يا شوق عذبتني بالهيام

البارت الأول

ف بيت بو خليفة

..... : خلوف يله عاد والله احبك بس ودني

خلوف بطنازهه : رويض حبيبتي، قلتلج ماشي يعني ماشي

روضة : ليش انزين؟؟

خلوف : بسير ويا الشباب

روضة : منو الشباب

خلوف : ميود وحمود وشهابوهه و علاوي

روضة بقهر : اوهو وانا متى يعني

خلوف : خلي ريلج يوديج

روضة : وينه ه الريل من قلتلكم ابا شي خلي ريلج وخلي ريلج،،، ياخي ودني دخيلك

خلوف : شو تبين عادي انا بييبلج

روضة : ابا اسير معاك، اخويه تراك

خلوف : لا البيبي تغار

روضة بقهر : اوهووووو خلاص زعلت

مشت عنه بسرعه دشت الغرفة وسكرت الباب ب قوه

لحقها خلوف وهو يضحك

خلوف وهو يدق الباب : رواضي ،،،،، رويييضضض فجي الباب

روضة وهي تفج الباب : شووو؟؟

خلوف : ليش الحلو زعلان

روضة : انت مزعلنه،،، تبا شي؟ خلاص بسير برقد

خلوف : رواضي فديتج والله لو مب اني مرمس الشباب من امس جان وديتج وانتي تعرفين

روضة : ...

خلوف : ليش ه الزعل كله بوديج باجر البوادي مول انتي ومها واللي تبينه

روضة بفرح : قول والله !!

خلوف : والله بوديج بس لا تزعلين

روضة سارت باسته ع راسه : ثنكيو خلوف

خلوف : ولكم دلوعتي

وسمعو صوت حد يصارخ

..... : روضهههه خلوووففف تعالو بسرعه

روضة : خيبهه هاي بلاها تصارخ

خلوف : شدراني

سارو روضة وخلوف ل صوب مصدر الصوت وشافو ميثا ماسكه الفون

خلوف : حووهه بلاج صمختينا تعالو وتعالو

ميثا : عادي اروح بيت عمي منصور؟؟

روضة : قولي والله انتي بس حلفي حلفي

خلوف : والله بصفعج لهدرجه سخيفه خوفتينا يا بنت الناس

ميثا : ابا اسير ياخي شسوي

..... : شسالفهه؟؟

خلوف : اختك مسويه عزا تبا تروح بيت عمها

شهاب : اي عم ؟

ميثا : عمي منصور

روضة : اقولج