{فندق كيلارني}
اياد بيقعد علي ركبتو:سمر؟انتي عارفة انتي وين؟
سمر:فندق؟
اياد:ايوة بس عارفة اسمو؟
سمر:لا
اياد:طيب حلو ممكن نبدأ جلستنا؟
سمر:حابقي كويسة؟
اياد:اكيد لو اتجاوبتي معاي..
سمر وهي بتمسح دموعها:يلا نبدأ..
اياد بيمسك ورقة وقلم وبيقفل الباب وبيخفت الإضاءة وبيشغل موسيقى هادئة:ممكن تحكي لي عن طفولتك او الماضي حقك باختصار..الأشخاص الكانو معاك وكدة...
سمر:ما بتذكر شي عن طفولتي او شخص مميز فيها..
اياد:كدي ارجعي معاي للماضي..
سمر بتغمض عيونها وبتشيل نفس طويل:طيب..
اياد:شايفة شنو..
سمر:ما شايفة حاجة..(وفجأة بتعرق وبتبدأ تتمتم)لاااااااا (وبتشهق لدرجة بتخلي اياد يطفي الموسيقى ويفتح الإضاءة.. )
اياد وهو بيطبطب عليها:انتي كويسة؟
سمر وهي بتتنفس بصعوبة:موية!!
اياد وهو بيمد ليها الكباية:شفتي شنو؟
سمر وهي بتشرب بتوتر وبترجف:م..م ..عارفة..
اياد:صارحيني انا ما بس دكتورك وصديق كمان ولا ما بتعتبريني كدة..
سمر وهي بتخت الكباية وبتبدأ تبكي:راسي حيتفجر..
اياد:كدي اهدي واسترخي..
سمر:انا ما مجنونة😭😭💔
اياد:أنا عارف كدة..بس انتي احكي لي..
سمر وهي بتشيل شهيق وبتزفر:انا شفت نفس الحلم بس المرة دي كان في بنت معاي💔😭
اياد:ممكن اعرف الحلم..
سمر وهي بتقعد:بكون واقفة علي الجسر وعرقانة وخايفة وبتلفت وفجأة بيلمسني زول وبصحي علي صراخي..
اياد:والمرة دي؟
سمر:نفس الحلم بس كنت بكورك وبقول سحر اوعك تقربي علي وبيتحول نظري للبنت الكانت واقفة وبتضحك بشراسة..
اياد:طيب حلو..كدة نحن ماشين صح..انتهت جلستنا اليوم...تقدري ترجعي غرفتك..
سمر وهي متحركة باتجاه الباب:انا اسفة وشكرا..
اياد:لا شكر علي واجب..
{خرجت من الغرفة وتحركت باتجاه غرفتها ناسية سبب قدومها وتشتت أفكارها بما رأته بدأ اللغز الذي تحاول حله يتعقد شيئا فشيئا ماذا حدث معها ولماذا تطور الحلم بمجرد قدومها لهذا المكان وما علاقة العم سمير بالموضوع ولماذا هم اياد بسؤالها تلك الأسئلة الغريبة؟ }
------
------
{بدأ صبره ينفذ بعد ان دعته لتناول الطعام معها..زال خوفها وتوترها تدريجيا بعد ان جاءت معه كانت دائما تشعر بالراحة عند تواجده بقربها كانت تخبئ الكثير من المشاعر بداخلها خوفا من البوح بها لتخسره كصديق..أما هو فقد كان خائفا من رد فعلها وهل ستبادله المشاعر...لم يكن اي منهما يحظى بحياة سعيدة فهي فقدت عائلتها في حادث سير وعاشت وحيدة مع الثروة التي خلفتها..أما هو فقد ماتت امه بعد ولادته وتبعها والده بعدها بسنتين وكفله عمه الذي تغرب عنه بعد ان وصل سن الرشد وعاش وحيدا بعدها وكفل نفسه بنفسه وعاش في الظلام إلى ان وجدها لتنير حياته رغم شخصيتها الخجولة والضعيفة نوعا ما كلاهما شعر بان حياته تغيرت بعد دخول الآخر عليها وكلاهما ينتظر اعتراف الطرف الآخر فمن سيتفوق... }
يزن بعد ما اتنهد بتوتر:نينا..
نينا وهي بترجع شعر لورا:هااا..
يزن:ما عارف اقولها كيف بس اسمعيني للنهاية وما تقاطعي كلامي و يا ريت لو ما عجبك كلامي دا ما يأثر على صداقتنا ولا علي علاقتنا بصورة عامة واوعك تبكي..
نينا قلبها قبل يدق بسرعة:حاضر!!!
يزن بيشيل وردة من الفازة اللي علتربيزا وبينزل علي ركبتو وبيمد ليها الوردة (احنا لينا الله☺💔):نينا...
بتقاطعو:موافقة وبتبدا بكا(هسي افرضي ما عايز يتقدم ليك وبعدين انا لو مكانك بزغرد ما ببكي يا هطلة🌚)
يزن:فشنو هسي بتبكي ليه..مش دي الوردة البكتك اها وبيرميها فالتربيزة..
نينا بتاشر علي الوردة وبتزيد بكا:دي حقتي ليه جدعتها😭
يزن وهو بيضحك وبمدها ليها:بحبك..
نينا:وانا كمان..
يزن وهو بيمسح فدموعها:البشوفك بقول دقيتك ما اتقدمت ليك😂
نينا:يززن..
يزن:😰قلتي شنو؟
نينا باستغراب:يزن
يزن:اول مرة اسمع اسمي منك💕
نينا:طيب جهز نفسك عشان تسمعو علطول💕(وبتخت يدها علي وشها وبتجري غرفتها)
يزن بيخت يدو علي قلبو:اموت انا فيلي بيخجل...(بيضرب على قلبو ثلاث مرات )جهز نفسك يوحش دا موسمك..
-------
-------
نخلي شاروخان دا ونشوف اصحابنا ديل..
جاسم وهو بيتنفس:خلاص والله تعبت ما قادر اجري هلكتيني..
ميرا:حيوان..الله يقدرك تغيظني تاني..
جاسم:ميمو💕
ميرا:خير..
جاسم:يا ميمو..
ميرا:مقلنا نعم..
جاسم:عايني لي..
ميرا:نعم فشنو..(وبتتصدم بالخاتم الكان ماسكو فيدو)
جاسم:TI AMO
ميرا:ظهرت الدهشة فوشها..
جاسم:انا عارف انك حتقولي ما جاهزة وما مستعدة وما وقتو وبتاع لكن انا بوريكي بس في حال لو بكرة حصل لي حاجة ومستعد أنتظر جوابك عمري كلو(حب لكن🌚)وفكري براحتك (وبيتحرك باتجاه غرفتو )
(للناس البتجمع بعد سنوات نحن ما عندنا وقت ورانا أشغال TI AMO معناها احبك باللغة الايطالية لأن ميرا مغرمة بإيطاليا فجاسم حب يعترف ليها بطريقة تبهرها😭💕وريتكم نحن لينا آلله😭🌚 )
ميرا وقفت مصدومة من الحصل وماقدرت تبدي اي رد فعل تخلينا نستنتج انها موافقة ولا حتى ما موافقة...
------
------
نسرين:هلا..(هو انتي معانا ولا معاهم☺💔)
اياد:اهلين اتفضلي..
يتبع
