မြို့အုပ်ရှောင်း [ Mayor Xiao ]

10

Unicode

ဒီလက်ရှည်ရှည် သွယ်သွယ်တစ်စုံက ရိပေါ်ခါးကို အညင်သာဆုံး ဖက်ထားပြန်ပြီ။

"ကျွန်တော် မြို့အုပ်ရှောင်းကို ချစ်မချစ်မသိသေးဘူး"

"အင်း ဆက်ပြော..."

"ကျွန်တော့်ခါးကို မြို့အုပ်ရှောင်းအခုလိုဖက်ထားပေးတာမျိုး.... ကျွန်တော်တကယ်သဘောကျတယ်"

"ဝမ်မျိုးရိုးက သဘောကျတယ်ဆို ကျုပ်ကတစ်သက်လုံးအတွက်ဖက်ထားပေးမှာပေါ့"

"ဘာလို့အခွန်ကို ဒီနေ့ကောက်ခိုင်းလိုက်တာလဲ ၊ အဆင်မပြေသေးတဲ့သူတွေ အများကြီးရှိသေးတယ်"

"ဝမ်မျိုးရိုးကပေးစရာမလိုဘူး ၊ ကျုပ်နားရှိနေပေးရင်ရပြီ"

"မဟုတ်ဘူး!! ကျွန်တော်ပေးပြီးပြီ ၊ ကျန်တဲ့သူတွေအတွက်ပြောနေတာ"

"ဒီလ နောက်ဆုံးအပတ်ထိ ကျုပ်အခွင့်အရေးပေးထားတာပဲ"

"ဟင်! အကို ပြောတော့..."

မြို့အုပ်ရှောင်းက ရိပေါ်ကို မျက်လုံးစူးစူးတို့ဖြင့်ကြည့်တော့ ပြောလက်စ စကားကို ရပ်ပစ်သည်။ သူသဘောမကျတဲ့သူအကြောင်း သူ့ရှေ့မှာ မပြောသင့်ဘူးလေ။

"ဆက်မပြောတော့ဘူးလား"

"အင်း ထားလိုက်တော့"

"ကျုပ်ရဲ့ မာဖလာ ဝမ်မျိုးရိုးကိုပေးမယ်ဆို ယူချင်လား"

"အင်း မာဖလာ ၊ ကျုပ်ကိုယ်တိုင်ထိုးထားတဲ့ တစ်ခုတည်းသောမာဖလာ"

"မြို့အုပ်ရှောင်းက ဒါမျိုးလည်းရတာလား"

"စိတ်ပါမှပါ"

"ကျွန်တော့်ကိုရော စိတ်ပါမှချစ်မှာလား"

"ဝမ်မျိုးရိုး ကျုပ်ကိုချစ်နေပြီမှတ်လား"

မြို့အုပ်ရှောင်းဒါမျိုးတွေပြောရင် ရိပေါ်တကယ်မခံစားနိုင်။ ရင်တွေတလှပ်လှပ်နဲ့ ရှက်လွန်းလို့ အငွေ့သာပြန်သွားချင်သည်အထိပါပဲ။

"အာ...မြို့...မြို့အုပ်ရှောင်းကလည်း...ကျွန်တော်... မချစ်ပါဘူး"

"ဒါဆို ဘာလို့မေးရတာလဲ"

"ဒီတိုင်း... ဒီတိုင်း သိချင်လို့"