📃🕯الإمام و العشرينية 🕯📃

الحلقة 13

📃🕯#الإمام_و_العشرينية🕯📃
🔱🕯بقلمي✍:#إنصاف🕯📃
🔱الحلقة 13🔱

الياس : هكذا نكونو خلصنا قصة اول زوجات الرسول صلى الله عليه وسلم  غدوة نحكيلك على سوده بنت زمعة الزوجة الثانيه نتمنى تكوني استفدتي 😊
قدس :  أكيييد استفدت حاجة مليحة اني نعرف زوجات الرسول صلى الله عليه وسلم وقفت رايحة من قدامو مبعد حبست ودارت ليه
قدس : مرسي بزاااااف مناه راك تنعتلي معلومات حقيقية شكرًا ...
جات رايحة حبسها صوتو
إلياس : أصلا انا وعدت ربي اني ماندخلش للجنة إلا وانت معايا حور العين تاعي وانت علبالك بلي وعد المسلم دين على رقبتو وانا لازم نوفي بوعدي
راحت من قدامو وقلبها ينبض بلبزااف هي دوك تحس بلي قلبها راح يخرج من بلاصتو بسبة سرعة النبض بصح قلبها كان فرحان حست بالراحة كيما سمعت باب شومبرتو  تسكر  راحت لفراشها بعد ما نحات حجابها باه تورقد بصح ماسكرتش الباب مناه لازم تدير فيه الثقة
كان واقف قدام باب شومبرتو يستنى فاها تسكر الباب بصح ما سكرتش  فرح وبانت علامات الفرحة من عينيه مبعد راح لفراشو باه يرقد براحة على رغم من أنها ماشي راقدة معاه في نفس الفراش بصح فرحان يكفيه بلي راهي معاه فنفس الدار وربما يوما ما راح تولي تحبو وتشاركو نفس السرير ..
أصبحنا وأصبح الملك لله ☺
ناض إلياس رايح لصالدوبان بصح حبسو صوت أنثوي رقيق هادئ يدندن في أغنية وائل جسار " إذا كنت بعذابي راضي وجاي لا ترجعني انا يا حبيبي جرح الماضي بعدو عم يوجعني دندن معاها ضيعني حبك ضيعني ياما بحكي وماتسمعني حتى اااهلي توجعني انت عندك مش مسموع ( غنيتي 😔💔)
تركز على كادر باب الكوزينة وطبق يديه عند صدرو ...
إلياس : ههههه علاه تشوكيتي هيه نغني ... ماشي كي انا إمام جامع معناها انا معقد ... انا ثاني عندي ملذاتي
عادي ونمارس حياتي عادي بصح في حدود معقولة ... أسوء حاجة انو الناس حاطين بلي اي إمام يكون معقد ...
وحاجة خلاف انا مانقولش على روحي إمام لأنو مزال مانيش قدها لحد الان انا ملتزم فقط ...