طافوا كم يوم من السفره و باقي اليوم الاخير اللي بيرجعون فيه بدوا يلمون اغراضهم و يرتبون كلشي
عنود : حمود انا مليون مره قايلتلك لا تعق ثيابك جي متى بتتأدب انته
حمد : اقولج لقطي و انتي ساكته و الله اني مصدع و مش متفيج حق شي
عنود تسير صوبه : تبا بندول
حمد : بتسوين خير والله
عطته البندول و غرشة ماي
عنود : حمود انا يوعانه و بطلبلي اكل من الفندق تبا شي
حمد : هيه خذيلي اي شي
يلست عنود تشوف الاكل و طلبت كم شي و كلمت ترتب الاغراض و تتريا الاكل يوصل
سمعت صوت الجرس و قالت حق حمد يدخل الاكل و عقب يلسوا ياكلون
حمد : عنودي ترا عبيد مستعيل
عنود بحيا : انا موافقه بس
حمد : لا بس ولا شي خلاص من نرد البلاد برمسه لانه لو كلمته هني ادري ما بيخليج فحالج و انا مش متفيجله
يندق الباب و قام حمد و فتح الباب و طلعت شيخه
شيخة : اسفه ولد عمي شكلي يايه وقت غلط
حمد : لا لا حياج
شيخه : وين عنود
حمد : يالسه تاكل ادخلي لا تتمين واقفه
عنود : منو عند الباب
شيخه تدخل : انا انا يايه اقولج شي و بسير
عنود حست انه السالفه عن عبيد ف قامت و دخلت الغرفه و دخلت شيخه وياها
عنود : قولي شو عندج
شيخة : مطر وين ياب رقمي
عنود مصدومه : شدراني ليش كلمج
شيخه : كلمني والله كلمني و قالي انه هو مطر
يلسوا يفكرون ليش يبا يكلمها
سمعوا صوت باب يندق
عنود : ما عليج حمود بيسير
سمعوا سوالف و ضحك و مصخره وسب و كلشي
شيخه بتوتر : هذا صوت مطر والله صوته
عنود : انزين شوفيج سوي عمرج عادي
عنود لبست وقايتها لانها بتسير ويا شيخة عشان توصلها و شيخة عدلت وقايتها و طلعوا ، مطر بحلق عينه يوم شاف شيخه
عنود : حمود انا بوصل شيخة و برجع
مطر : انا الحين بسير و بوصلها على دربي غرفتهم عند غرفتنا
شيخة بصوت واطي : عنود ما ابا
عنود سحبت عليها و عقت وقايتها : والله تسوي خير يا مطر يوم بتوصلها اصلاً انا متعايزه بريح شوي قبل ما نسير المطار
أنت تقرأ
ما لفتني من بعد حبك محب
Romanceما لفتني من بعد حبك محب اشوف قلبي متولع بك و منصاع انت وليف تسكن القلب بكل حب اطيعك و اسمع شورك لو كان انصياع اسير على دربك دون ما انسحب لو دربك واحد من دروب الضياع
