🕯#الإمام_و_العشرينية🕯📃
🔱🕯بقلمي✍:#إنصاف🕯📃
🔱الحلقة_التاسعة🔱
كانت قدس قاعدة في لوطو وتبكي هي دورك حاسة بلي والديها تخلاو عليها حتى حست بإلياس دخل مسحت دموعها بصح هو انتابهلها بقى ساكت ماحبش يضغط عليها علبالو بلي صعيبة عليها تبعد على والديها و زوجت من واحد ما تعرف عليه غير اسمو وخدمتو ...
طريق كامل وهوما ساكتين هي قلبها واجعها مدايرة في بالها بلي رايحة للجحيم برجليها أما هو فرحان وأخيرااا المرأة لي يحبها ولات حلالو ورايحة معاه لدارهم ...
بعد مدة وصلو لدارهم لي راح تبدى فيها قصة الإمام و العشرينية ...
إلياس : هيا اهبطي وصلنا ...
_
كانت تتحرك وراه كيما الدميه تقدم رجل وتأخر رجل حابة الوقت يحبس ولا تروح تهرب من هذي البلاصة حتى وصلت لباب الأبارتومون فتح الباب دخل هو و بقات هي واقفه برا ..
إلياس : ماتدخليش؟! امممم ولا مرتي زينة تسنى فيا نهزها كيما المسلسلات قولي ماتحشميش ...
دخلت وخبطت الباب شوي وتكسر من قوة الخبطة...
قدس : علاه شايفني معوقة 🙄
إلياس : لسانك هذا راح نقصهولك ديريها في بالك 😐
حط يديه في جيب سروالو وبقى يشوف معاها بمكر شاف توترها يزيد كان حاب يضحك على هيئتها هي دورك كيما الطفلة الخائفة من باباها مناه ودرت دارهم كي راحت تشري مبعد أشار بيديه لشومبرة لي واقفة قدامها
إلياس : هذي شومبرتك ولي ورايا شومبرتي دوك نروح نشري عشاء ونجي تقدري تبدلي حوايجك الدار دارك 😊
... خلاها وخرج وهي دخلت لشومبرتها مبعد قعدت علي اقرب كرسي قودام المرآة الي قدامها هي دوك ماتنكرش واش دار زادو إحترام ... في نظرها فهذه شهامه منهُ ما كانتش تتوقع منو الفعل هذا لتبتسم على أفكارها لي كانت تسيطر على عقلها طول الطريق ماتنكرش بلي كانت تتخيل بلي يدخل عليها بسيف عليها هذا كان مخلي قلبها ينقبض لكن واش دار خلاها تحس بالإطمئنان ناحيته مبعد ناضت دارت دوش خفيف ولبست بيجامة قطنيه كيوت مرسومة عليها "ريبونزل " وشيحت شعرها وخلاتو مطلوق على طول ضهرها خرجت بعد ما عيطلها لقاتو جاب بيتزا تعشاو في هدوء بعد ما خلصو ناضت لمت الطابلة جات رايحة لشومبرتها سمعاتو عيطلها راحت عندو ...
إلياس : قدس من الليوم راح تولي تصلي ...
قدس : علاه لازم نصلي ؟؟
إلياس : وي لازم تصلي أقعدي نفهمك ...
أنت تقرأ
📃🕯الإمام و العشرينية 🕯📃
Ficción Generalفتاة عشرينية غير ملتزمة تلتقي صدفة بإمام فيقع في حبها و يتزوجها ولكن سيواجه صعوبات في إرشادها إلى الطريق الصحيح
