عنود و هي تحب راس امها : مساج الله بالخير امايه
ام حمد : مساج الله بالنور يالغاليه
عنود : امي انا اليوم بفطر في بيت عمي عبيد البنات متيمعين و قالولي تعالي
حمد يطلع من الغرفة : و انتي ما تخلصين من يمعاتج يمكن من بدا رمضان مرتين شفتج عالفطور
بو حمد : يا حمد خل اختك تراها ما تسير اللا بيت عمومك و عماتك مب بيت حد غريب
حمد يتنهد : ابويه انا ما اقول لا تخليها تسير بس
امه : لا بس و لا شي كلمت ابوك هي اللي تمشي
ابتسمت عنود بنصر و طلعت من البيت ركبت سيارتها و ما تدري على وين سايره و فجأة حصلت عمرها عند البحر عقت نعالها و نزلت عنود واايد تحب البحر و تحس انه محد يستحمل فضفضتها غيره و هي اساسا ما تفضفض لحد عشان محد يعايرها
عنود وهي تصيح : انا ليييشش ييستوي فيني جيي لييش ليش انا بالذااتت اتععبب و اتتضااييقق و اصييحح و دموعي ما توقف
يتها حرمة من بعيد : اختي استهدي بالرحمن و هدي اعصابج مهما كان السبب بتنحل الامور بس لا تخلين الساير و الراد يسمع صراخج
عنود ما ردت عليها و كورت روحها و حضنت ريولها و تمت تصيح بهدوء
يلست الحرمة صوبها : عادي افضفضلج
عنود بهدوء : خذي راحتج
قبل ما تتكلم البنت و دموعها نتزل : تدرين اني مريت في حاله محد يعلم فيها اللا الله حبيت واحد سبع سنين ( تشهق ) والله حبيته و الله من كل قلبي و ما كنت اتخيل حياتي بدونه لين يا اليوم اللي فقدته فيه بسبب عادات و تقاليد عايلتهم و بحكم انه ما يقدر ياخذ وحده من برع العايله
عنود : انتي شو اسمج
..: سلامة
عنود : اول شي صلي عالرسول
سلامة : عليه الصلاة و السلام
عنود : تدرين انه عايلتنا نفس الشي و ممنوع ناخذ من برع و يحيرولنا من العايله ، يعني تخيلي تنولدين و يختارونج حرمة لفلان و ماتقدرين تبديين رايج لانه عيب تعصين الكبار
سلامة : انتي شو اسمج
عنود : انا عنود
سلامة : عاشت الاسامي يا عنود ... شوفي بما اني ما اعرفج ولا تعرفيني بقولج كلشي بس حتى لو صادفتيني فمكان سوي روحجما تعرفيني ( تنزل دموعها )
عنود : قولي كل اللي في خاطرج و صدقيني ما بيطلع من بينا
سلامة : انا يوم حبيت حمد رسمت فيه مستقبل و شفت فيه كل اماالي
عنود : عادي اسالج سوال
سلامة : امري حبيبتي
عنود : حمد يوم كلمتيه كنتي تشوفينه
توترت سلامة من سوالها : كنت اشوفه دايماً و نطلع و نشوف بعض و ما صار بينا شي كبير بس ما اجذب عليج يوم اكون قريبه منه ارتااح واااايد خصوصا ، و سكتت
أنت تقرأ
ما لفتني من بعد حبك محب
Romanceما لفتني من بعد حبك محب اشوف قلبي متولع بك و منصاع انت وليف تسكن القلب بكل حب اطيعك و اسمع شورك لو كان انصياع اسير على دربك دون ما انسحب لو دربك واحد من دروب الضياع
