{فندق كيلارني}
ملأت الزغاريد الصالة وظهرت البهجة على وجه الجميع..
دخول العرسان علي اغنية {مبروك علينا...فرحتنا الليلة..يا اعز الناس هنعيش دنيا لوحدينا..اليوم دا يومنا ومين يلومنا..عيشني يومين يومين حلوين من اللي فخيالنا...هالله هالله...قمر بجد ما شآء الله.. هالله هالله...أنا بين ايديك بحلم ولا..والله احلى فرحة الليلة فرحة لامة كل العيلة...والدنيا فعيوننا جميلة }
تألقا العريسان ببدل سوداء..والعروستين بفستاني زفاف بيض منقوشين وتحملان بوكيه من الورود الحمراء...
بدت الفرحة علي وجوه الجميع وكأنه اليوم المنتظر الا هو...فقد غلب على فرحته ذلك الحزن الذي بات في عينيه...كيف لا يحزن وقد خسر حبيبته وزوجته...كيف لا يحزن وهو من خسر اللعبة...ايعقل ان تعود به الدنيا إلى نفس النقطة...لماذا هي هكذا فانيةة ودوارة؟لماذا قد تسلبنا ما نحب بسبب اخطاء صغيرة قد نرتكبها بدون قصد...
______
________
يزن:انا عارف الحصل صعب بالنسبة ليك بس لازم ننسى الحصل ونبقى ايجابيين حتخرب فرحة اصحابك عشان الماضي؟عايز تبقي اناني؟اياد انت لازم تنسي..
اياد:انا ما قادر انساها تفاصيلها محفورة فكل مكان في العالم مرات بحس انها محفورة فمسمعي ونظري وقلبي وكل مكان انا مهما حاولت انسي او اتناسي بتطلع قدامي بصورة او بأخرى..
يزن:طيب نحن نمشي الليلة دي على خير وبعدين نقعد نتناقش فموضوعها هسي جاملنا بابتسامة..
اياد:حاضر..
يزن بيحضنو:تسلم لي ياخي...أنا حرفيا ما عارف أشكر ربنا بياتو طريقة علي وجودك فحياتي💕
اياد:كدة يا غالي..
يزن:ايوة كدة ونص..
نينا:بتتكلموا فشنو؟
اياد:شوف شوف في ناس اصواتها بقت تطلع..
نينا:كلو من صحبك دا...
يزن:وماذا فعلت لك يا اميرتي؟
نينا:لقد سرقت قلبي فقط..
اياد:هلا تغربون عن وجهي لأنني أكره التحدث بمواضيع العشاق الفارغة هذه..
{لم تمر لحظات حتي انفجر جميعهم ضحكا علي طريقة حديثه }
اياد اتحرك باتجاه الكوشة لما لاحظ لاشارة جاسر البتطلب منو يجي هو ويزن..ونينا عشان تكتمل اللوحة وياخدوا صورة جماعية...
_____
_______
وبعد كملت مراسم الزفاف بالجرتق والتفاصيل السودانية الجميلة...الصالة شبه فضت...
يزن:يعني يجماعة فاخبار كدة لازم تسمعوها..
جاسر:انا حاسي انها مصيبة
ميرا:انا مش متطمنة..
يزن:قبل ما الباقين يتشائموا لي...احم احم We are gonna have a baby...
كلهم فوقت واحد:اوووو مبروووك ودا يحضن بي جاي ودا يهني بهناك ...
اياد:مبروك..المهم بمناسبة يوم الصراحة انا مسافر بدون نقاشات وبدون كلام كتير..
يزن:متين ووين؟
جاسر:ورينا.
ميرا:بقا. فيها شغل خساسات..
نينا:وجايي تاني ولا لا
نسرين:المفاجأة مؤلمة
جاسم:حرفيا وت يعني وت
اياد:مسافر اليوم..اما الوجهة فسر..ويمكن استقر هناك اصلا انا حضرت العرس بناء علي رغباتكم...
يزن:بس..
اياد:بدون بسبسة انت اول شخص نصحني ابدا حياة جديدة..وأنا عايز اعمل كدة بالضبط..
يزن:راحتك بس خلي بالك من نفسك واوعي تنسانا..
اياد:مستحيل(وحضن الفريق مرة ثانية )...
نرجع لقبل أشهر....
______
______
فلاش باك..
القزازة كانت متحرك باتجاه يزن لحد ما وقف قدامو اياد وهو لسة بيقرأ قرأن...
القزازة قربت منو شديد بس وقفت فاخر لحظة..
أنفاسهم بقت تتصاعد بقوة حسو وكأن الموت كان قريب...
اياد:ليه وقفتي اقتليني..اقتليني زي ما قتلتي جاسم..قتلتي واحد من أصحابي..خليتيني سبب فموتو..
سمر:انا عمري م فكرت أأذيك ولا حأأذيك فيوم من الايام ولا كان قصدي أأذي زول انا بس بدور علي العدالة...
اياد:انتي مش عايزة العدالة انا حاحققها ليك بس انتي اطلعي منها...
سمر:يعني انت عارف الحصل؟؟؟
اياد:ايوة...
سمر أطلقت صرخة مدوية خلت كل الموجودين يقفلوا اضنينهم..
اياد:سمر؟؟سمر؟؟
سمر بصوت منهك:انا ما سمر خليها بس تخليني فحالي..أنا ما سمر..(وبيغمي عليها مع تأكد شكوك اياد )
_____
_______
خلو سمر ترتاح وشكروا الشيخ ونصحهم بسور يفضلو مشغلينها وودعوه...واخدوا عم سمير وضمدوا ليهو جروحوا..
اياد اتحرك باتجاه غرفة جاسم..
اياد:اللعبة انتهت خلاص يلا لملموا الدنيا دي.....
جاسر:؟؟؟انت فوعيك
اياد:وهل ابدو لك كسكير؟
ميرا ما فتحت خشمها ولا بحرف كانت فحالة صدمة..
يزن:أكيد انت جنيت بعد الحصل جوا..
اياد:ما جنيت ولا حاجة بس انا جادي لعبتنا انتهت خلاص قوم يا جاسم شكلك صدقت نفسك...
جاسر:لا شكلك جنيت بجد...
ونظرات الحزن والاستحقار اتحولت لنظرات هول وصدمة لما جاسم قعد علي حيلو ..
في اللحظة دي جاسر رجع أربعة خطوات لورا ونسرين صرخت ويزن اتجمد فمكانه الوحيد اياد الكان بضحك..
ضرب كفو مع جاسم وكملو ضحك..
جاسر:حاسي نفسي ففيلم هندى
نسرين:ما شفت إحساسي 3D بس
يزن:هو دا حقيقي ولا صداقة الأشباح بقا شي طبيعي...
اياد:لا دحقيقي
جاسم:وقسما بالله ما مضحكني زول غير ميرا..اول ما قمت وقعت
اياد:أيا ايا ما تكون ماتت اتكادوا..
جاسم:ياخ بعيد الشر عن مرتي ....
