{فندق كيلارني}
اياد:كنتي وين الفترة الفاتت نفسي اعرف..
سمر:مع امي..
اياد:بس حسب علمي انتي كنتي عائشة مع عم سمير كيف اتذكرتي امك وما اتذكرتي الشخص القضيتي عمرك معاهو؟
سمر بتوتر:م..ما عارفة(وبتمسك رأسها)يمكن..يمكن...
اياد:خلاص خلاص انسى..
سمر:متين حنعمل عرسنا؟
اياد:قريب..
سمر:قريب يعني متين؟
اياد:ادعي انتي بس..
____
____
جاسر:نسرين؟؟وينك؟
(وبعد تفتيش طويل بيمشي غرفة سمر )
جاسر:سمر؟؟؟افتحي..
سمر:نعم فشنو؟
جاسر:وين نسرين؟وديتيها وين؟
سمر:كيف يعني؟مش كانت معاك؟
جاسر:عايني بدون لف ودوران وديتي نسرين وين؟
سمر وهي بتبكي:والله العظيم ما طلعت من غرفتي حتى اسأل اياد💔😭
جاسر بيمسكها من معصمها بقوة:صدقيني لو عرفت انو ليكي يد فاختفاء نسرين ما حارحمك. .
سمر بألم:فكني هي لعبة هي عشان كل لما يختفي شخص تلومني بالله عليك غور من وشي وشوف بتاعتك نسرين مشت وين..
جاسر:بسم آلله الرحمن الرحيم..أعوذ بالله منك..
سمر:مالك شايف شبح ولا شيطان متكون..
جاسر:انتي ما نصيحة يا بت الناس ما نصيحة..(وبيطلع )
_____
_____
نسرين:جاسر..
جاسر:وين كنتي؟
نسرين:فالحمام ليه؟..
جاسر:انا مشيت لسمر☺💔
نسرين:لااا واكيد سمعتها فارغة..
جاسر:اي نعم..
نسرين:لازم أعتذر..
جاسر:بعد العملتو فيك؟
نسرين:انا قلت تعتذر وبس..
جاسر:حاضر..
____
____
سمر:يا ريتني ما اتذكرت الماضي والحصل فيهو...يا ريتني فضلت فاقدة الذاكرة..{وأثناء كلامها مع نفسها بتحس بشخص وراها وبتتلفت برعب }
البت:هللويا
سمر:حتى بعد متتي لسة زي ما انتي ومصرة تزعجينا...
البت:ما حاخليك تعيشي بسلام لحد ما يرجع لي حقي وكل شي اخدتيهو مني..
سمر:ما اخدت منك حاجة كل شي اخدتوا ملك لي وبس..
البت بملامح غاضبة:انتي مافي شي اخدتيهو ملك ليك كل شي اخديتهو ملك لي انتي حرامية سرقتي سعادتي وكل شي بملكو..لازم تموتي...
سمر:اقتليني لو بتقدري..
البت:بعد دا ماف فائدة من قتلك بس حاخليكي تعترفي بالعملتيهو..
سمر:انا ما عملت حاجة..
البت بتضحك بطريقه مرعبة والمرة دي ضحكتها كانت مسموعة بالنسبة للكل مش لسمر بس ..
سمر بتمسح العرق من علي جبينها وبتحاول تبين طبيعية لما سمعت صوت الباب..
نسرين:سمر؟؟
سمر:اتفضلي..
جاسر:انا اسف..
سمر:وانا اسفة كمان على كل شي...
نسرين:خلص الفات مات..
سمر وهي بتحضنها:شكرا..
نسرين:خلاص عايزين نرجع طبيعيين..
سمر :اكيد..
_____
_____
ميرا:منو؟جاسم؟منو البرا؟انتي؟الجابك هنا شنو؟
سمر:جيت عشان انتقم..
ميرا:انا ما حصل اذيتك..ليه عايزة تنتقمي..
سمر:ما منك بس لازم كل الموجودين هنا يتأذوا عشان تعترف بالعملتوا..
ميرا:طيب أنا ذنبي شنو؟
سمر:حاديكي فرصة عشان تهربي ..
ميرا بتجري على الباب..
سمر بترميها بالسكينة وبتصاب بجرح فكتفها..
ميرا:بتحاول تطلع من غرفتها وبتنجح فكدا..وبتجري فممر الفندق وبتبكي بهستيريا..وللاسف بتقابل جاسر ونسرين فالممر ومعاهم سمر..
ميرا:واااي وااي خلوها تبعد مني عايزة تقتلني..
سمر:انا ما سألتها حتي كنت مع جاسر ونسرين..
ميرا:كذابة هسي كنتي فغرفتي..
وخلال نقاشهم الحاد اتلم كل اللي الفندق عشان يعرفوا الحاصل...
اياد:فشنو؟
سمر:شوف ميرا بتقول اني كنت فغرفتها وحاولت اقتلها وانا من اوضتي ما طلعت..
اياد:هي قبل شوية كانت معاي..
