Unicode.
" ဟား.....ဟား.... ခစ် ... ခစ် ... ဟင်း .... ဟင်း ...."
သေနတ်ဒဏ်ရာကြောင့် လဲကျနေသော်လည်း ကူးငယ်လေးဆီရောက်အောင်သွား၍ ပွေ့ဖက်ထားလိုက်ကာ အရေးပေါ်ကားသံတွေအကြား Jin ချုပ်ထိန်းထားသည့်စိတ်အရာအားလုံးကိုလွှတ်ချလိုက်ကာ ကူးငယ်ကိုပွေ့လျက်သားလဲကျသွားသည်။
စိတ်အစုံသည် လွင့်မျောလျက်ရှိနေစဉ်မှာဖဲ ပေါ်လာသည့်မျက်နှာလှလှလေးတစ်ခု။ ခိုးခိုးခစ်ခစ်ရယ်မောနေကာ Jin တို့နှင့်တစ်ဖြည်းဖြည်းဝေးရာသို့ ဝေ့ဝါးလာသော်လည်း ရယ်မောသံတို့သည် အတိုင်းအဆမဲ့စွာ လှောင်ပြောင်နေဟန်။
Jin ကူးငယ်ကိုပွေ့ဖက်လျက်နှင့်ပင် နှုတ်ခမ်းဖျားမှ သွေးတစ်ပွက်အန်ကျ၏။ အသိစိတ်တို့အလုံးစုံလွှတ်ကင်းမသွားခင် ပုံရိပ်ဖြူလေးကို Jin ပြုံးပြလိုက်မိသည်။
ဝဋ်ကြွေးတွေရှိရင် ကျေရပါလို၏။
ချစ်ခြင်းတွေလွန်ခဲ့မိ၍ မှားယွင်းခဲ့သည့်
ရန်ငြိုးတွေသည်လည်း ပြေရပါလို၏။ဘဝဆက်တိုင်းလည်း ချစ်ရသူနဲ့အတူ
အေးချမ်းသောဘဝလေးဖြင့် ပေါင်းဖက်ရချင်ပါ၏။သည်ကျိန်စာတွေ ဒီဘဝနဲ့ဖဲကျေပါစေ။
ကူးငယ်လေးကိုတော့ အသက်ရှင်ခွင့်ပေးပါ...
Jin ဆုတောင်းစကားတို့သည် အဆုံးသတ်ရောက်ခဲ့လား အဆုံးမသတ်ခဲ့နိုင်ဘူးလားဆိုသည်ကို Jin မသိလိုက်တော့။ ကူးငယ်ကိုပွေ့ဖက်လျက်သားနှင့်ပင် သဘောတကျရီမောနေသည့် ညီငယ်လေးကိုကြည့်ကာ ပြုံးပြလိုက်ရင်း Jin ၏အရာအားလုံးသည် မှောင်အတိကျသွားရသည်။
ကိုကို့ရဲ့ မင်လေးလည်း ကျေနပ်နိုင်ပါစေ....။
▪️
ကိုရီးယားနိုင်ငံ ဘူဆန်မြို့။
စတော်ဘယ်ရီခင်းကြီးကို တစ်မေ့တစ်မောငေးကြည့်နေရင်း ပြုံးလိုက်မိသည်။ ဘာလိုလိုနဲ့ စတော်ဘယ်ရီတွေခူးချိန်ကို ပြန်ရောက်လာခဲ့ပြီ။ နေရောင်အောက်မှာထိုင်နေရင်း ကိုယ့်အသားအရည်ကိုပြန်ကြည့်မိသည့်အခါ နှာခေါင်းရှုံ့လိုက်မိသည်။ ဘယ်လိုတောင်မည်းလာရတာလဲ။
ESTÁS LEYENDO
Rewrite The Stars💫
Romanceနှုတ်ခမ်းကို နမ်းတာဟာ ချစ်ခြင်းဆိုရင် ခြေထောက်လေးကို နမ်းတာဟာ မြတ်နိုးခြင်းတွေနဲ့ပါ Hyung...🌸 Start Date ◼️ 6 Oct 2021 End Date ◼️ 19 Mar 2022 (Unicode and Zawgyi)