علي تنهد ويلس ع الكرسي مجابل روضة
وخلوف يلس عدالها ع الشبريه
خلوف : ماعرف متى بيخليها ه الجلب
علي : يوم بسير له وبتفاهم وياه عدل
خلوف : روضة كانت مستانسه والله،،، بس ه التافه ما يخلي حد يستانس
علي : ان شاء الله دوم تستانس
خلوف : اميينن
بعد هدوء نص ساعه
خلوف : علي
علي : هلا
خلوف : ترا امي دقت وقلتلها ان نحن ف المستشفى
علي : شو قالت
خلوف : قالت خل نيي وجي،،،، كلمتها لين اقتنعت ان يوم روضة تنش هي تيي
علي : اذا هي يت اكيد امي بتيي
و اندق الباب
سار خلوف عشان يشوف منو
خلوف : لا حووللل وبعدين؟؟
حمد : بس بشوفها
خلوف علا صوته : انقلععع عشان ما ادفنك هني
علي يا صوبهم
علي : اوهوو اخويه تبغي شي؟؟؟؟
حمد : انت شو تبا
علي : اباك تنقلع وتفكنا منك
حمد : واذا ما رحت
علي : شكلك ما بترتاح لين افضحك ومب بس ف العايله ف البلاد كلها
روضة قامت
روضة : خلوف
علي سمعها بس خلوف ما سمعها لانه كان يكلم حمد
علي سحب خلوف وسكر الباب
خلوف : شو فيك؟؟؟؟
علي : روضة تباك!!
خلوف وهو رايح صوب روضة : اوه،، هلا رواضي
روضة : روحو البيت ريحو ولو شوي
خلوف : بنتم عندج
روضة : من متى انتو هني بسكم روحو
علي : مليتي منا
روضة : لا والله بس عشان ترتاحون
خلوف : نحن مرتاحين عندج صح علي؟
علي : هي
خلوف يلس عدال روضة وعلي يلس ف طرف بروحه
خلوف : تراج بتترقدين يومين
روضة : ااععع لييششش
خلوف : لانج ما تاكلين عدل
روضة : حشا كم تبوني اكل
خلوف : ه اليومين بنستلمج انا وعلاوي بنأكلج لين تستوين درام
روضة : خيبهه،،، وين علي؟؟