سمر:وبعدين..بعدين..بعدين(وبتتصدم لما تشوف البنت بشعرها المنكوش وجسمها المليان دم وهدومها المبلولة وعيونها البيضاء وشكلها المرعب بصورة عامة جاية عليها )
يزن:وبعدين؟
نينا:هاا؟الحصل..
سمر وهي بتغطي وشها:لااا ما تقربي...(وفجأة بتتحول شكلا وصوتا وملامحا )
اياد:في حاجة؟
سمر:لا سلامتك..
نسرين:هاا وبعدين؟
سمر:وبعدين مشيت ليها وهددتها..
اياد بتظهر على وجهه ملامح الصدمة:سمر انتي فوعيك؟
ميرا:وبتقولها بكل قوة عين
سمر وهي بتقرب على ميرا:تجي نجرب تاني؟
اياد:سمر؟فوقي انتي بتقولي فشنو..
سمر بتلزوا بقوة خارقة بتخليهو يكسر الباب..
جاسر:اياد!!
يزن:أعوذ بالله من الشيطان الرجيم..
مالك:دي ما سمر..
سمير:فحاجة غلط..
مالك:لازم نمسكها..
سمير:نسبة للعملتوا فاياد ما أعتقد نقدر..
يزن:انا حاخاطر..
جاسر:وانا كمان..
{وبعد محاولات كتيرة يزن وجاسر فشلوا فانهم يمسكوها لأنها كانت بتمشي فالحيط ومرات بتطير وبتختفي وبتلعب بيهم لعب وشغالة براحتها }
يزن:الشغلة دي صعبة..
جاسر:انا هلكت..وهسي ما عارفنها مشت وين..
يزن:مافي غير مكان واحد..
جاسر:اللي بالي بالك..
يزن:اكيد حتستهدف المركز لأن فيهو...
جاسر مقاطع:لأن فيهو ناس بتقدر تأذيهم زي نسرين وميرا واياد وجاسم..
يزن:لازم نلحقهم..
وهم فطريقهم سمعوا صراخ نسرين..
____
____
جاسر ويزن بيتصدموا من المنظر الشافوهو...الغرفة كانت مكركبة ومقلوبة رأس علي عقب...اياد وجاسم كانو فالأرض والاتنين مصابين وميرا مغمي عليها ونسرين واقفة فالكورنة وسمر ماشة باتجاهها....
يزن التصرف الوحيد القدر يتصرفوا انو يرمي فسمر الملاية وبكدا وأخيرا قدروا يمسكوها..وفدقايق نينا ومالك وصلوا ومعاهم شيخ...
الشيخ:اربطوها لي فالسرير..
يزن:طيب..
وبعد ربطوها خلوها للشيخ يقرأ ليها برفقة أبوها..وهم مشوا يسعفوا الباقيين...اياد وميرا ما اتضرروا بقدر ضرر جاسم..
وفخلال ساعات فاقوا..
ميرا:جاسم..
جاسر:حيبقي كويس..
ميرا:انا عايزة امشي ليهو..
اياد:وانا كمان..
وفعلا بمساعدة نسرين وجاسر مشوا يزوروا جاسم..
____
____
الغرفة تانية كان الشيخ واقف ومعاهو نينا ويزن وعم سمير وبدأ يتلوا عليها آيات من الذكر الحكيم ما مرت ثواني إلا وبدأت تتحرك بطريقة هستيرية يمين وشمال وتنطط...
الشيخ:أعوذ بكلمات آلله التامات من شر ما خلق..ويزن بيردد بوراهو ونينا كانت ماسكة فيزن وعم سمير بيردد معاهم..
الشيخ:عايزة منها شنو؟
سمر بصوت مرعب:انا عايزة حقي وكل شي اخدتوا مني انا عايزة السلام..
الشيخ:طيب هي عملت ليك شنو؟
سمر:قتلتني وانا حالفة انتقم منها ما حاخليها ما حاخليها..
الشيخ بيكمل قراية وبيتجاهل طلبها بانو يوقف...
وبعد ساعات من التلاوة سمر هلكت وشبه طاقتها نفذت من كترة المقاومة...
الشيخ:كدة كفاية نكمل بعدين..
يزن:تمام يا ريت يا عم سمير توصلو غرفتو انا حامشي اتطمن علي اياد وجاسم ..
سمير:اكيد..
____
____
جاسر:انت مش قلت لي ارقص معاك يوم عرس يزن انت بس قوم وانا حارقص فعرسك زاتو خلى عرس يزن..
اياد:عليك الله قوم..
ميرا:جاسم💔😭انت عارف عارف انو لو متت انا كمان حامووت صح...أنت عارف ان كلنا بنحبك..صح!!!!اتكلموا معاهو خلوهو يقوم..
يزن بنبرة حزينة:ميرا خلاص..
