(Unicode)
"ဒီနေ့ပန်းချီပြပွဲသွားမှာမလား Baekhyun"
နှစ်ယောက်လုံး မနက်သင်တန်းတွေမရှိကြဘူးမလို့ မနက်စာကိုအေးဆေးစားနေကြရင်း Luhanကစကားစလာသည်။
"ဟုတ်တယ် ငါ 10ခွဲလောက်သွားလိုက်မလို့ မင်းရောမသွားဘူးလား"
"ငါကမင်းလောက်ပန်းချီကိုဝါသနာမပါဘူးလေ ပြီးတော့ဖိတ်စာကလည်းတစ်စောင်ထဲရထားတာ"
"ဟုတ်ပြီလေ အာ့ဆိုလည်းအိမ်မှာအေးဆေးနားပေါ့"
မနက်စာစား အိမ်အလုပ်လုပ်စရာရှိတာတွေလုပ် နှင်းဆီတွေရေလောင်းပြီးတာနဲ့ ပန်းချီပြပွဲသွားဖို့အဝတ်လဲတော့သည်။ ပန်းချီပြပွဲသွားမှာမလို့ မီးခိုးရောင်ဘောင်းဘီရှည်နဲ့ ရှပ်လက်တိုအဖြူကိုသပ်သပ်ရပ်ရပ်ဝတ်လိုက်သည်။
"ငါသွားတော့မယ်နော် Luhan ဘာဝယ်ခ့ဲပေးရဦးမလဲ"
"ရပြီ ဘာမှမှာစရာမရှိတော့ဘူး"
ကျနော်လည်း Taxiငှားပြီး Gallery Kကိုလာခဲ့လိုက်သည်။ Luhanပြောပုံအရတော့ Gallery Kကဖွင့်ထားတာ တစ်နှစ်လောက်ပဲရှိသေးတာတဲ့။
Gallery Kရောက်တော့ Taxiပေါ်ကနေဆင်းကာ Gallery Kကိုအကဲခတ်မိသည်။ ဆိုးလ်မြို့၏နေရာကောင်းမှာတည်ဆောက်ထားသည့်အပြင် အဆောက်အအုံကတော်တော်ခမ်းနားကာ ပတ်ဝန်းကျင်မှာလည်း အပင်တွေစိမ်းစိမ်းစိုစိုနဲ့သာယာလှသည်။ ပြတိုက်၏ အဝင်ဝနားမှာတော့ Gallery Kဟူပြီး ကျနော်အရပ်နှစ်ပြန်စာကျောက်တုံးကြီးပေါ်တွင် ကြီးကျယ်စွာထွင်းထုထားလေသည်။
ကျနော်လည်း Gallery K၏ဝင်ပေါက်ကိုသွားကာ ဖိတ်စာကိုပြလိုက်တော့ အလွယ်တကူပဲဝင်ခွင့်ရသွားသည်။ အဆောက်အုံကအပြင်ပန်းမှာတင်ခမ်းနားတာမဟုတ် အတွင်းပိုင်းမှလည်း စည်းစနစ်ကျကျနဲ့ဖွဲ့စည်းထားသည်မလို့ အရမ်းကိုခမ်းနားသည်ထက်ပိုနေသည်။
ပန်းချီတွေကတော့ ပန်းချီဆရာတစ်ဦးတည်းရဲ့လက်ရာတွေမဟုတ်။ တက်သစ်စပန်းချီဆရာများ၏ ပန်းချီတွေကိုပြထားခြင်းဖြစ်သည်။
ကျနော်ကိုယ်တိုင်ကပန်းချီဆရာတစ်ဦးဖြစ်နေလို့လားမသိ။ ပန်းချီကားတစ်ချပ်ချင်းစီ၏ဆိုလိုရင်းအနက်ကိုမြင်နေရသည်။
YOU ARE READING
My Master (Completed) (Z+U)
Fanficသူသာလျှင်ကျွန်တော့်အား အစိုးရသူ သူသာလျှင် ကျွန်တော့်ဘဝနဲ့ စိတ်ဝိဉာဏ်အား လွှမ်းမိုးချုပ်ကိုင်နိုင်သောသူ သူသာလျှင် ကျွန်တော့်အားရှင်လျက်နှင့်အကြိမ်ကြိမ်သေစေနိုင်သူ သူသာလျှင် သူ့လောင်းရိပ်အောက်ကျွန်တော့်အား မြုပ်နှံထားသူ ထိုသူသာလျှင် ကျွန်တော့်ရဲ့အရှင်...
