شوي و ياها ذياب ولد سلطان
ذياب : هلا
روضة : اهلين
ذياب : ثحالج
روضة : بخير انت شحالك
ذياب : انا بخيل،، انتي ياهل؟
روضة : انت الياهل مب انا
ذياب : انتي اللي مليضه عثان جيه انتي ياهل
روضة : ذياب تصدق لو انت ولديه جان انضربت
ذياب : الحمدلله انا مب ولدج ثو بتثمين ولدج؟
روضة : ما يخصك ولديه ولا ولدك؟
ذياب : صح ولدج انتي انا ثو ابا به،، و ولد هذاك اللي كنتي تكلمينه ف السياله يوم رمس بابا
روضة ضحكت
ذياب : المثكله هو الحين مسافل ولا جان يا اندج اسب ما تتمين بلوحج
بطي نقع ضحك : يقصدني انا شو؟؟
روضة : هي
ذياب اونه شهق : انت هنيي؟؟
ذياب سار صوب بطي،، بطي نزل ل مستواه عسب يشوفه يعني
ذياب سلم عليه : الحمدلله ع السلامه،، حلمتك كانت بتموت وانت محد، قبي كيف تخليها بلوحها
خلوف وميود شوي وبيموتون من الضحك
بطي : يا ريال انا ما خليتها دوم اكلمها بس هي ما تسمع الكلام دوم تعاند عسب جي هي ميهوده احين وكلنا محاتينها
ذياب : ذين جيه روده كيف ما تسمإين كلامه احين هو يحاتيج
روضة : انا اسمع الكلام
ذياب : جدابه،، اليوم ابويه قالج بوديج المستفشى
ميود قاطعه : اسمها مستشفى
ذياب : ما يخصك،، انزين انتي قلتي حق ابويه مابا اروح المستفشى
روضة ضحكت : انا هبله اروح ويا ابوك
دخل واحد و وياه حرمته
سلطان : بلاه ابوه،، مب هو اللي ياخذج من الجامعه دوم
روضة : اييه سلطان اسمع، اول شي ترا يدقون الباب وثاني شي ترا يسلمون وثالث شي واهم شي لا تذلني ع سالفة الجامعه،، انا امس مكلمتنك وقايلتلك انك دوم تتأخر عليّه عشان حرمتك عيل منقعني ف الشمس ساعه
سلطان : ول ول ول احين ارد ع شو ولا شو ه الكثر حاقده عليّه،، وتعالي عشان الجامعه انا شو قلتلج تذكري،، قلتلج اصبري يومين وبيرد ريلج من امريكا وهو اللي بيطلعج حتى قبل الوقت لو تبين
روضة ويهها حمّر : جب
ويلست اونها تعابل فونها
سلطان : هي احين اونج تعابلين الفون
