ပြင်ဦးလွင်ရိုက်ကူးရေးအပြီးတွင်သူမနှင့်အရီမြို့အနှံ့လျှောက်လည်ခဲ့ကြပြီး ပျော်လည်းပျော်ခဲ့ကြသည်။နှစ်ရက်ခန့်နေပြီးမှရန်ကုန်ကိုပြန်ခဲ့ကြသည်။ရန်ကုန်ရောက်သည့်အခါ၌လည်းအရီမှာကားရိုက်ရက်ချိန်းများမှာဆက်နေ၍ မအားလပ်နိုင်ပေ။နေ့ဘက်ဆိုအစောသွားရပြီး ညဘက်မိုးစုပ်စုပ်ချုပ်မြှပန်ရလေသည်။Night sceneရှိသည့်နေ့ဆိုလျှင်ပိုနောက်ကျတတ်သည်။ထိုကဲ့သို့အိမ်ပြန်နောက်ကျနေ၍သူမနှင့်မျက်နှာချင်းမဆိုင်မိသည်မှာတစ်ပတ်ခန့်ရှိနေပေပြီ။
Night sceneမရှိ၍အိမ်ကိုည8နာရီလောက်ပြန်ရောက်သောအခါ ဧည့်ခန်းထဲတွင်ပုတီးစိပ်နေသောကြီးကြီးက အရီဝင်လာသည်ကိုမြင်လျှင် -
"အရီရေ သမီးအန်တီဆီသွားလိုက်ဦး သမီးကိုမတွေ့ရတာကြာနေပြီတဲ့ ညနေကြီးကြီးနဲ့ထမင်းစားနေတုန်းကပြောလို့"
"သမီးမျက်နှာမြင်ရဖို့တန်းပါစီရဦးမလားမသိဘူးတဲ့ စိတ်ကောက်နေပြီမိကြည်က သွားချော့လိုက်ဦးသမီးအန်တီကို"
"ဟုတ်ကြီးကြီး"
အရီလည်းကြီးကြီးစကားကိုနားထောင်ကာ အပေါ်ထပ်သူမအခန်းဆီတက်သွားပြီး အခန်းဝသို့ရောက်သောအခါ တံခါးကိုအသာလေးဖွင့်လျက် ခြေသံကိုခပ်ဖွဖွနင်းပြီးဝင်သွားရာ အိပ်ပျော်နေသောသူမကိုတွေ့လေသည်။ထို့ကြောင့်ကုတင်ဘေးတွင်ပုဆစ်တုတ်ထိုင်ရင်း အိပ်နေသောသူမမျက်နှာလေးကိုငေးကြည့်နေသည်။အရီမျက်လုံးမှအချစ်ရည်ရွှန်းလဲ့နေသည့်အကြည့်များက သူမ၏မျက်နှာလေးပေါ်ကျရောက်နေလေသည်။အရီသည်သူမ၏ပါး လေးကိုင်ကြည့်ရင်း စိတ်ထဲမှ -
"တီတီ အရီပြန်ရောက်ပြီ တီတီဟာကလေးလိုပဲ ကောက်စရာမရှိရှာကြံကောက်နေတယ်"
"ဒီကပင်ပန်းနေလို့တီတီအခန်းကိုကူးမလာတာ ဒါကိုတီတီကကောက်တော်မူတာလား"
ဟူ၍ပြောနေမိသည်။အတန်ကြာသူမကိုစိုက်ကြည့်ပြီး တစ်နေကုန်ပင်ပန်းထား၍ကြမ်းပြင်ပေါ်ခဏလှဲလိုက်မည်ဟုတွေးကာ ခြေပစ်လက်ပစ်သူမကုတင်ဘေးတွင်လှဲချလိုက်သည်။ထို့နောက်မျက်လုံးအစုံကိုမှိတ်ထားလိုက်ရာ မကြာခင်အိပ်ပျော်သွားတော့သည်။မနက်ခင်းရောက်၍သူမအိပ်ရာမှထရာ ကုတင်ဘေးတွင်ကွေးကွေးလေးအိပ်နေသောအရီကိုမြင်၍ လန့်သွားပြီး အရီကိုလှုပ်နှိုးလျက် -
