{فندق كيلارني}
سمر بتقعد فالارض:انا مستحيل اعمل كدة💔😭
إياد:انا مصدقك..
سمر بتمسح دموعها:وانت اللي مخليك متأكد اني بريئة شنو؟
اياد:احساس..
سمر:طيب متوريهم
اياد:مينفع لأن محيصدقوا..
سمر وهي بتقوم:بتتكلم بالالغاز ليه؟
اياد وهو ماشي باتجاه غرفتو:المهم فكري وبراكي حتفهمي..
سمر:فكري وحتفهمي؟قصدو شنو؟
-----
-----
الساعة 1 ص الكل كان نايم إلا سمر الغلب عليها التفكير في الحصل..
سمر بتتصدم لما بتشوف البنت الكانت بتشوفها كل يوم بس المرة دي شافتها في الواقع وحقيقة على غير العادة لما كانت بتشوفها فالمراية او كظل في الحيطة...وكان شكلها متغير وباين انها شرسة ولئيمة علي غير الطبيعية كان شعرها منكش ومليانة دم وعيونها شبه بيضاء كليا..
البت:ايوة دي انا (وبتضحك ضحكة قبيحة😱 {يجماعة أعوذ بالله الساعة 3 ص ميقوم يظهر لينا شي ما تمام })
سمر بتعاين لملامحها:انتي منو؟انا بعرفك؟
البت بصوت مرعب:يوووه تعبتيني فضلت اقول ليك انا انتي انا انتي ما بتفهمي وبتخنقها مع الحيطة..شكلك ما بتفهمي..
سمر لاحظت للعلامة الفي رقبتها:وين السلسل دا؟
البت بتفكها وبتصرخ فيها:انتي اخدتيهوووو..
سمر:قصدك دا؟(ذكرتني فالمسلسلات الهندية لما البطلة تلقي دليل ضد الشرير وتجري توريهو ليهو عشان يخفيهو من علي وجه الارض🌚💔)
البت:ايوة دا سلسلي اقلعيهو..
سمر:مستحيل دا ادتني ليهو......
البت:الاداكي ليهو منو يكذابة انتي اخدتيهو مني..
سمر:مستحيل اسمح ليكي تشيليهو..
البت:ما حاخليكي فحالك طول ما هو معاكي..
سمر:أمشي من هنا..
البت بتصرخ صرختها المرعبة وبتختفي..
سمر وهي بترفع السلسل بعد ما وقع منها:يا الله😭😭😭(بتلاحظ لانو نوع السلاسل البتتفتح )انا ما حصل اديت السلسل دا أهمية او فكرت اعاين ليهو..(وبتفتحوا )كانت بتعاين للسلسلة وكأنها بتعرف الناس الموجودين فيها(كانت عبارة عن صورتين والصورتيين فيهم ثنائيات )..بتقيف علي حيلها وبتجري على غرفتو..بتدق الباب وبيفتح ليها..
اياد بصوت ناعس:خير في حاجة..
سمر بتمد ليهو السلسلة:ممكن افهم انت الجابك هنا شنو؟
اياد بعدم اهتمام:زي ما وصلتي لي اعرفي اوصلي للشخص الفي الصورة التانية ..
سمر:انتو عايزين تجننوني..
اياد:ما عندي اي نية لكدا بس انتي الماضي بتاعك هو المؤثر علي مستقبلك..
سمر:الماضي الماضي الماضي..علاقة الماضي بالنحن فيهو شنو؟
اياد:الماضي اساس كل اللي بيحصل..
سمر:اوك ما عايز توريني تمام..(وبتتحرك.. )
-----
-----
قعدت فغرفتها وبتفكر علاقة اياد بالسلسل شنو وفجأة بتقع عينها علي الثنائي التاني..بتحاول تدقق على الملامح وكانت الصدمة..انها شايفة سمير..
سمر:دقيقة دقيقة اكيد انا غلطانة مستحيل يكون البفكر فيهو صح...(وبتجري باتجاه غرفة سمير )
سمير:هلا أعتقد الآن انتي شبه وصلتي لاجوبة أسئلتك..
سمر:بس عايزة اعرف حاجة وحدة..أنت ابوي؟
سمير:ادخلي..
سمر وهي بتبكي:بس وريني هنا..
سمير:ايوة انا ابوكي..
سمر:طيب ليه كذبتو على؟؟كيف قدرت بس فهمني..💔😢
سمير:الحق علي الظروف وعلى الحصل...
سمر:ما المفروض كنت تعمل كدة ابدا ما كان المفروض يحصل كدة..
سمير وهو بيحضنها:اششش اهدأي..الآن مافي شي يفرقنا..
سمر وهي راقدة فحضنو:ليه عملت كدة؟هنت عليك للدرجة دي؟
سمير:لسة دي نص الحقيقة بس..
سمر بتطلع من الغرفة وراسها كلو اسئلة...
-------
-------
الصباح دا كان احلي صباح بالنسبة لسمير واياد..وكان مش حلو خالص بالنسبة لسمر لأن القصة الهي بتحاول تحلها كل يوم بتزيد تعقيد..وكان مليان قلق بالنسبة لجاسر ونسرين...أما جاسم فكان بفكر كيف يرضي ميرا..أما الثنائى نينا ويزن فكان صباح أكثر من رائع بالنسبة لهم..
جاسر:صباح الخير..
نسرين:صباح النور..
جاسر:تجي نشرب قهوة؟
نسرين:انا اسفة..
جاسر:علي؟
نسرين وهي بتبكي:اسفة لأني ما كلمتك بقصتي مع اياد...
جاسر وهو بيمسح فدموعها:ششش انا المفروض اعتذر لاني عصبت بدون سبب وقلت ليك كلام جارح..واتمنى انك تسامحيني لأني غلطت فحقك(اشيي علي الكلام الجارح🌚❤)
نسرين:خلاص مافي داعي نعتذر لبعض..سمعت انو فالصداقة مافي اعتذار ولا شكر..(هو انتي متأكدة انها صداقة؟ )
جاسر:صحيح💚نبدأ من جديد..
نسرين:يب..
------
------
جاسم:ميمو..يا ميمو..
ميرا:من سمح لك تناديني ميمو..
جاسم:الله مهو انا من ما عرفنا بعض بناديكي ميمو اشختلف اليوم..
ميرا:اللي اختلف انو ليس لك الحق في ذلك منذ اليوم..
جاسم:اشيي علعربي..
ميرا:براا..
جاسم:بكرة ما حتلقيني وحتندمي..
ميرا:ان شآء الله يشيلك السيل ما يهمني..
جاسم:توف علي قساوتك..انا ماشي😢💔
ميرا:انقلع..
-------
-------
يتبع...
