عشق أسود قيد التدقيق اللغوي

التاسع والثلاثون

الفصل التاسع والثلاثون
بقلمي نيفين بكر
متابعه لما حدث
بعد شهر تقريبا عل الاحداث
كانت يارا تبكي في غرفه فيروز
فا إياد بعدما علم بما فعلت لا يتكلم معها وكلما اتصلت عليه لا يجب عليها
حاولت شهد تهداتها ولكنها كما هي لا تفعل شئ سوي البكاء
اخذت بهاتفها لتتصل به للمرة الثلاثون بعد المائه
فلم يجيب ايضا
فقالت ل شهد لتنصحها بماذا هي فاعله
فقالت شهد بعقلانيه....
انتي غلطي غلطه كبيرة ولولا كرم ربنا معاكي
كنتي ضيعتي نفسك اعتذري ليه
ودا حقه عليكي
فقالت. من بين بكاءها
عارفه ومعاكي حق بس انا عاوزة اعتذر وهو مش مديني فرصه
حتي ابيه هو كمان مش عاوز يقبل اسفي
فقالت فيروز.بصوت مبحوح
حقه يزعل هو كمان انتي عارفه غلاوتك عند زين
اللي شافه ماكانش هين عليه
استسمحيه وو اكيد هيسامحك بس هياخد وقته
وماتتصليش تاني بأياد روحي كلميه وجها لوجه
اومأت لهم وذهبت ل إياد كما نصحتها فيروز
اما عنها فنهضت وقالت ل شهد
هتيجي معايا
فقالت شهد... انتي متأكده من اللي ناويه تعمليه
فيروز باصرار..... ايوة داا قراري النهائي ولازم يتنفذ النهارده
فقالت شهد.. بقله حيله.... اللي تشوفيه انا معاكي في اي حاجة
ثم استطردت قائله
انا هنزل عشان اكون مع يارا علي ماتبدلي هدومك
قالت كلمتها وذهبت
اما عنها فوقت امام المرأه وهي تتحسس بطنها
وقالت في نفسها
لازم اكون قويه وقد المسؤليه
مش هضعف ابدا ومش هخلي فريد او غيره يلوا دراعي تاني....
تقدمت صوب خزانتها واحضرت لها ملابسها ودخلت
لتبدل ملابسها لتتجه بعدها الي وجهتها
🌸🌸🌸🌸🌸🌸🌸🌸🌸🌸
في غرفه المكتب
طرقت يارا الباب لتستأذن بالدخول
فاذن لها
فتقدمت بخجل وهي تطأطأ راسها بخزي
وقالت... ممكن اتكلم معاك
ترك ما بيده وقال بغضب وهو ينهض
انتي ايه اللي جابك هنا مش قولتلك مش عاوز اشوف وشك تاني
فقالت برجاء من بين بكاءها
. اياد ممكن تسمعني
فقال بغضب.... لاء يا يارا مش هسمعك ولا حتي هسامحك اللي عملتيه ما ينفعش عليه السماح
فقالت بشفاه مرتعشه
تقصد اي
فقال بجفاء رغم اعتصار قلبه عليها
انا هتكلم مع زين ننهي الموضع بتاعنا
فأقتربت منه وقالت...... يعني هتبعد عني
التفت واعطاها ظهره وقال
ايوة انا مش هعرف أامن لك تاني بعد اللي عملتيه
في هذه اللحظه دخل زين الغرفه ليقول بغضب هو الاخر
اانتي اي اللي جابك هنا
فالتفتت وقالت برجاء له هو الاخر
ابيه انا اسفه ارجوك سامحني
فقال بحده وهو يقبض علي ساعدها بقوة
اسامحك علي اي ولا اي
انتي خنتي ثقتي ... كدبتي عليا وعلي اياد
انتي بسببك كنت هقتل اياد وهو مالهوش اي ذنب
انا علمتك كدااا انا ربيتك علي كدااا
اببييه اناااا........
قاطعها بغضب قائلا...

امشي اطلعي بره ومش عاوز اشوفك في اي حته
تاني
يمكن قصرت في تربيتك بس صدقيني هربيكي من اول وجديد
هنا وضع إياد يده علي يد زين قاىلا
زين من فضلك دي مراتي وانا المسؤل عنها
فقال له.... انت هتكمل معاها بعد اللي حصل منها
فقال وهو ينظر لها
لاء بس لحد اخر دقيقه هي علي ذمتي انا المسؤل عنها
هنا سحبت يدها وقالت بصراخ وانهيار
انا مش عاوزة اكون مسؤله من اي حد
انا هريحكم مني كلكووو
واسرعت للخارج وصعدت لاعلي وتركتهم من خلفها
هنا رأتها شهد تسرع لاعلي وهي مندفعه فاسرعت خلفها وهي تنادي عليها حتي وصلت لسطح الفيلا
صرخت شهد عليها
يارا هتعملي اي ي مجنونه
ياراا ببكاء وانهيار...... ابعدي ي شهد انا خلاص هريحكم مني. انا هموت نفسي انا مش عاوزة اعيش
ابيه وإياد بيكرهوني انا هريحهم مني هريحكم مني كلكو
وصل زين واياد للسطح علي صراخ شهد