يا شوق عذبتني بالهيام

البارت ١٢

بعد يومين

ف بيت بو خليفة

خلوف : لا لا لااا لا تروحين

قام خلوف من نومه وقال اعوذ بالله من الشيطان الرجيم

ياه شهاب

شهاب : حلمت نفس الحلم؟

خلوف : هي

شهاب : سيرلها انزين

خلوف : ما بتطيع تكلمني

شهاب : جرب حركاتك سيرلها بدون ما تعرف افهم انت عاد ماعرف اشرح

خلوف : ما بتطيع اعرف،، كيف عرفت اني حلمت ه الحلم

شهاب : لان كل ما تحلم تقول ف نهاية الحلم لا لا لا لا تروحين

ف بيت بو سلطان

ام سلطان تصيح : وين راح؟؟ والله ما له مكان حتى ولد منصور يقول انه ما يرد عليه،، دقله اسأله وينه؟ ابا اتطمن عليه

بو سلطان : ما بدقله اذا هو يبا خله يدق

ام سلطان : شسوي بعمري قولو لي شسوي

مريوم : امايه حبيبتي هدي ميود ما فيه شي لا تخافين،، انتي لا تفكرين انا اقولج هو بخير لا تخافين،، تعالي معايه اليوم ابا ارقد عندج

ام سلطان : وين يهنى لي النوم و ولديه محد

مويوم : امايه دخيلج تعالي

حصه : هي ماما حتى انا اباج تنامين عندنا

مريوم : يله امايه،، حصوه روحي غرفتنا انتي وامي شوي وبيي

سارت مريوم ل سلطان

مريوم : سلطان

سلطان : نعم

مريوم : عايبنك اللي يستوي ف امي

سلطان : لا بس شسوي؟

مريوم : حاول تهدي الوضع بينهم دخيلك والله امي بتتعب وايد

سلطان : حاولت والله حاولت بس ماشي فايده

ف بيت بو علي

عبود : قسم بالله الحياه مستويه زفته ماشي لا علي ولا ميود ومها محد وهيا طول الوقت ف غرفتها

.....: والله ماعرف شقولك عبود

عبود : حمود والله تعبت وانا احاول اعدل الامور بس ميود الحين ما يرد عليّه

احمد : انزين انت سويت اللي عليك

عبود : شو سويت اللي عليك العايله شوي شوي تتشتت اول شي روضة وبعدين ميود واللي عقبه منو؟

احمد : هد عبود ان شاء الله ما بيستوي الا اللي فيه الخير

عبود : ان شاء الله

ف بيت بو حمدان

(ليالي : انزين؟

هيا : بس هاي السالفه