📃🕯الإمام و العشرينية 🕯📃

الحلقة 3

📃🕯#الإمام_و_العشرينية🕯📃
🔱🕯بقلمي✍:#إنصاف🕯📃
🔱الحلقة_الثالثة🔱

قدس : نعععععم انت دوك جاي تقولي وتحطني تحت الأمر الواقع ولا تدي رأي تاعي يا حضرة الإمام؟؟؟
إلياس : آكيد  جيت ندي رأيك ..
قدس : لا كثر خيرك بصح مانيش قااابلة
كان علبالو بلي قاعدة تستهزء من هدرتو ورغم هذا قابلها بوجه مبتسم ..
قدس : علاه تضحك كشما قلت انا حاجة تضحك ؟؟؟ ولا راك تشوف في كلون هنا وانا معلباليش

تنهد و إبتاسم إبتسامة جميلة زينة وجهو وهدر : مادموزال قدس علبالي انت المشكلة تاعك الضوابط بصح صدقيني راح تفهمي المتعة تاعهم كيما نزوجو ولي حاب نقولهولك دوك انا حابك حلالي ونجربو كولش فلحلال قدام ربي وعبادو ودوك مانزيد نجاوبك على حتى حاجة غير ورا الفاتحة ..
زيرت على سنيها بغضب مبعد حبت تقلقو شوي هدرت معاه بنبرة إستهزاء
قدس : بصح يا حضرة الإمام راني ملاحظة بلي من قبيل وانت تشوف معايا انا كنت نحس بلي راني باشعة ولا منيش قد المقام يعني مشي حرام كي راك تشوف معايا يا عمي الإمام ولا شنوا ؟؟؟
هي دوك تحاول تستفزو مرة أخرى بصح هو مايقلقش منها مهما قالت ولا دارت رد عليها بهدوء :
لا ماشي حرام نشوفك
أجاز الشرع لكل من الرجل و المرأة النضر إلى بعضهما خلال فترة الخطبة إلا أن ذلك مقيد بعدد من الضوابط
قال الرسول صلى الله عليه وسلم -:(إذا ألقى الله في قلب امرئ خطبة إمرأة، فلا بأس أن ينظر إليها )

و يجوز للخاطبين أيضا يا أنسة قدس تكرار النظر إلى بعضهما إن دعت الحاجة إذ أن الرسول صلى الله عليه وسلم - لم يذكر عدد مرات النظر في الحديث السابق
ولم يقيده .

وأيضًا يجوز للخاطب أن ينظر إلى من يرى خِطبتها دون علمها لما ورد عن رسول الله صلى الله عليه وسلم-:(إذا خطب أحدكم إمرأة ؛ فلا جناح عليه أن ينظر إليها إذا كان
إنما ينظر لِخطبتهِ ، و إن كانت لا تعلمُ )

شافت معاه قدس بإنبهار لواش قالها مبعد شافت معاه بخبث ونطقت : يعني انت شفت معايا قبل ما تجي تخطبني ؟؟
كان راح يجاوبها بصح قاطعهم باباها كي دخل
الأب : نتمنى تكونو تفاهمتو وشاف مع قدس شوفة تاع نتمنى ماتكونيش درتي لي في بالي ..
قدس : ماتخافش يا بابا كنت نهدر معاه برك على الحوايج لي مقلقيني ..
تنهد إلياس براحة كي شافو دخل بصح كان علبالو بلي هاذي العشرينية بلسانها لي طويييل عليها راح تهبلو
إبتاسم بخبث وشاف فيها مبعد هدر ...