخلات الممرضة دافعة الكرسي المتحركة
هدى: مالني مهرسة نقدر نتمشى
لويس جلسها فيه بزز و بدا دافع فيها و هو كل أمل فحياتو معاها الإنسانة لي دق ليها قلبو الوحيدة لي كتحكم فالمشاعر ديالو...
وصلها خارجة مستشفى ضربها نسمات تاع هواء حسات بي رعشة في جسمها كامل ..اشعة قرقشات ليها عينها غمضتهم ..وخبعات وجها بين ايدها ..ولد عند ممرضة لغادية معاها وعينها على لويس غير كيدورو ..اما هو غير مع هدى ..ومتبع ابسط حركتها وقلبو كينقز من داخل بسعادة...
خرجة للمجهول معارفة والوو قلبها واخ فرحانة بولدها وفلدة كبدها الا احساس غمة وخوف متملكها افكارها متضاربة مع بعضها بين رفض وقبول ..استسلامت امر وقبلت انها تجرب خصوصا على ولدها ...
وقفت لطو قدام رجلها من نوع لامبورغيني وتبعها جوج سيارة من نوع رونج روفر فيلار نزلو منها ..حراس بي لباس رسمي ..هبط سائق من لطو ..فتح باب لويس هبط مستوى هدى هزها بين ايده وحطها في لطو ..عطى امر لرجالو يتكلفو بي ممرضة ولد ..هدى غير كتشوف عند بالها غادي يركب ولدها معاها ..ولكن شافتو غادين بيه تخلعت غوتات بلما تحس
هدى:"بدون شعور" فففففففففففينن غاااااادية بييييه
لويس:شاف فيها بي غرابة" فين غاظي نديوه غادي معانا
هدى:عطيبببه لياااااا بغيتووو
ممرضة تبدلت نظرات مع لويس ..لهذا اخر عطاها ادن تعطيه ليها ...حطتو بين ايدين هدى ...ومشات بزعف معا حراااس كانت حتى هي طامعة تركب معاااهم ..
ركب لويس هو لتكلف بي سيااقة ..عفط على كسيرااتور ..وحط ايدو على ايد هدى وزااد...اما هي قلبها ضرب بعنف ..محملتوش يقيسها ..رغم كل كلام لقال الاانها رافضة تيق ..وحتى قلبها نافر منو ..كتحس بي الاشمئزاز وكره وغيظ وغضب من جهتوو ...
دورت وجها لجهة تاع زجاج ..هزة ولد بين ايدها وحاطه على قلبها هو نااعس ..كتشوف في طريق ومرة مرة تبوس في راس ولدها وتشم في ريحتو لعشقتها من وهلة اولى ..هي.ساهية في طريق ..غير منتابهة ..وقوف لطو حتى فيقها من سهوتااها غير ايد لويس لتحطات فوق كتافها
لويس:"بحب"حبيبتي واش نزلوو
هدى:"فاقت من سهو" اه اه اشنوو
لويس:نزلي راه وصلنا
شافت قدامها ..طلعت عينها بي ببطئ حسات في لحظة بؤبؤ عينها وساع في منظر قبلتها ..
منظر يعجز لسان عن وصف لا من ناحية جمالية مكان والابداع فيه.. خضورية طاغية على قصر كامل بورد في شكال ..
أنت تقرأ
االزنزانة رقم 14
Romantizmليوما قصة طوب و خطار مختالفة على باقي القصص لي شوفتو من قبل 🤤🤤🤤🤤🤤🤤😍 عشق هوس جنون حقد غيرة وأكيد تقرشيخ 👊🏻👊🏻👊🏻اححح لله يكون في عون البطلة مسكينة صعصع ديالنا مغادي يخالي فيها غير لي نسات 😂 و اخييرا احححح سفالة 🔥🔥🔥 فوق شواية ناااار 🔞�...
