Unicode
ရိပေါ် အဖြေကို အဘနှင့် ချန်ဝေ့အကိုမှာ ပါးစပ်အဟောင်းသားဖြင့် မယုံနိုင်ဖြစ်နေကြသည်။ အချစ်ဆိုတာ ဘယ်ကစမှန်းတောင်မသိတဲ့ရိပေါ်လိုကောင်လေးက ဒီလူကိုချစ်တယ်တဲ့...။
"သေချာရဲ့လား ရိပေါ်ရယ်"
"အင်းသေချာတယ် အကို ၊ ကျွန်တော် မြို့အုပ်ရှောင်းကိုတကယ် ချစ်မိနေပြီ"
ဘယ်အရာကများ မြို့အုပ်ကိုချစ်မိအောင် ဆွဲဆောင်ခဲ့သလဲရိပေါ်မသိပါ။ သူသိတာ ပြီးတော့သူ့အတွက်သေချာတာက မြို့အုပ်ကိုချစ်တယ်ဆိုတာပါပဲ။
"အဘဖြင့် ဘာပြောရမှန်းတောင်မသိပါဘူးရိပေါ်ရယ်... အမျိုးသား ၂ယောက်ဆိုတည်းက အဘအတွက်အထူးအဆန်းကြီးဖြစ်နေတယ်"
"လူ လူ ချင်းပါပဲ အဘရယ် အများကြီး တွေးစရာတော့မလိုပါဘူး... အဓိက က ဟိုလူက ရိပေါ်ကို အတည်လားဒါမှမဟုတ် တစ်နပ်စားကြံတာလားဆိုတာပဲ"
"ဟာ... အကိုကလည်း အဲ့လိုတော့မဟုတ်လောက်ဘူးထင်ပါတယ်၊ ကျွန်တော့်အမြင်တော့ မြို့အုပ်က လူကောင်းပါ"
မြို့အုပ်ကို သေးသေးလေးတောင်အထိမခံချင်တဲ့ ရိပေါ်ရယ်ပါ။
"အော် ခက်ပြီ ရိပေါ်ရယ်... တကယ် အဲ့ဒီ့လူကိုစွဲလမ်းနေတာပဲ အခုလည်း အကိုက စိတ်ပူလို့ပြောလိုက်ရုံပါ"
"ဟို...ကျွန်တော်က..."
"အင်း... အကိုသိတယ် ၊ မပြောနဲ့တော့ ။ အခုမှ အချစ်ကိုခံစားတတ်တဲ့ ရိပေါ်အတွက် စကားနည်းနည်းတောင် လွဲလို့မဖြစ်ဘူး"
"ကျွန်တော် တောင်းပန်ပါတယ်အကို ကျွန်တော် စကားပြောလောသွားမိတယ်"
"မလိုပါဘူးရိပေါ်ရယ် ၊ အခုက ဘယ်လိုအခြေနေလဲ ရိပေါ်နဲ့သူက တွဲနေကြတာမျိုးလား"
"ဟင့်အင်း!! မဟုတ်သေးဘူးအကို ကျွန်တော် အဖြေပေးဖို့ အချိန်တစ်ပတ်လိုသေးတယ်"
"အင်း အကိုကတော့ သေချာလေ့လာစေချင်တာပဲ"
"ဟုတ်အကို... ကျွန်တော် ကချစ်မိတာကို ဝန်ခံယုံပါပဲ။ သေချာလေ့လာအုံးမှာပါ"
"အင်းပါ အကို ရိပေါ်ကိုယုံတယ်၊ အဘကရော ကလေးကိုဘာပြောချင်သေးလဲ"
YOU ARE READING
မြို့အုပ်ရှောင်း [ Mayor Xiao ]
Random"ရှောင်း! ကျွန်တော့်ရဲ့ရှောင်း..." "ပြောပါ ကျုပ်ရဲ့အသည်းအသက်ရေ ကျုပ်နားထောင်နေပါတယ်"
![မြို့အုပ်ရှောင်း [ Mayor Xiao ]](https://img.wattpad.com/cover/300611513-64-k202012.jpg)