عند سيارة ميود
ميود : روضة اركبي جدام ابا اكلمج
روضة نزلت دمعتها : انت بعد ميود؟ والله اني ما سويت شي غلط
ميود ابتسم ومسح دمعتها : والله اعرفج ي روضة وانا واثق فيج،، اركبي ابا اكلمج وابا بنات عمج يسمعون
ركبن البنات
ميود حرك السياره عشان خلوف يتأكد بس ضيّع خلوف عشان ما يشوفه يوم بيوقف
ميود وقف السياره ف مكان ولف يتطالع روضة
روضة : بلاك وقفت؟
ليالي : مايد في شي مستوي؟
ميود : لا ويت بقولكم عن كل شي
هيا : شو كل شي؟
ميود : انتن اسكتن بس اول شي،، تبون شي من داخل؟
البنات : لا
ميود : مب كيفكن بييب ماي وبيي لاني اعرف انكن ع اعصابكن
سار ميود اييب ماي
ف بيت بو خليفة
خلوف : تأخرو هاييل
بو خليفة : بتيي ومصيرها بتنضرب وبتنحبس
خلوف : والله حاله معاها ش ه البنت
شهاب : انصدمت ما توقعتها جي
ميثا : حتى انا صدق صدمتني
نرد ل ميود واللي ف السياره
ميود : الحين خلوني اتكلم شربتن الماي وهديتن شوي
ليالي : تكلم
ميود وهو يتطالع روضة ومبتسم : رويض انا اعرفج عدل واعرف انج مب مال حب وخرابيط واعرف عدل انتي شو من داخلج وكيف تبين تعيشين حياتج،، روضة اسمحيلي بس انا من قبل كنت اعرف ان امج ما ماتت واعرف ان عمي سيف ما مات بس سكت لاني ما كنت ابا مشاكل وما ابا الامور تكبر روضة اسمعيني للنهايه واذا ما عيبتج الفكره ف انتي حره
روضة : ان شاء الله بس تكلم
ميود : روضة انتي وايد غاليه عليّه وقفتي ويايه وايد واجهتي وايد ناس عشاني ويا الوقت اللي بردلج فيه الجميل روضة انا عشان ارتاح ابا اسوي اللي يريحج ف اذا كان اللي يريحج اني اوديج ل امج واهلج بوديج واذا تبين تتمين هني ف العين ف ما بسوي شي وبخليج ع راحتج،، (اتطالع روضة) انا كنت خايف ه اليوم ايي (عقب نزل راسه ورد رفعه) ولكن للاسف يا وانا اتفقت ويا هزاع وقلتله جان يباج ياخذج من بيتكم ومحد بيقدر يوقفه صدقيني لان ابوج وعمومج غلطو وانا اعترف ابويه غلط كلهم اتطمعو ف فلوس عمي سيف بس ذاك الوقت نحن كنا يهال مب فاهمين شسالفه،، نصبوه وخذو فلوسه لان يدي الله يرحمه سجل معضم املاكه ل عمي سيف وعسب جي عصبو عمومي وكلهم وقفو ضده وجي يعني،، وعشان انتي ما تعرفين الصدق ابعدوج عن امج وقالو انج متي وقالولج ان امج ماتت ،، ف خوالج و عيال خالج وانا معاهم بنساعدج تردين ل امج ب الطيب واذا ما بغو الطيب ف بينهم المحاكم،،،، رواضي انتي لج رايج انتي كبيرة الحين يعني ب راحتج تختارين وين تبين تعيشين ف مكان كله جذب وخدع ولا ف مكان كله هدوء وسوالف وراحة،، ف اذا تبين مكان الهدوء والراحة انا بنفسي بوصلج هناك،، تقدرين تقولين بنهربج عاد فهميها انتي وان بغيتي اي شي كلميني انا موجود ل خدمتج اصلن
