بعد مرور ربع ساعه
ف مزرعة بو خليفة
خلوف : لين احين فيّه فضول
سلطان : عسب الصرخه ؟؟
خلوف : هي نسير نجوف؟
حمدان : ابويه انا ما يخصني مب رايح
خلوف : يمكن يبونن شي ياخي
حمدان : لو يبون شي ما بيونن عندك
خلوف : ادري بس ابا اعرف شسالفه
سلطان : يله قوم،، حمدان بتيي حياك
حمدان : ااممم، خلاص بيي
قامو وراحو صوب المزرعة يوم دقو الباب
طلع يوسف ومعاه زايد
خلوف : السلام عليكم
يوسف وزايد : وعليك السلام
خلوف : علومكم
يوسف (ما يعرف خلوف) : طيبين يسرك الحال امر اخوي
خلوف : بغيت اتخبرك؟ ممم (ما قدر يقوله سمعنا صرخه عندكم شسالفه) منصور موجود؟
يوسف : لا طالع
خلوف : وبطي؟؟
يوسف : ف المستشفى
خلوف : عسى ما شر شو مستوي
يوسف : ماشي بس كنا نلعب وميود يا بيفر الكوره جان يطيح وضرب راسه
سلطان يخوف : شي يااه؟
يوسف : مااعرف
زايد : لا قالو هب خطير بس بيخيطون له
سلطان : اي مستشفى
زايد : هب متأكد بس اللي متأكد منه ان هم احين رادين
حمدان : زين مشكور يزاك الله خير
زايد : العفو ما بيننا،، حياكم
خلوف : لا نحن ما نروم ندخل بس بنترياهم لين ايوون
يوسف : تعالوا اييلسوا انزين فضيحه جيه موقفينكم
زايد : مب لازم داخل تعالو برا بنييلس
سلطان : خلاص اوكيه
دخلو الشباب
يوم يلسوا طلعن البنات بدون ما ينتبهون لهم
لكن يوسف ما خلاهم بحالهم راح صوبهم بسرعه
يوسف : ايييهه كييفف تطلعنن انتتنن
روضة : ليش من متى حرام نطلع
يوسف : ياخيي مبب متفييقللجج شيي ريااييلل هننييي
روضة (لا لا لا مب خلوف مستحيل) : وين؟
يوسف اشر عليهم
روضة : كم ريال هنيي
يوسف : يااخييي بلاا عبااطهه
روضة : كمم ريااال؟؟
يوسف : ثلاث وانا وزايد
