راح بطي الغرفه وجاف روضة يالسه ع الكرسي وساكته
راح تسبح وتبدل وانسدح ع الشبريه،، قامت روضة وراحت بدلت و انسدحت بس ع الطرف ما قربت منه و شوي ونزلن دموعها بدون توقف
اليوم اللي عقبه
قام بطي وجاف روضة راقده ف قال فخاطره (ما بوعيها يمكن تعبانه خلها راقده)
تلبس ونزل ل امه،، باسها ع راسها وجاف امل عندها ف راح وباسها ع راسها
بطي : صباح الخير
ام بطي وامل : صباح النور والسرور
راح ويلس عدال امه
بطي : شحالج امايه ؟؟
ام بطي : بخير الحمدلله انت شحالك ؟
بطي : بخير دامج بخير،، خالوه شحالج؟
امل : بخير حبيبي
بطي : امايه ابويه وين ؟؟
ام بطي : راح المزرعه مع صقر
بعد هدوء
ام بطي : بطي
بطي : هلا
ام بطي : شسالفتك انت و روضة ما كنتوا طبيعيين امس
بطي وهو ماسك الخبزه ويتطالعها : امايه امس رحنا للدكتوره
ام بطي : انزين ؟
بطي : قالت ان روضة حامل ب ولد
ام بطي استانست : انزين وانتو ليش متكدرين جيه الحمدلله مب انت تبغي ولد
بطي : امايه وقالت (نزل راسه) احتمال كبير ما يعيش
ام بطي : لا اله الا الله،، الله يصبركمم،، بس خيره ي بطي خيره،، انت تعرف ان الله يبا الخير لعباده
بطي : هي اعرف
امل بضيق : الله يعوضكم ان شاء الله
بطي : ان شاء الله (قام بطي) يله انا بروح
ام بطي : وين بويه تعال ما كلت
بطي : امايه شبعت بروح الدوام سلطان بيي بياكل تعرفينه كيف بطيني
ما مداه بطي يخلص كلامه وجاف سلطان
ضحك بطي : هذو ها
سلطان : شو ؟؟
بطي : سلطان انا بروح تعال كل
سلطان : اوكيه تتحراني بزعل
راح ويلس مكان بطي
بطي : كل عني وعنك ها
سلطان : من عيوني افا عليك ما طلبت
كلهم ضحكوا
بطي : يله عيل مع السلامه
الكل : مع السلامه
فليل الساعه ١١ بطي توه راد وعلامات التعب مبينه ع ويهه
