اولا الروايه مضمونها اننا نستفيد باكبر قدر كافي من المعلومات سواء دينيه او في الحياه او نصايح بشكل عام....
في بيت ساره (بطلتنا الاولي)
ساره عندها 22سنه تخيليها زي ما تتخيليها طويله او قصيره لكي حريه الخيال هي في رابعه كليه تمريض وبتنزل تدريب في مستشفي تبع الكليه بتحب القرايه وهي مختمره ومثقفه وبتحب ندوات التفسير الديني معندهاش اصدقاء كتير باباها شغال في البوسطه ومامتها كانت محفظه قرآن بس حاليا هي قاعده لبيتها وبس
ساره وهي تتحدث في التلفون
ملك: ماشي وبعدين يعني مهو احنا متعودين نسهر كل يوم اي الجديد في الموضوع يعني مش فاهمه
ساره: اسفه انا جيت معاكوا مره قبل كده ومعجبنيش الوضع نهائي انتوا ازاي اصلا بتسهرو للوقت ده ومع شباب انا كنت فاكره اننا هنبقا بنات مع بعض وفي كافيه محترم ....
ملك: خلاص براحتك خليكي في التقيد اللي انتي في يا بتاعت حرام وحلال وفيها اي مع شباب احنا فريندز ومتعودين علي كده عمتن انتِ حره
ساره: انا فعلا حره مع السلامه
ملك: باي
ساره: ربنا يهديكوا بجد
ماما ساره: ساره يا حبيبتي صحي سجده اختك وحضروا الفطار عقبال ما اصلي وخلي حسابكوا ان النهارده اختك الكبيره جايه هي و عيالها يقضوا معانا يومين
ساره: حاضر يا ماما روحي صلي انتي
ساره وهي بتصحي اختها: اصحي يا سجده اصحي يا بنتي انتِ ميته يا بنتي
سجده: حرام عليكوا انا في ثانويه ارحموني
ساره: هو كل ما حد يجي جنبك تقولي انا في ثانويه هي دي حجه يعني ولا اي
سجده بنعاس: ايوا حجه وسبيني انا اللهي ترجعي للخطيبك يا شيخه
ساره بحزن: لا ربنا يكتبلوا الخير بعيد عني و يكتبلي انساه ....
سجده: انا اسفه يا سرسور والله مش قصدي هو اصلا انسان مش كويس وميستهلكيش ..
ساره: متجبيش في سيره حد ملناش دعوه قومي صلي يلا وانا هحضر الفطار وفاطمه جايه هي العيال النهارده يقعدوا يومين معانا ..
سجده بخضه: العيال لا لا بتهزري حرام عليكوا انا في ثانويه هذاكر ازاي دول بيجوا يقلبوا الاوضه عندي متعرفيش السرير من الدولاب بسببهم
ساره بضحك: معلش يا سجدتي يا قمر انتي استحملي عشان اختك
سجده وهي داخله للحمام: امري لله
أنت تقرأ
قلبي يناديها (قصه فتيات مسلمات ) للكاتبه /نوُن الشوال
Ficción Generalدين . حب. صداقه . ابتلاء . صبر . ضحك . حزن. مع ابطال روايتنا ستعلم ان في كل شده وابتلاء وضعف يد قويه تسندك وتربط علي قلبك ما هي الا يد الله 🤍🤍 هتستفادوا منها ان شاءلله حتي لو بقليل
