وصلو البيت وكانت قريب الساعه اربع
روضة : سير ارقد عشان ما ايي ارقدك انا نفس ما ارقد وليد
خلوف : بتغني لي ماما جابت بيبي
علي : وغني له سير ارقد عشان ما اضربك
روضة : هي شكلي بغني ه الاغنية،، شهاب وين؟
خلوف : شهاب راح يرقد
روضة : يله انتو سيرو
خلوف : بنسير بنسير
خلوف رن فونه ورد ع الفون بعيد عنهم
روضة منزله راسها : اامم علي
علي : امري
روضة : سوري تعبتك وياي
علي : تعبج راحه
روضة : مشكور ما قصرت
علي : ما عليج زود ما سويت شي
ردلهم خلوف
خلوف : ها سكران ما يفهم
علي + روضة : منو؟؟
خلوف : حمدان
علي : ليش
خلوف : اقوله نحن ف الشاليه يقول انتو وين
روضة وهي تطالع علي : شكله مصطل نفس بعض الناس
علي : انا شو يخصني
خلوف : صدقها انت مصطل شوف شكلك
علي : بلاه شكلي بعد
روضة : سير ارقد
علي ابتسم : ان شاء الله
روضة : خلوف حتى انت سير
خلوف : من عيوني
روضة : فديت عيونك
خلوف : يفدنج
علي : يله عن تبدون فلمكم انا بسير عسب عرب ما يشوفوني ب ه المنظر و يهونون
روضة : منو عرب بعد؟
خلوف : ناس ما تعرفينهم
شوي وسارو كلهم يرقدون
اليوم اللي عقبه كلهم ردو بيوتهم و بو حمدان طلعت له شغله ف سارو يوم السبت مب الاحد كان يوم عادي ممل ما صار شي
يوم الاحد
ف المدرسة
..... : شحالج رويض
روضة : بخير يسرج الحال هنوده ومن صوبج
هند : بخير دامج بخير، بلاها ايدج؟؟
روضة : ءء... تعورت
هند : بسم الله عليج انتبهي
روضة ابتسمت : ان شاء الله
كان خلوف ياي يشل روضة
روضة : يله مع السلامه بسير
هند : منو ه المزيون اللي ياي يشلج؟