{فندق كيلارني}
جاسر كان في النومة السبعمية لمن جاسم اتأنق وطلع..
نسرين كانت طالعة من غرفتها وشافت جاسم فحيتو وصبحت عليهو باعتبارو جاسر بالبداية جاسم أستغرب من وين بتعرفو بس الونسة جرت..
بالنسبة لميرا كانت لمن تمشي لي اياد بتلقي مشغول مع سمر
واصلا يزن م في القائمة..
وجاسر نايم
فطلعت في رحلة بحث عن فردتها جاسم اذ وجدته بتونس ويضحك مع تلك المدعوة نسرين إذ أحست بالغيرة من تلك المدعوة نسرين اذ انها تضاحك وتغازل صديقها المفضل الذي لا تشاركه أحد فإذا بها تذهب باتجاههم وتسحب جاسم بكل قواتها وتطلبه في كلمة جانبية اما عن نسرين فاستغربت من تصرفها الغير لائق(اللغة العربية تبكي في الزاوية معلش دي خارجيات الساعة 6:00 ص🌚💔)
---
---
نرجع ليزن صاحبنا قبل ما نمشي لي ناس اياد لأن حنطول معاهم..
{طبعا يزن مشا قشر وجهز نفسو عشان يمشي في موعد غرامي من طرف واحد مع معشوقته...طبعا مشا لي نينا ودقا ليها الباب فتحت بعد فترة..
يزن:ليه ما جهزتي مش قلتي عايزة تفطري معاي؟
نينا:هاا !يعني وافقت..
يزن:هو انا اقدر ارفض؟
نينا بخجل:تمام ثواني واكون جاهزة..
يزن:منتظرك تحت..
نينا:اوك..
-------
-------
اياد وسمر سلكو مع بعض وبقت ونستهم شبه طبيعية وخالية من مساخة سمر..كانو بيتمشوا حولين الحديقة...
اياد:انا عايز أتمشي فوق الجسر..
سمر:اشمعنا..
اياد:والله مجاز..
سمر:خلاص امشي انا منتظراك هنا
اياد:ليه يعني؟
سمر:رهاب المرتفعات!!
اياد:حنمشي سوا متخافي..
سمر:لا
اياد بيسحبها من يدها وبيمشوا على الجسر..
سمر:اوف يا الله ما اموت..
اياد تلفونو بيدق:لحظة مكالمة مهمة ارد واجيك.
سمر:لا متخليني..
اياد بيفلت يدها..وقف بعيد وبيتكلم..
سمر كانت ماشة عادي في البداية بس تدريجيا كدة حست نفسها في الحلم لا هي كانت شايفة الحلم بس حقيقة المرة دي...وصلت نص الجسر كدة بقت تحس انو في زول معاها وبتتلفت مافي زول فجأة نفسها ضاق وراسها لفا فاتتصور الجسر ووقعت..
اياد كان مركز مع المكالمة وما لاحظ لمن وقعت في الموية إلى ان سمع صراخها الكان عالي وكأنها بتتالم مع ان هي بس وقعت في الموية بس صراخها كان يبدو انو في حاجة تاني مألماها..
اياد:سمرر!!مدى يدك..
سمر وهي شبه اختنقت بسبب الموية:م..م..بعرف..ا..ا..سبح
اياد بعد محاولات كتيرة منو عشان يطلعها ما قدر فنزل معاها وفي اللحظة ديك هي كانت شبه غمضت..
اياد بذل كل طاقتو وهو بيسبح والجماعة ديلك كل واحد مع زولتو مبسوطين وديل بي جاي بيموتو(صحي الناس قسمة ونصيب خخ😂)
اياد بعد عذاب حتي قدر يلاقي سمر الغرقت اولريدي يعني..طلعها من الموية وحاول يفوقها..بس كانت قاطعة اوكسجين..جرب يعمل ليها تنفس اصطناعي بس ما قامت...(وت يبنت الناس خلاص كفاية هلكتي الولد)وأخيرا بعد ما اياد فقد الأمل فإذا بشلالات من المياه تتناثر علي وجهه..
اياد:سمر انتي كويسة..
سمر وهي بتتنفس بصعوبة:ا..ا..إي
اياد وهو بيقومها:ارح اوديك غرفتك.
سمر:انا ما وقعت براي..
اياد:طيب اول ارتاحي..
سمر قبل ما تغيب عن الوعي تاني:انا في زول عايز يقتلني..
(اياد بينادي علي باقي الشباب عشان يساعدوه...نسبة لانو محيقدر يشيلها براهو لانو كان في الموية لفترة طويلة)
وبعد ساعات...
وقف العم سمير يحادث شخصا بدأ وكأنه يعرفه منذ زمن طويل..دار الحديث بينهم حول سمر وما يتعلق بالفندق..
سمير:وصلت لحل؟
الشاب: لا للاسف خصوصا بعد الحصل الليلة..
سمير:يعني اعتبر حياتها في خطر؟
الشاب:اي بس حتفيدها دعواتك..
سمير وهو بيقعد في الكرسي بيأس:ممكن يحصل ليها حاجة؟
الشاب: ما تخاف طول ما هي معاي ما حاسمح يصيبها مكروه..
سمير وهو بيخت يدو فكتفو:الله يرضي عليك يا ولدي جيت في وقتك..
--------
--------
سمر:نسرين لازم تصدقي اني ما وقعت براي..
نسرين:صدقيني دي اوهام..
سمر بخيبة:طيب اطلعي خليني ارتاح..
نسرين:بس..
سمر:بدون بسبسة اطلعي...
نسرين:اوك..(وبتطلع..)
سمر:انا متأكدة انو في حاجة ما تمام لازم يكون في علاقة بين الأحلام والمكان دا والمصايب البتحصل معاي دي..لازم أحل اللغز دا لانو مافي زول حيصدقني طالما مافي إثبات..
___
___
جاسم:كيف بقت؟
نسرين:والله حالتها أسوأ ومصرة انو في زول لزاها..
يزن:طب ما يمكن كلامها صح..
ميرا:كيف كلامها صح ومافي غيرنا فالفندق..
نينا:بينما كلنا كنا مشغولين..
جاسم:ومافي زول قرب علي الجسر..
نسرين وهي متحركة باتجاه المطعم: والله سمر بقت غريبة..انا حاشيل ليها قهوة يمكن تصحصح شوية..
ميرا وهي مراقبة نسرين وهي متحركة:ما حبيت البنت دي ابدا (محبيتيها ولا عشان اتكلمت مع جسومي💔🌚)
جاسم:حرااام دي كيوت اوي💚
ميرا وهي بتحمر ليهو:اخطبها ليك؟
جاسر وهو بيحك فراسو:صباح الخير شباب😅{يا دوب دا انت فاتك كتشير اوي (النوم بيجيب اللوم)}
جاسم:صباح النور😂❤
جاسر:فشنو؟؟
ميرا:ورح نحكي ليك..
------
------
اياد وهو بيدق علي باب غرفتها:سمر!!
سمر بانزعاج:اتفضل
اياد وهو بيدخل:اشفيك حزينة!!
سمر:اياد قفل مني براي زهجانة
يتبع.
