بسمـ الله الرحمن الرحيمـ
بعد يومين اثنين اقل من ساعتين ليدخل تلك الغرفه
تجلس معه مريم بالغرفه وجهها احمر من كثره البكاء اما ياسين في الخارج مع كلا من اسحاق و خالد ويونس
ياسين باستغراب :بس غريبه يعني اسلام مش معاكوا الفتره دي من ساعه ما جيت مشوفتوش
ما هي الا ثانيه و وجدوه قادم باتجاههم : السلام عليكم يا جماعه محمد جوا
ياسين ببسمه: اهلا اذيك يا اسلام اخبارك اي
اسحاق بصوت منخفض لخالد: ياريته جاب سيره ربع جنيه مخروم
كتم خالد ضحكته فهو يعلم بالخلافات بين اسحاق واسلام
اسلان ببسمه: بخير والله الحمدلله طمنوني علي محمد انا مش هقدر ادخله دلوقتي لاني يدوبك مستأذن من شغلي وقدرت اجي هنا انتوا عارفين مش قسمي وكده
خالد : بس بقالك فتره يا اسلام مش باين
اسلام ببسمه: عقبال عندك بجهز شقتي وان شاءلله خطوبتي قريب وكام حاجه كده كنت ملخوم فيها لو محمد كان موجود كان اكد ليكوا ان بكلمه كل يوم اطمن عليه واحكيلوا احوالي
اسحاق ببسمه مستفزه: صادق يا سمسم عارفين والله
خالد ببسمه: الف مبروك يا دكتور عقبال الليله الكبيره
اسلام ببسمه: ان شاءلله بس محمد يقوم بالسلامه و يجي معايا انتوا عارفين هو اكتر من اخ ليا
خالد بضحك: اخس عليك واحنا فين يا جدع كلنا نفرحلك والله اتقل انت بس
ابتسم اسلام ثم وجد مريم تخرج من غرفته فاستأذن ليدخل لمحمد سريعا
عندما خرجت مريم جلست علي احد المقاعد فجلس بجانبها ياسين فمالت براسها علي كتفها : اي يا بني الطول ده كله وطي كتفك شويه
ضحك ياسين وهو يعدل كتفهه لها بينما لمح يونس وهو يزفر في غيظ فضحك بصخب اكثر
ـــــــــــــــــــــــــــ استغفر الله العظيم ـــــــــــــــــــــــــــــ
في غرفه محمد في المستشفى
اسلام ببسمه وهو يقرا بعض التحاليل وينظر لبعض الاشعه: اي يا عم قلقان ليه بس ما الدنيا حلوه اهي اهدي بس وكل حاجه هتبقي زي الفل وتقوملنا زي الحصان كمان
محمد ببسمه: تسلم يا اسلام يارب
اسلام وهو ينظر لساعته: طيب هروح انا بقا انت عارف ورايا شغل كتير تحت وان شاءلله هطلعلك بعد العمليه علطول اطمن عليك
محمد :ربنا معاك ومتتعبش نفسك انا هقوم منها ان شاءلله
اسلام وهو يعطيه ظهره ويبتسم : ان شاءلله السلام عليكم
أنت تقرأ
قلبي يناديها (قصه فتيات مسلمات ) للكاتبه /نوُن الشوال
General Fictionدين . حب. صداقه . ابتلاء . صبر . ضحك . حزن. مع ابطال روايتنا ستعلم ان في كل شده وابتلاء وضعف يد قويه تسندك وتربط علي قلبك ما هي الا يد الله 🤍🤍 هتستفادوا منها ان شاءلله حتي لو بقليل
