(Unicode)
"သေချာလား Chanyeol"
"အင်း နှစ်နှစ်တောင်ရှိပြီလေ သူဘာမှမှတ်မိမှာမဟုတ်တော့ဘူး"
ကုမ္ပဏီအပြန် Baekhyunအလုပ်လုပ်တဲ့ Moonlightဆိုင်လေးဆီမှာ ကျနော်ကိုယ်တိုင်သူ့ဆီသွားပြီးဝယ်မလို့ပြောနေကြခြင်းဖြစ်သည်။
"ငါသူ့ကိုဓာတ်ပုံတွေထဲကပဲမြင်နေခဲ့ရတာလေ ငါသူမျက်နှာလေးကိုကိုယ်တိုင်တွေ့ချင်တယ်"
ဘယ်လောက်ပဲ ကျနော်သူ့ရှေ့ကိုယ်တိုင်သွားမတွေ့ဘူးလို့ဆုံးဖြတ်ခဲ့ပေမယ့် အလွမ်းတွေထပ်ဆင့်ထပ်ဆင့်တိုးလာတာကြောင့် လောဘတက်လာကာ သူ့ရှေ့ကိုယ်တိုင်သွားတွေ့တော့မည်ဖြစ်သည်။သူ့ဘဝလေးနဲ့သူပျော်နေတဲ့ Baekhyunကို ကျနော့်ဆီပြန်မခေါ်ချင်အောင်တော့ ကျနော့်စိတ်ကိုကျနော်ထိန်းချုပ်ရမှာပေါ့။
"မင်းဘာမှာဦးမလဲ Jongin"
"ငါ့အတွက် Iced Americanoနဲ့ KyungSoo Hyungအတွက်ချောကလက်ကိတ်ဝယ်ခဲ့ပေး"
"ဟုတ်ပြီ ငါသွားတော့မယ်"
Jonginကားပေါ်ကဆင်းလိုက်တော့ ကျနော်ဒူးတွေအနည်းငယ်တုန်ယင်နေသည်။ ရင်ထဲမှာကတော့ တော်တော်ကြီးကိုတုန်လှုပ်နေသည်။
ခြေလှမ်းတွေကို မတုန်ယင်အောင် ကြိုးစားလျှောက်လှမ်းပြီး ဆိုင်တံခါးကိုဖွင့်ကာ Baekhyunရှိရာကောင်တာကိုဦးတည်လိုက်သည်။
"ဘာမှာမလဲဗျ ဧည့်သည်"
အရင်တုန်းကလိုပဲ နူးညံ့ပျော့ပျောင်းနေတဲ့သူ့အသံလေးက ကျနော့်နှလုံးသားကို ခုန်လှုပ်စေသည်။
"ဧည့်သည်?"
သူ့မျက်နှာနုနုလေးကို ငေးကြည့်နေသော ကျနော့်ကို သူနောက်တခါထပ်ခေါ်လာကာမှ
"အဟွတ် အဟွတ်" အရှက်ပြေချောင်းဆိုးလိုက်ကာ
"Iced Espressoနှစ်ခွက်ရယ် Iced Americanoတစ်ခွက်ရယ် ချောကလက်ကိတ်တစ်ခုပေးပါ အကုန်ပါဆယ်ပါပဲ"
Sehunအတွက်ပါ Espressoတစ်ခွက်ပိုမှာလိုက်သည်။
သူနဲ့အတူအလုပ်လုပ်တဲ့ကောင်လေးက Iced Americanoဖျော်ပေးပြီး သူက Iced Espressoဖျော်ပေးသည်။
ကျနော်သောက်မယ့် Espressoကိုဖျော်ပေးနေတဲ့ကောင်လေးကိုကျနော်သေချာကြည့်နေမိသည်။
YOU ARE READING
My Master (Completed) (Z+U)
Fiksi Penggemarသူသာလျှင်ကျွန်တော့်အား အစိုးရသူ သူသာလျှင် ကျွန်တော့်ဘဝနဲ့ စိတ်ဝိဉာဏ်အား လွှမ်းမိုးချုပ်ကိုင်နိုင်သောသူ သူသာလျှင် ကျွန်တော့်အားရှင်လျက်နှင့်အကြိမ်ကြိမ်သေစေနိုင်သူ သူသာလျှင် သူ့လောင်းရိပ်အောက်ကျွန်တော့်အား မြုပ်နှံထားသူ ထိုသူသာလျှင် ကျွန်တော့်ရဲ့အရှင်...
