Relationshit

Final Chapter [ U ]

- ကျွန်တော်တို့အချင်းချင်း တွေ့ဖို့ကို တားမြစ်တယ်တဲ့လား? Senpai/Kōhai အနေနဲ့ စကားစမြည်ပြောဖို့ကိုတောင် မရတော့ဘူးပေါ့? ....... အဲ့ဒါ မဟုတ်ဘူးမလား? haha... Senpai မနောက်နဲ့နော်.. မနောက်ပါနဲ့ ကျွန်တော့်ကို!

ခပ်ဟဟပျက်ရယ်ပြုရင်း အခုထက်ထိ မယုံနိုင်သေးတဲ့သနားစရာကောင်လေးဟာ မျက်ရည်တွေဝဲနေလေရဲ့။

Senior-Junior Relationshipအနေနဲ့တောင် ခင်မင်ခွင့် မရတော့တာလား? ရေရေရာရာ ဘာမဟုတ်တဲ့ Dating Newsဆိုတဲ့ခေါင်းစဉ်အောက်.. ဒီလောက်ထိ ဖြစ်ပျက်သွားခဲ့လိမ့်မယ်လို့ ထင်မထားခဲ့တာအမှန်။

- ကျွန်တော် လက်မခံနိုင်ဘူး

ခပ်ပြတ်ပြတ်ပြောကာ ထိုင်ရာမှ ထရပ်လိုက်သည့် Micchi ကြောင့်.. Meguroပါ အလန့်တကြား ထရပ်လိုက်ကာ ကောင်လေးရဲ့လက်သီးဆုပ်လေးတွေကို ဆွဲယူလိုက်တော့ အေးစက်ပြီး တုန်ယင်နေတာကို ခံစားလိုက်ရသည်။

- ဘာလို့လဲ? ဘာလို့ ကျွန်တော်တို့မှလဲ?!!

- Micchiရယ်....

ဂရုဏာသက်စွာ ခေါ်လိုက်ရင်း ကောင်လေးကို သူ့ရဲ့ခပ်နွေးနွေးရင်ခွင်ကျယ်ထဲ ဆွဲသွင်းစေလိုက်တော့.. ဖျော့တော့စွာ အလိုက်အသင့်လေး ပါလာသည်။

*ဒီကလေးက ခုမှတက်သစ်စ newbie.. ပိုပြီးအောင်မြင်ရအုံးမယ်.. အမြင့်ကို ပိုပြီးပျံသန်းရအုံးမယ်.. ကိုယ့်ထက်တောင် ပိုပြီးတောက်ပရအုံးမယ်လေ..*

ဒီကောင်လေးက ခုမှ debutပြီးလို့ တစ်နှစ်တောင်မပြည့်သေးဘူး။ Idolဖြစ်လာဖို့ ဘယ်လောက်တောင် နှစ်တွေအကြာကြီးပေးဆပ်ပြီး ပင်ပင်ပန်းပန်းကြိုးစားထားရလဲ.. သူ ကောင်းကောင်းကြီးနားလည်တယ်။

ဆယ်ကျော်သက်အရွယ်မို့ တစ်ခုခုဆို စိတ်မြန်ကိုယ်မြန် ထိခိုက်လွယ်တဲ့ Micchiရဲ့စိတ်ကို ဖြေလျှော့ပေးဖို့ကိုပဲ Meguro ကြိုးစားမိတော့တယ်။

- ကိုယ် ဖြစ်ရပ်မှန်ဇာတ်လမ်းလေးတစ်ပုဒ် ပြောပြမယ်.. 1996ခုနှစ်လောက်တုန်းက Johnny's မှာရှိခဲ့တဲ့ boy idolနှစ်ယောက်လည်း Dating Newsထွက်ခဲ့ဖူးတယ်လို့ ကြားဖူးတယ်.. တကယ်လည်း သူတို့နှစ်ယောက်က လျို့ဝှက်တွဲနေကြတာ.. အဲ့အချိန်တုန်းကလည်း အထက်လူကြီးတွေက Agency နာမည်ပျက်မှာစိုးလို့ သူတို့ကို အဆက်အသွယ်ဖြတ်ခိုင်းပြီး ဝေးကွာစေခဲ့တယ်... ကိုယ်တို့လိုပေါ့။ အဲ့အချိန်တုန်းက ဒီလမ်းစဉ်က အလုပ်ဖြစ်တော့ အခု ကိုယ်တို့အလှည့်မှာ ထပ်အသုံးချလိုက်တာလို့ ထင်တယ်