My Weird Husband [ Completed ]

Part 18(U&Z)

Unicode

ရုတ်တရက်အိပ်ပျော်နေရာမှ ငေါက်ခနဲထထိုင်လိုက်မိပြီး အခန်းမီးကို
ဖွင့်လိုက်တာဖြစ်သည်။ တစ်ကိုယ်လုံးကိုကြည့်လိုက်တော့ Pajamasအင်္ကျီလေးမှာ ချွေးတွေဆိုရွှဲလျက် နှလုံးတုန်နေသလို ရင်ဘတ်တစ်ခုလုံး တလှပ်လှပ်နဲ့ဖြစ်၏။ထို့နောက် အောက်ထပ်ကိုဆင်းလာပြီး ရေခဲသေတ္တာဖွင့်၍ ရေခဲရေတစ်ဘူးယူပြီး ဖန်ခွက်ထဲ
ထည့်ကာ မော့လိုက်ရင်း နာရီကိုကြည့်လိုက်တော့ ည၂နာရီရှိပြီ။

အိပ်မက်ထဲမှာ စက်ဟာ ကောင်မလေးတစ်ယောက်နဲ့အတူရှိနေသလို၊ ပျော်ရွှင်လျက် ၊ စာဆိုကိုကြည့်ကာ လက်ညှိုးထိုးပြီး လှောင်ရယ်နေတာဖြစ်သည်။ သူဘာလို့ ဒီလိုအိပ်မက်ကြီးကိုမက်ရတာလဲ။ စက်ကလဲTravel Agencyလုပ်ငန်းလုပ်နေတဲ့သူမလိူ့ အခုတလော ဟိုခရီးသွား ဒီခရီးသွားနှင့် အလုပ်ရှုပ်နေကာ အိမ်ကိုပြန်မလာတာ ၁လ တိတိရှိတော့မည်။

မဟုတ်လောက်ဘူး၊ ငါစိတ်စွဲပြီးမက်တာပဲနေမှာ။ ကိုယ့်ကိုယ်ကိုအားတင်းလိုက်ပေမယ့် စာဆို့စိတ်ထဲမှာတော့ စိုးရိမ်စိတ်တို့သာကြီးစိုးနေတာဖြစ်သည်။ ထိုစဥ် ဓာတ်မီးတစ်လက်နဲ့ ကိုတုတ်ကြီးကမီးဖိုခန်း
ကို ထိုးကြည့်လိုက်တော့ စာဆိုရပ်နေတာမြင်တာနဲ့အနားရောက်လာလျက်

"သား ဗိုက်ဆာလို့လား၊ မီးမဖွင့်ပဲနဲ့ ဘာလို့ မှောင်မှောင်မဲမဲကြီးထဲ ရပ်နေတာလဲ၊ထမင်းစားခန်းထဲက ခွက်သံတွေကြားတော့ သူများအိမ်က ကြောင်ဝင်တာလားလို့ ဦးတုတ်ကြီးက လန့်သွားတာ"

"မဟုတ်ပါဘူး၊ကျွန်တော်ရေဆာလို့ ဦးတုတ်ကြီး"

ကိုတုတ်ကြီးက မီးဖွင့်ပြီး ကြည့်လိုက်တော့ မျက်နှာညှိုးငယ်နေကာ အင်္ကျီတစ်ခုလုံးက ချွေးတွေဆိုရွှဲနေတာကြောင့်

"သား အိပ်မက်ဆိုးတွေမက်လို့လား၊ အိပ်မပျော်ဘူးလားသား"

"ကျွန်တော်အဆင်ပြေတယ် ဦးတုတ်ကြီး"

စာဆိုဖန်ခွက်ပြန်ချပြီး အပေါ်ထပ်တက်သွားတာနဲ့ ကိုတုတ်ကြီးလဲ မီးပြန်မှိတ်ပြီး ဓာတ်မီးကိုင်ကာ ပြန်ထွက်သွား၏။ အခန်းထဲရောက်မှကုတင်ပေါ်အရုပ်ကြိုးပြတ်ထိုင်ချလိုက်ပြီး စောင်ထူကြီးကို ဆွဲယူခြုံလိုက်ကာ ငုတ်တုတ်ထိုင်နေ၍ ကိုယ့်လက်ကိုပြန်စမ်းမိတော့ လက်
ဖျားတို့က အေးစက်နေတာဖြစ်သည်။