12_ #لست_وحدي 💔
{فندق كيلارني}
*ﺳﺄﻧﺘﻈﺮﻙ ﻃﻮﺍﻝ ﺣﻴﺎﺗﻲ 🖤🐼*
*I will wait for you all my life 🖤🐼*
-------
-------
استقبلوهم جاسم وجاسر الكانو بتاكدوا من الترتيبات..جاسم اول ما شافهم صفر...وجاسر رفع كم بدلتو وشابكو ابشر يا عريس {بالمناسبة جاسم وجاسر كانو لابسين بدل كبدية والاتنين قاصين نيمار💕)
(نسرين جات طالعة من المطعم وكانت لابسة فستان أحمر هادئ مع الجسم واكتفت بأنها تعمل مرطب شفايف وتخلي شعرها فاكي..)
(جاسر فتح خشمو شبرين و بقا شابكهم وي وي وي تبارك الرحمن {ايه المشاغلة المحترمة دي يا ابني😭😂})
{جاسم اتبكم لما شاف ميرا وهي نازلة علي السلم كانت نازلة بالحركة البطيئة في نظروا😂بقا متابع التفاصيل حقتها الايلاينر فعيونها الايشادو الروج الأحمر..فستانها الأحمر الجرئ{والله اللون هو الجرئ ما الفستان )...شعرها المتسيبة منو خصل بعد ما اتعمل استريت واترفع كعكة{والله ما صدفة بس لازم هي ونسرين يلبسوا سوا عشان يحصل تنافس☺💔)
جاسر وهو بيصفر:سرقتي الأضواء يا مزة
ميرا وهي بتقيف جنب نسرين:سوري نينا..
نسرين:فستانك حلو😍
ميرا وهي بتبتسم:شكرا و انتي طالعة حلوة💕{بالجد؟ولا دي خساسة؟ )
{ميرا كانت مفتكرة انها سرقت الاضواء بس ما كانت عارفة القنبلة الحقيقة...بعد شوية كدة الفندق بدا يتملي معازيم ما كانو كتار بسبب الكلام البتقال عنو بس كانو كفيلين بأنهم يعملوا جو في المكان...الحفلة ابتدت والعرسان بدو يرقصو سلو💕جاء مالك الكان متأنق ببدلة زرقاء ومرتب شعرو الاسود الخللو الشيب..وكان طالع انيق❤}
مالك:وين اياد؟
جاسر:كان موجود هنا قبل شوية..
جاسم:بالنسبة للمأذون؟
مالك:انا واياد رتبنا كل شي...
جاسر:أمشي اشوفو يمكن فالمطبخ..
مالك:تمام انا حاهتم بالأمور هنا..
------
-------
جاسم كل ما يكون عايز يتكلم مع ميرا كان في زول بيقاطعو وكل ما يقرب يوصل ليها في زول بيناديها😂💔..المهم وأخيرا قدر يتوصل ليها☺
جاسم:ياااه عارفة الوصول ليك كان صعب..
ميرا:الحصول على كمان صعب..
جاسم:علفكرة طالعة حلوة..
ميرا:عارفة😌
جاسم:بس اكيد ما عارفة انك سارقة قلبي من زمان بس اليوم سرقتي عقلي..
ميرا بتسكت..
جاسم:فكرتي؟
ميرا بتتمتم..
جاسم وهو بيتحرك من جنبها بزعل:انسي.
---------
---------
(جاسر وهو داخل علي المطبخ سامع أصوات وكان في نقاش حاد بين اتنين والواضح أنهم بنت وولد...الأصوات كانت مألوفة بالنسبة ليهو وقف عشان يسمع )
نسرين:إياد كفاية البتعمل فيهو دا كفاية..
اياد وهو بيمسكها من معصمها بقوة:انتي ما بتقدري تتراجعي هسي..
نسرين وهي بتبكي:فكني انت مجنون😭
اياد وهو بيمسكها من شعرها:لسة ما شفتي الجنون انا حاكمل الخطة اللي في بالي وطالما انتي قلتي بتحبيني وجيتي من السودان عشان انا جبتك يبقا حتكملي معاي للاخر...
نسرين بتتفكا منو:مستحيل..انت كدة بتأذيها وانا اتفاقي معاك كان انها ما تتأذي(وبتجري باتجاة الباب)
اياد وهو بيضرب على التربيزا:لااا حتخرب على كل شي..
جاسر بيدخل وهو ماسك نسرين من يدها وكانت بتتبادل نظرات الصدمة مع اياد كأنو بيسألوا بعض معقول يكون سمع؟
جاسر وهو بيرمي نسرين باتجاه اياد:ممكن افهم البيحصل..
اياد وهو بيحاول يطلع: ميخصك..
جاسر وهو بيمسكو من كتفو:انا قلت فهموني الحاصل شنوو وإلا حاطلع برا واحكي كل شي..
نسرين اكتفت بأنها تبكي...
اياد:افهم دا تهديد؟
جاسر:افهم اللي عايز تفهموا بس انا لو ما اديتوني تفسير منطقي الكلام السمعتو قبل شوية ما حيحصل خير..
اياد:جااسر الكلام دا ما يخصك وأحسن ليك تفضل بعيد..
جاسر:وتت؟ما يخصني؟عايز تفهمني انك بتلعب بينا وجبتنا معاك كانت جزء من خطة مدري ايش هي وبعد دا تقول ميخصني؟بي ياتو منطق بتتكلم؟
اياد بعصبية:ما لعبت بيكم...وتبقي بعيد احسن لك..(وبيطلع )
جاسر بيعاين لنسرين من فوق لي تحت وكانو بطنو طمت منها وبيطلع...
-------
-------
سمير بعصبية:كيف سمحت لنفسك تعمل غلط غبي زي دا..
اياد وهو منزل راسو:انا اسف يا عمي بس هو سمعنا لما كنا بنتكلم ونسرين هي الخربت كل شي وقررت تتراجع..
سمير:انت كيف اصلا تتكلم عن موضوع حساس زي كدة بمكان عام..
اياد:خليها لي واوعدك حصلح كل شي..
سمير:سمر لو جاها خبر عن الموضوع دا وعرفت ما حاسامحك..
اياد بيطلع وهو معصب وبيهرج...
------------
------------
جاسم:جاسر!!!جاسر!!!وين سرحان..
جاسر بيطلع من شريط الموقف الحصل قبل شوية:هااا ولا شي..
جاسم:طيب يلا نرقص..
جاسر:ما عايز..
جاسم:يلاا ياخ..
جاسر:جاسم بالله اختاني مزاجي معكر ..
جاسم بيتحرك من جنبو بزعل..
-------
-------
سمر:وأخيرا كدة انا جاهزة❤شو طالعة حلوة يا انا💕(بتعاين للساعة ) ااووووف...انا لازم انزل اتأخرت
- فعلا طالعة حلوة..
سمر:انتي ما عايزة تخليني فحالي..
-انا ما عايزة ااذيكي بس انتي بوجودك هنا بتأذي نفسك..
سمر:طيب وريني الحيحصل شنو..
-كل شي فوقته حلو بس الحيحصل متعلق بماضيك..(وبتختفي كالعادة بصرختها المرعبة )
سمر:استنى..الماضي؟بس انا ما بتذكر انو في شي مميز فالماضي..
-------
-------
يتبع....