ميرا:لا ما تقول كدة هو بيحبني هو عارف مافي داعي يتعاور ويهظر ويمثل علي انا عارفة هو كويس وحيقوم هسي...يلا خلاص قوم...جاسم..كفاية تمثيل يلا😭😭انا حاعد لحد 3 اذا ما قمت حازعلك..جاسسممم😭😭💔💔💔
اياد كان متمالك نفسو وما أبدأ اي ردة فعل...
نينا اتأثرت بمنظر ميرا وهي بتبكي وحالة جاسم وفورا دموعها جرت وكانت بتحاول تهدئ فميرا..
يزن كان واقف عشان يواسي جاسر لانو كان متوقع انهيارو وفعلا ما مرت لحظات إلا وجاسر اتدارك فكرة انو حيعيش بدون توأم عمرو بدون اخوهو الكان معاهو فكل لحظة وكل خطوة فحياتو..
{شعور اسوء من سئ انك تخسر شخص عزيز عليك والاسوء انك تشوفو بيموت قدامك وانت ما قادر تعمل إي حاجة عشان تساعدوا..}
جاسر:لا اكيد هو بيهظر...انتو عارفنو بيحب يلعب بينا..هو اصلا كدة دي حركات ساي...يلا قوم..خلاص بطل عوارة انا ابتديت ازهج..
يزن فضل يعاين لتصرفات جاسر البقت هستيرية وبيقول كلام خارج عن المنطق..هو كان متوقع منو رد فعل بس ما بالطريقة دي..
اياد وهو ماسك جاسر من كتفو:خليك قوي..
جاسر بينزل علي ركبو وهو بيبكي:اقوي كيف واخوي ما معاي...اقوى كيف وانا خسرت سندي..اقوي كيف علي فراق رفيق دربي..
يزن:دا قضاء ربنا وقدرو خليك مؤمن ان كدة أفضل له..
جاسر:معقول عايزني ارجع بدونو اقول لي امي شنو؟اقول ليها بكل بساطة ولدك مات؟انتو بتهظروا صح؟
اياد:لا حول ولا قوة إلا بالله..كدي استغفر وقوم...
جاسر:خلوني فحالي...ابكي ولا اتدردق ما شغلتكم بس خلوني فحالي..
يزن:اياد عايزك ..
اياد:تمام يلا برا..
_____
_____
يزن:بخصوص سمر..
اياد:سامعك..
يزن:فروح مستحوذة علي جسدها..
اياد:كيف كيف؟
يزن:ايوة وكمان سمر متهمة بالقتل..
اياد:وانت مصدق؟
يزن:والله انا ما أقدر انفي بس ما أقدر اصدق..
اياد:طيب انا ممكن اشوفها؟
يزن:حتعمل شنو؟
اياد:بس عايز اشوفها..
يزن:طيب
____
____
اياد:سمر..
سمر بصوت مبحوح:ما عايزة تخليني😭
اياد:منو هي؟انت قتلتي زول؟سمرر؟
سمر بارهاق:ما كان قصدي😭
اياد بعدم تصديق رجع خطوتين لورا:قتلتي منو؟جاوبيني...
سمر:ما بقدر..حتكرهني لو عرفت..
اياد بيمسك وجهها:اتكلمي..منو؟قتلتي منو؟وكيف؟
سمر قبل ما تفقد وعيها:الشخص اللي..اللي فبالك..
اياد بصدمة:مستحيل..لا لا..مستحيل..(وبيبدأ يربط الأحداث ببعض لحد ما يوصل ليوم الحادث بعد حلقة تفكير طويلة بيطلع من الغرفة وهو ما مصدق الحصل)
_______
_______
وبعد ساعات من الحزن والصدمة والمشاعر الكئيبة..
اياد بينادي علي يزن وبيتناقشوا لفترة وبعدين بيمشوا علي الغرفة الفيها سمر والشيخ وعم سمير...
سمر كانت شاحبة والهالات تحت عيونا وجسمها كلو رضوخ وعلامات
الشيخ :اطلعي منها..
سمر:الليلة يا انا يا هي..
الشيخ بقا يقرأ فايات من سورة البقرة...
سمر:ما حاخليها إلا اخد حقي..(وفجأة الغرفة بدأت تتكركب ويتكسر كل شي فيها..فجأة جات مزهرية طايرة ضربت الشيخ..
اياد مسك المصحف وكمل مكان الشيخ..)
سمر:اياد انت عايز تأذيني عشانها..
اياد:انا مضطر..وبيكمل..أعوذ بالله من الشيطان الرجيم....أعوذ بكلمات الله التامات من شر ما خلق..
سمر:يمكن ما أقدر ااذيك بس حااذي المعاك..
(فجأة التربيزة بتتحرك باتجاه عم سمير وبتضربو..ومن الزجاج المكسر علي الأرض في قطعة بتطير باتجاه يزن.......................... )
.......
.......
بعد شهور
(في السودان )
(في أحد أكبر الصالات علت أصوات الموسيقى مجارية الديكور الكلاسيكي..
لم يتمالك الناس تحركات أجسامهم اللارادية بسبب الأغاني السودانية..
توقفت الأغاني عندما وصل المحتفي بهم
يتبع....
