📃🕯الإمام و العشرينية 🕯📃

الحلقة 26

📃🕯#الإمام_و_العشرينية🕯📃
🔱🕯بقلمي✍:#إنصاف🕯📃
🔱الحلقة 26🔱
بعدها ب 15 يوم و هي متجنباته بخصوص العلاقة الزوجية و هو صابر عليها متحمل شوفتها قدامو هكا و متحمل كلش منها و دايما يستانس بالقران الكريم و الاسغفار و هي تغيرت معاه شوي قال بلاك مزالت متعودتش عليا و دار كل للاحتمالان حتى أنو لاحظ عليها مراهيش تاكل مليح ولا متهلية في روحها و تقلباتها زادو مرة دوخة و مرة راني نشم روايح كريهة و مرة حابة ريحتك يعني حار معاها حتى أنو قالها نديك الدكتور و لكنها محبتش دار برايها

بعدها ب يومين مع الستة متاع العشية و هي تعمل فالعشا تنقي فلخضرا شمت ريحة تسخف دخلت لنيفها و راحت تبع فيها شمت ريحة مشاوي كان دخلهم إلياس حطهم فوق طابلة تع الصالة و كان رايح يناديلها (بسك هي هبلاته قتله متجي للدار قبل متجيبلس لحم مشوي على الحطب ) حتى صابها جيا جيهته حاملة الموس في جيهة و حبة بطاطا في جهة أخرى ضحك عليها كيفاش عاملة و راح قالها هاني جبتلك و هي ما سمعاتوش بتاتا وين راه استغرب من تصرفها و هي حلت داك البلا و قعدت تاكل بشراهة تحسب عمرها ما كلات و هو كأنو دخله الشك و لكن قال مستحيل ممكن برك تشهاتو و راهي تاكل هكا من جوعها و لكن مجرد الاحساس و التفكير في ذلك الامر خلاه يحس بوحد الاحساس جديد و حلو و شباب و طلب في قلبه باه يكون صح

خطرتله فكرة و خرج قالها إلياس : حبيبتي 5 دقايق و نجي و انتي كولي و اشبعي مليح يا عمري صحا

قدس : ممممم روح حبيبي ننبتينيهخثخصمكضم تلقني نستنا فيك

ضحك عليها و خرج ديريكسيون للصيدلية شرا تاست و جابه يجري

دخل للدار لقاها راقدة و فمها ملطخ بصوص و شعرها طايح على وجها

سخف من منظرها هكا و عزت بيه حملها و طلعها الشومبرا و مسحلها فمها ويديها بلانجات و رقدها على جنبها الايمن

و دس داك التاست في جيهته و قال في قلبه مين تنوض الصبح نطلب منها تديره.

نزل للكوزينة شافها مقطعة لخضرا كمل قطعها و قلا البطاطا و الكورجات لي كانت قطعتهم و عمل عليهم صوص تومات

و كلا شوي و دس الباقي ليها

بعدها غسل و راح صلى المغرب و بقا حتى للعشاء و زاد رتل و قرا القرآن حتى 11 راح للدار لقاها غير راقدة تقلق عليها نوضها

قدس تتكلم : نضت دايخة على صوت إلياس معرفت دو الايام مالني وليت هكذا نتشها مرات و نكره مرات و نرقد بزاف .

إلياس: بالله حبيبتي نوضي قضي صلواتك راح الحال عليك راكي شبعتي نوم انا نروح نعمل دوش و نتي روحي صلي و تفوتي شوي رفديلي صحتك عمري 😘

نضت قضيت صلاتي و هبطت زعما باه نوجد العشا شفت شعال الساعة خبطت راسي رحت نجري باع نكمل لي بديت فيه الساع لقيت كلش واجد المكان نقي يشعل فرحت بزاف ههه وشكون متفرحش تلقى زوجها موجدلها كلش ربي يحفظهولي حبيبي انا
لقيت روحي جوعانة كليت شوي بعدها حبست نضريت و قلبي دار عليا روحت ديراكت رديت معرفت مالني يوو غريب أمري

بعدما شافها إلياس هكذا زادت شكوكو بل و تأكد منها 🥰🥰

المهم مالتعب مسكين رقد و هي راحت تقرا و تدعي حاسة باحساس غريب كانو حاجة راح تصرا و لكن لعنت الشيطان و رقدت حذاه و تحشات فيه تشمشم

للغدوة ناضت تجري ترجع و هو فطن بيها تأن و تبكي كانو موجوعة من شي .

