طبعاً ف هالوقت كلهم رقود ميود تم يغني شوي ويسولف شوي لين وصلو
ميود : ما بتنزلين شو؟
روضة : هاا؟
ميود : انزلي بلاج
روضة : بيت منو ها
ميود : بيت بطي واخوه
روضة : شو ينزلني؟؟؟
ميود : ما بيسوون بج شي انزين واللي واعي بطوي بس واذا تبين بنييلس برا ما بندخل
روضو : اوكي
نزلو ميود و روضة وشافو بطي يالس برا سارو له ويلسو
ميود : هلا هلا
بطي : اهلين منورين
ميود : ادري نورنا البيت احم احم
بطي : ما اقصدك انت انا اقصد روضة
ميود : اييههه بس عاد وايد طحت فيّه اليوم
بطي : اسمحلي بن عمي
ميود : هي جي احبك
بطي : عن تصدق عمرك يالجلب
ميود : طعع ها توك تعتذر خلاص زعلت
بطي : احبك شسوي ماعرف ما اطيح فيك،،، الا بلاهم العرب ساكتين
ميود : مادري شكلهم يستحون
بطي : هي يمكن،،، روضة بلاج ساكته؟
روضة : ولا شي بس اسمع سوالفكم
ميود : هاديه بنت عمي مب نفسك لا مذهب ولا شي
بطي : جب ي الهرم،، ويا ه الشيفة يغلط عليّه بعد
روضة : حرام عليك وايد طحت فيه
بطي : هي دافعي عنه انتي،، ما تشوفينه يغلط عليّه
ميود : دافعي عني اكثر عشان اصدق عمري
بطي : جب لاه،،، روضات
روضة : هلا
بطي : شحالج ؟!
روضة : بخير ربي يسلمك وانت علومك
بطي : طيبه تسرج
روضة : دوومم
بطي : يدوم لج غاليج
روضة : امينن
بطي : انزين روضات وشو بعد
روضة : تعرف ان اول مره حد يزقرني ب ه الاسم
بطي : عل محد يزقرج ب ه الاسم غيري عسب احس عمري شي شي
ميود : صخ اقول،، اشوفك قمت تيرها صوبك
بطي : جيه سمجه هي؟
ميود : لا غزال
بطي : طاعو انتو ها يقولي تيرها صوبك وهو كلامه اخس عني
روضة : شوضعكم؟؟
