عدت يمعة البنات على خير و ما صار فيها شي مهم و روحوا اغلبهم تموا شيخه و عنود و سلامة و مريم و خوله و روضة
روضة : عنود ابوج كيف وافق انج تسوقين
عنود : ما ادري انا قلت بكلمه و بجرب حظي و الحمدلله مشت السالفه و سقت
خولة : بما انج الوحيده بينا تسوقين شو شعورج
سلامة : ترا حتى انا اسوق بس ما اتفيج
روضة : انا لو عندي ليسن ما بتجوفون رقعة ويهي ( صدت على عنود ) شورايج تطلعينا الحين
عنود تهز راسها بلاء
روضة : والله بس كوفي والله حتى ما بننزل بنسير بمخاويرنا شو رايكم
عنود ساكته و تطالعهم و ارتبشوا
كلهم : هييه .. يلا عنود خلنا نسير ... قومي شو وراج
عنود : انزين انزين بس صبروا بشاور ابويه و حمد و بييكم و هيه ترا بنسير فالنيسان ما ابا اسوق سياره صغيره
سلامة : اصلاً ما بتكفينا
عنود : خلا ثواني
سارت بعيد عنهم و كلمت ابوها و قالت حق حمد انها بتشل سيارته و وافق
حمد : حرمتي وياكم
عنود : هيه ويانا يعني بنخليها فالبيت
حمد : يلسوها جدام
عنود : من سبق لبق
حمد : اذا ما يلست جدام ما تشلون السياره
عنود : خلاص انشاءالله
و سكرت الخط عنه
يتها شيخه من ورا : عنود عنود
عنود : ها حبيبي
شيخة تغير ويهها : عبيد يباج عالتيلفون يقول عادي تكلمينه شوي بس يباج في سالفه
عنود قفطت : عطيني .. الو
شيخة : اترياج تحت ... ( ونزلت )
عنود كانت وااايد مستحيه : الو
عبيد : الو شحالج
عنود : الحمدلله انته شحالك
عبيد : انا بخير دامج بخير
عنود : حالت مديم يارب
فجأة لمحت راس وحده من البنات
عنود : دقيقه عبيد .. انتي منو
سلامة : هههههههههه و للحين مصره انه ما بينكم شي ترا كان واضح الموضوع من ابتسامتج العصر
قفطت عنود : عبيد يستوي تأجل الموضوع او تقوله حق شواخ و هي بتخبرني
عبيد بمكر : يعني ابتسمتي يوم عرفتي اني برع .. المهم بس كنت بقولج اني باخذ رقمج عن شواخ اذا ما يضايقج الشي
عنود : بفكر و برد على شواخ خبر
عبيد : على خير انشاءالله
و سكرت الخط و تمت تركض ورا سلامة
أنت تقرأ
ما لفتني من بعد حبك محب
Romanceما لفتني من بعد حبك محب اشوف قلبي متولع بك و منصاع انت وليف تسكن القلب بكل حب اطيعك و اسمع شورك لو كان انصياع اسير على دربك دون ما انسحب لو دربك واحد من دروب الضياع
