لست وحدي

٤

               {فندق كيلارني}

{جاسم وجاسر التوأم في قصتنا طبعا هم نسخة من بعض نفس الوش والعيون واللبس وغيرو يعني كانك شايف نفس الشخص بس بتفرزهم بطريقة الكلام طبعا هم نوع التوأم المتفاهمين وبحبو بعض شديد وأصحاب شديد (مش زي نوع الاخوأن الداخلين بلبعوا ومارقين بشلتوا💔🌚)المهم يلا ديل 23 سنة كلية الهندسة وهم بيبقوا لميرا اللي هي بنت عمهم وبتصغرهم في العمر 22 سنة وميرا نوع البنات الاوبن مايند يعني عصرية وبتفكر بطريقة غربية اكتر ستايلها مايل على الجينز وشعرها بني طويل حد الأكتاف بسبب الكيرلي مود الهي داخلة فيهو😂 المهم ميرا دي سبب دخول جاسم وجاسر علي حياة اياد يلا هي اصلا صحبت نينا وشغالة ديكوريست فلما اياد كان عايز يعمل ديكور جديد للبيت والمكتب استعان بيها بالإضافة لانو جاسم وجاسر ساعدوها في التخطيط ومن هنا كانت بداية صداقة قوية جدا}

____

____

صباح اليوم الثاني:

{كان الجو غائما لفترة ثم بدأت الأمطار بالتساقط رزازا الي ان بدأت تتكاثر قليلا فقليلا عم السكون شوارع ايرلندا. جلس الجميع في منازلهم يترقبون النشرة الجوية إلا مجموعة من الشباب الذين اتخذوا قرارا بأنهم لن يعودوا الي المنزل بل سيكملون الطريق حتي يصلوا الي وجهتهم التي كانت مجهولا بالنسبة للجميع عدا ذلك الشاب ذو العينين السوداوتين والشعر الحريري ذو اللون الفحمي.. }

يزن:اياد الله يخليك خلينا نرجع الشوارع حتقفل.

اياد:مافي طريقة رجعة تاني اصلا البيت داك ما حقنا وقعدتنا فيهو كانت مؤقتة لمدة يوم..

نينا:ط..طيب م..ممكن ااعرف نحن ماشين وين؟

اياد:يا إخواننا شيلوا الصبر قربنا نوصل.

ميرا:حسيت نفسي في كرتون سكوبي دو😂

جاسر:أقسم بالله جد😂

جاسم:بحاول اعمل طبيعي بس انا بديت أقلق..

يزن:اياد!!

{عم الصمت في أرجاء السيارة عندما توقفت بحدة مع إصدار صوت يعكس احتكاك اطارات السيارة بالارض..ترجل الشاب من السيارة توقف أمام لافتة كبيرة بدا وكأنها لافتة ترحيبية..مر ضوء في السماء تبعه دوى الرعد..ترجل الجميع من السيارة عدا تلك الفتاة التي كاد الخوف يقتلها عندما قرأت اللافتة..

يزن:نينا يلا انززلي..

نينا:م..مستحيل..ما حادخل..المكان..د...دا..

اياد:ليه؟

نينا:ا..انت..م..م عارف انو مسكون وفيهو نشاطات ما طبيعية..

اياد بصدمة:هاا..ايوة عارف بس دي خرافات ساي.

نينا:مافي حاجة اسمها خرافات الجن والشياطين مذكورين فالقرآن..