راح عندها حضنها و قالها انا شاك في حاجة و ان شاء الله تطلع صح قالها
إلياس: انا بارح خرجت شريتلك تاست شاكك فيك حامل تصرفاتك و التقلبات يدلو على هذا الشئ

و هي ولات تبكي و تشهق فرحانة ههه
قدس : ممكن نكون حامل يعني كاين ثمرة حبنا هنا و دارت يدها في كرشها

و طلبت منه تاست و هو جابهولها شداته عليه و راحت ديراكت عملاته و تقارع خرجولها 2 شرطات توغت و خرجت تجري عنده إلياس إلياس حبيبي ش ف منيش مصدقة انا انااااا اأانا ح.حامل ابننا هنا منيش مصدقة و هو مشوكي يعني شكوكو طلعو صح حس بولدو ولا بنتو لي جاي ركع يشكر في ربي بعدها ناض تحضنها و يسلم و يحضن فيها فرحانين بهذا الخبر بقاو غير ياكدو و خلاص
و قالها بعد الصلاة توجد روحها مين يناديلها يديها للدكتورة

بعدما قضاو صلاة الصبح و الفجر راحت وجدت نفسها لبست الجلباب تاعها و غطات المفاتن
سمعت تلفوناها يصوني كان إلياس ينادي قلها خرجي تي نستنا فيك .

وهي ضربت طلة على الدار فيريفات مليح و بلعت كلش و خرجتله بالجلباب كانت آية فالجمال سبحان الله و هذي أول مرة لبساته ضحك مشق للشق فرحان بيها و بقرارها و يدعي في ربي و يحمد و يشكر فيه على نعمو

إلياس: راح حللها باب السيارة و هو ركب و قالها ماشاء الله نورتي يا مرتي ربي يتبثك ان شاء الله مبغاش يزيد يحشمها راح ديراكت طريق الطبيبة المختصة باه يكونو الاوائل لي يفوتو

قدس : بعد كلام زوجها ليها حشمت و تشكراته على تغزله ليها و بقات ساهية و تخمم فلي جاي مع طريق .

بعدما وصلو بقاو يستناو شوي بين ما تجي طبيبة لمحو مساعدتها دخلت خرجو عملو رونديفو بعدها جات للدكتورة و فوتتهم

دخل معاها باه يتاكد كثر 🥺🥺😁

الدكتورة: تفضلي مدام كيفك مليحة وش سبب زيارتك لينا وش لي يوجعك

قدس : لا دكتورة مش متوجعة أما انا عندي أعراض الحمل و الصباح عملت تحليل بتاست و خرجلي ٱجابي

إلياس و راسه مهبطه فالأرض : إيه كما قتلك مرتي عملت تاست و خرجلها إجابي و حينا نتأكدو

الدكتورة : تبسمت و قالت عملتوا الصحيح يالله تفضلي معايا للطابلة مدام

قدس : يزيد فضلك إيه بسم الله و طلعت للطابل هذيك و عملتها إيكو

الدكتورة : مسيو أرواح نفضل هنا معانا شوف إبنك أو بنتك مزالو نقطة صغيرة هايليك مبروك عليكم ربي يتمم بالخير

هو دمعت عينيه ملي يشوف فيه و لكن تم تم مسحها و قدس بدات تبكي من تأثير الهرمونات و الفرحة و حضنو بعضهم خلاتهم الدكتورة في جالهم بعدها مستحلها دمعتها و قبلها راسها و حمد الله على هاذي النعمة

و بعد توصيات الدكتورة على قدس و بلي لازم يتهلا في أكلها و صحتها و متشتغلش بزاف و هو أكيد غير يسمع و يقول أكيد و هو عارف هذا الشئ لي لازم...