بعد اسبوع
ف العين
روضة كانت رايحه تسلم عليهم
ف بيت بو خليفة
خلوف كان يالس وعداله روضة وحاطه راسها ع صدره
خلوف : ش عليها بتعرس عقب كم يوم
روضة : بطويي بس عاد بروحي خايفه
خلوف ضحك : اسمي خليفة مب بطي
روضة قفطت : انا قلت بطي؟
خلوف : هي،، مب بس بطي قلتي بطوي
روضة : ...
خلوف وهو يضحك : لهدرجه مأثر عليج
روضة : بالغلط
خلوف : ما علينا،، شو شعورج؟
روضة : احس بتوتر وخوف
شوق : شي طبيعي
روضة : بس مب جيه
خلوف ابتسم : روااض كبرتي بسرعهه
روضة : خلوف احين شدخل ها
خلوف : ماعرف مستغرب انا كيف عرست؟ انتي كيف بتعرسين؟ تحيدين قبل كيف كنا منو يقول ان هاييلاك نحن
روضة : تصدق اقنعتني ههه
رن فون روضة
(روضة : مرحبا
هزاع : مرحبا بج زود
روضة : امر
هزاع : وينج؟
روضة : ف العين
هزاع : هيي،، متى بتيين؟
روضة : شوي وبرد
هزاع : انزين يوم بتوصلين بوظبي دقيلي
روضة : ان شاء الله،، شي مستوي؟
هزاع : لا سلامتج بس حد يباج
روضة باستغراب : منو؟
هزاع : حد
روضة : ااه يعني ما بتقول
هزاع : لا ما بقول،، المهم يله تيك كير باي
روضة : يو تو باي)
بعد ساعه ونص
ف بوظبي
وصلت روضة واول ما دخلت جافت سلطان وهزاع
روضة : السلام عليكم
هزاع + سلطان : وعليكم السلام
روضة : هزاا...
ما مداها تكمل لان قاطعها صوت بطي وهو يسلم
بطي : السلام عليكم
هزاع + سلطان + روضة : وعليكم السلام
بطي : علوومم؟؟
هزاع : تسرك الغالي
بطي : دوم،، روضات
روضة : هلا
