📃🕯#الإمام_و_العشرينية🕯📃
🔱🕯بقلمي✍:#إنصاف🕯📃
🔱الحلقة_الأولى🔱
...
كان يطلبها من الله دائما لكي تكون حلاله ... منذ أن وقعت عيناه عليها ... لكنه يعلم أنها ستجعله يجن حتمًا
رغم أنها عشرينية ناضجة إلا أن تصرفاتها طفولية مشاغبة
لكنه قرر أن يخوض هذه المغامرة و يرشدها إلى الطريق الصحيح و أقسم ان تكون حرم الإمام ...
...
اليوم فات أسبوع على خطبة بطلتنا"قدس" على بطلنا "إلياس " إمام المسجد الذي يصلي به والدها بصح مكانتش تتخيل خطبتها تفوت هكذا .. كانت ديما تتخيل بلي تتخطب لواحد تحبو ويحبها ويكونو عاشو قصة حب
وكانت تتمنى دير حفلة خطوبة كبيرة تغير بيها صحاباتها وتصور باه تخليهم سوفونير تعنتهم لولادها... رغم أنها عاشت اللحضات هاذو من قبل مع حبيبها بصح خلاها وسافر ... بصح كي خطبها الإمام إلياس حست بالإطمئنان خاصة كي طلب من لباباها تستخير الله فيه قبل ما يجي يخطبها ... وبالفعل فعلت ذلك وكي ناضت الصباح كانت فرحانة ومطمئنة القلب .. بصح الحاجة لي ماتوقعتهاش كي يخطبها مايشوفش معاها خلاص .. ويماه هي لي لبستلها الخاتم ... وماشي هكذا برك ...
بعد ما خلصت الخطبة هدر معاها على "ضوابط الخطبة "
1.مايبقاش قاعد معاها وحدهم لازم يكون معاهم واحد من عائلتها ومن الأفضل يكون باباها
2.مكانش هدرة في التيليفون إلى للضرورة القصوى
3.مايخرجش معاها إطلاقا وكي تحب تشري حوايج تخرج مع يماه ولا أختو وكشما يخصها تقول لهم وهوما يوصلولو الهدرة... قدس تحكي : أنا تشوكيت ماتوقعتهاش خلاص هكذا ...
وقالي بلي لازم نلتزم بالضوابط ... ياخلايا كل ما نتفكر هدرتو نحس روحي ماشي مليحة خلاص وهو مجبور يزوج بيا .. فاتت سمانة كامل على خطبتنا وانا للدوك مدايرتلي القلقة منو ومن هدرتو .. خرجت رحت عند يما لقيتها قاعدة في الصالون لقيتها قاعدة تكتبت في واش نشري لجهازي ودير في الحساب ..
قدس : ماما انا الإمام هذا مانيش مرتاحة في خطبتي معاه كيفاه يطلب مني مانهدرش معاه ومانتلقاهش راهو من نيتو ... هذا حقي وهو ماشي حاب مالا كي نزوج بيه يحجبني يديرلي نقاب ثاني غير قوليلو مايحلمش بيها في منامو ومانتنقبش ...
أعتدلت يماها في القعدة وهدرت :
ههههه فاتت سمانة هذا وين جات في خاطرك تهدري هكذا علاه نهار هدر معاك بلعت القطة لسانك ؟!
ناضت من قعدتها وقالت : شوفي اقدس انا وباباك ماناش راح نلقاو واحد يحبك ويتهلى فيك ويخاف عليك كيفو .. هو محترم وملتزم وراح يخاف ربي فيك ... أحمدي ربي صباح و عشية كي طيحك في واحد كيفو ... ماشي تندبي على راسي هكذا ..
قدس : تقول راني نهدر مع حيط قاعدة نكسر في راسي في الباطل انا نروح نحكم شومبرتي خيررررر ..
يماها : يييي على بنات أخر زمان .. نورمالمون راكي جيتي تعاوني فيا دوك انت حا تزوجي والله يردك في نهارك ولا مانيش انا أمشي قودي عليا تفوووه نعلبو راصتك اكلبة ..
راحت قدس تجري لشومبرتها وقبل ماتدخل دارت قالتلها : هذا اذا خليت الخطبة هاذي تكمل 🙄
أنت تقرأ
📃🕯الإمام و العشرينية 🕯📃
Fiksi Umumفتاة عشرينية غير ملتزمة تلتقي صدفة بإمام فيقع في حبها و يتزوجها ولكن سيواجه صعوبات في إرشادها إلى الطريق الصحيح
