📃🕯الإمام و العشرينية 🕯📃

الحلقة 2

📃🕯#الإمام_و_العشرينية🕯📃
🔱🕯بقلمي✍:#إنصاف🕯📃
🔱الحلقة_الثانية🔱

تزوجها و كان يغار عليها جدا .. فدخل عليها ذات يوم و وجد عود السواك في فمها ..
فقال : ظفرت يا عود الاراك بثغرها .. أما خفت يا عود الأراك أن أراك .. لو كنت من أهل القتال لقاتلتك في معركة ما مات منها سواك سواك
اوليس هو القائل " أطفئو السراج حتى لا يرى أحد ظل فاطمة ''
و ما ماتت غسلها و كفنها هو ثم همس في أذنها : " يا فاطمة انا علي "
و أجهشت عينه بالبكاء ..

انه الامام علي ابن ابي طالب ❤

هزت قدس تيليفونها تحوس تعيط لإلياس بصح لقات صحبتها لانتيم تعيط ...
صفاء : أهليييين يا بغل يلي من نهار تخطبتي ماحلبتينيش 🙄
قدس : واش من خطبة تهدري عليها ربي يهديك
صفاء: واش بيك كشما صرا .. ولا الإمام قلقك هههه
قدس : علاه انا كشما نعرف عليه ولا نهدر معاه حتى يقلقني 🙂 غير اسكتي يا صفاء والله ماني ناقصة بفف
صفاء : هههههه مالا قلقوك ضوابط لي دارهم 😂
قدس : وانت وين علبالك ؟!
صفاء : نسيتي بلي خويا ثاني إمام وصديق ختشيبك المصون ههه لبارح قالي بلي يكون دارلك ضوابط .. وقالي بلي نهار الاول راح يقلقوك ويجيوك صعاب بصح مبعد توالفيهم ..
قدس : أنا أصلا راني نخمم نعيطلو ونقولو صاااي موحال نكمل معاه بلعقلية المعقدة هاذي منيش مهبولة ..
صفاء : ربي يهديك يخي دااابة أول مرة نشوف وحدة مقلقها خطيبها الملتزم وخايف ربي فيها
قدس : لالا ابنتي ما تخلطيش هذا ماشي إلتزام هذا راهو معقد ..
بقات قدس تحاول ماتقلقش روحها بصح ماقدرتش هذا فوق طاقة تحملها من وجهة نظرها ..
قدس : علبالك بلي خطيبي السابق كان يحب يخرج معايا بزاف خير من المعقد هذا شوفة ومشافش فيا ..
صفاء : اووووووف منك عرفتك بلي دوري دوري وتجبديلي سيرة 106 هذاك وانت كي الداب نورمالمون هنا تفهمي بلي هذا يحبلك الخير ولاخر كان ناويلك الشر بصح معامن نهدر لي بغل يبقى بغل .. الفرق بيناتهم كيما الفرق بين الجنة و النار ..
جات تريبوندي عليها لقات باباها دخل عليها
الأب : وجدي روحك جاء إلياس حاب يهدر معاك في حاجة مهمة ازربي اني نستنى فيك
صفاء : اووووو هاهو جا يهدر معاك وانت من قبيل مكسرتلي راسي وتقولي معقد نوضي نوضي
قدس : دوك نعتلك واش ندير كون مانخليهش يروح بلا رجعة مانيش قدس
صفاء : حبسي لهبال ماشي وقتو يا حماغة

هزت حاجبها وضحكت ضحكة خبث : أكييد أكيد هيا كوبي خليني نوض نعدل روحي ..

بعد ما كوبات صفاء راحت وقفت قدام خزانتها بقات تقلب في حوايجها مدة حتى لقات واش حابة ترسمت إبتسامة عريضة على فمها .. بدلت حوايجها لبست شورت جين تقول لابسة س... مع شوميز في الفوز مبينة الفورما تاع سدرها طلقت شعرها الطويل ورشت من ريحتها وخرجت تمشي وتتزعبل .. دخلت لصالون لقات إلياس قاعد هو و وباباها تركزو عينيها على الإمام كان قاعد بطريقة رجولية لابس سروال جين مع تريكو نص كم نوار مانتابهتش ليه من قبل بصح باين بلي مهتم وخادم جسمو لأنو ملفت وعضالاتو بارزة جات في بالها حاجة خلاتها تحس بغصة في حلقها ... والسؤال لي جا في بالها هو  دوك في الجاميعة وين يقري لبنات كامل يكحلو عليه ويتخيلوه غمضت عينيها تحاول تطرد الأفكار هاذو من راسها .. شوفاتو ليها وعينيه لي ولى لونهم أحمر كي دم خلاوها تندم على البسة لي لبستها .. ناض باباها خرج وخلاهم وحدهم حمحم إلياس ونطق : نهنييك وصلتي لوين حابة وقلقتيني بصح ماتحلميش نخليك وتكوني لغيري حتى لو خرجتيلي عريانة على هاذي بركايك من التصرفات الطفولية هاذي ناض هز غطاء كان محطوط على الفوتاي ولاحو عليها وهي مزالت واقفة في نفس البلاصة..
قدس : مالا ماتحلمش نكون مرتك واحسنلك دوك نحبسوها ولا والله ندمك على النهار لي خممت تزوج فيه بيا .. انا مانقعدش معا واحد معقد كيفك الضوابط هاذوك بعد مانحملهمش..
إلياس : على هاذي انا جيت  اليوم .. باه نحدو نهار نقراو فيه الفاتحة ونعقدو
قدس و علامات الصدمة باينة على وجها : نععععععععم