မြို့အုပ်ရှောင်း [ Mayor Xiao ]

3

Unicode

"မြို့အုပ်ရှောင်း"

"အင်း"

"ကျွန်တော်တို့ ဒီတိုင်းအိပ်ရုံပဲပြောထားတယ်မဟုတ်လား"

"ကျုပ် ဝမ်မျိုးရိုးရဲ့ ကိုယ်နံ့လေးကိုတအားသဘောကျတယ်"

ပြောပြီး မြို့အုပ်က ရိပေါ်ရဲ့ လည်တိုင်သို့တိုးဝင်နမ်းရှိုက်လိုက်သည်။

"အား....ရှ်!! တကယ်မွှေးတာ"

"ကျွန်တော့်ကို ဒါမျိုးတွေမလုပ်ပါနဲ့ ၊ ကျွန်တော်မကြိုက်ဘူး"

"ဖယောင်းတိုင်တွေ သွားငြှိမ်းပြီး ကျုပ်နားလာအိပ်ပေး"

ရိပေါ်ပြောသည်ကိုလည်း မြို့အုပ်ဂရုမစိုက်ပါ။ သူလိုချင်တာနှင့် သူပြောချင်တာကိုသာဦးစားပေးသည်။

ကုတင်ပေါ်မှ အမြန်ဆင်းကာ ရိပေါ် ဖယောင်းတိုင်မီးတွေကိုသွားမှုတ်သည်။ သို့သော် နောက်ဆုံးတစ်တိုင်ကျန်မှ ဒီတိုင်းထားပြီး မြို့အုပ်ရှိရာ ကုတင်ဆီပြန်လာခဲ့သည်။

"ဘာလို့လဲ ၊ နောက်ဆုံးတစ်တိုင်ကို ဘာလို့မငြှိမ်းခဲ့တာလဲ"

"ကျွန်တော်... ကျွန်တော် အမှောင်ကြောက်တယ် မြို့အုပ်ရှောင်း"

"ဝမ်မျိုးရိုးက အမှောင်ကြောက်တယ်ပေါ့"

"ဟုတ်ကဲ့"

"ဒါဆို ကျုပ်ဖက်ထားပေးမှာပေါ့ ။ ငြှိမ်းခဲ့စမ်းပါ"

ဒီမြို့အုပ်ကို ရိပေါ်တကယ်နားမလည်တော့ပါ။ ဘာလို့ သူ့အပေါ်ဒါမျိုးတွေဆက်ဆံနေတာလဲ။ သူ့ကို ဘယ်လိုလူစားမျိုးလို့ထင်နေလဲ မသိတော့ပါ။ ဘာနေနေ အမိန့်ဆိုတာ နာခံဖို့ဖြစ်လို့ ရိပေါ် နောက်ဆုံးဖယောင်းတိုင်မီးကိုပါ မှုတ်ခဲ့ရသည်။

ခေါင်မိုးပေါက် သေးသေးလေးက ဝင်နေတဲ့ လရဲ့အလင်းသာမရှိခဲ့လျှင် ထိုအခန်းက အမှန်ပဲ အမှောင်အတိဖြစ်နေအုံးမှာ။ ရိပေါ်ဒီညတော့ ပုံမှန်သာနေတဲ့လကို ကြံဖန်ကျေးဇူးတင်ရပြီ။

ကုတင်ပေါ်မှာ ပက်လက်လှဲနေတဲ့ မြို့အုပ်ဘေးကို ရိပေါ်မသွားရဲ။ ကုတင်အစွန်းမှာသာ မြို့အုပ်ဘက်ကိုကျောပေးပြီး ကွေးကွေးလေးအိပ်နေတော့သည်။