" عند حمد و سلامة "
سلامة تدخل الغرفه : ويي بموت من التعب ... ححممدد ححممددد
حمد يحظنها من ورى : فديت حرمتي الحلوه ( وقف مجابلنها و يحبها على راسها ) كنتي واااايد حلوه اليوم
سلامة بحيا : ماخذة الحلى منك
حمد : انزين تعالي اباج في سالفه
سلامة : انا اللي اباك في سالفه
حمد : امري عيوني انتي
سلامه : حمد ... انا حامل
حمد : حلفي قولي والله في نونو في بطنج
سلامة بحيا : والله العظيم
حمد يبوسها على خدها : ويي فديت ام سلطان انا فديتها موووت احبج
سلامة : انزين يمكن بنت
حمد : عادي ام سلطانه
سلامة : هههههههههه لا مب سلطانه بسميها عنود
حمد : فديت عنود و امها و عمتها
" عند شيخه و مطر "
مطر : انزين شواخي ردي عليهم خير بسرعة والله اني متحرقص
شيخه : مطور شو هالرمسه تريا شوي اصلا لين الحين امي ما كلمتني اسير اقولها انا موافقه اكيد بتعرف
مطر : ما عليه بنتريا امج ترمسج و ردي بسرعه لو سمحتي انا مستعيل
شيخه : مستعيل
مطر : والله لو روضة ما شافتني اليوم . اخخخ بس كيف عرفت انا ما ادري
شيخه : تراني بطيت عشان جي يت تشوفني
مطر : عادي بيي اليوم اللي ما بيقولون شي يوم اني واقف وياج
شيخه بحيا : انزين سكر برقد
مطر : ننععممم اليوم بترقدين عالخط
شيخه : مطور و الله تعبانه و باجر ورايه مشاوير سكر خلني ارقد
مطر : طلعتي برع بشوفج
شيخه : ايي السبال سير بيتكم ( سبته عشان يزعل و يسكر و تقدر ترقد )
مطر : يحبج هالسبال و متخبل عليج
شيخه : انزين انا بعد احبك بس ممكن ارقد الحين
مطر : بس عشان قلتي بخليج ولا والله ادخل بيتكم
شيخه : فكني من حسك بند .. باي
مطر يغني : انتي شيخه قلبي ما فيها جدال و على بعضك على بعضك كلك انتي تجنيين
شيخه : مطر مطر و ترد للتربه الروح و يخضر و يذعذع نسيم البرادي
مطر : يع ما اداني هالاغنيه قولي صوت المطر عود بذكراك قولي اشتقتلك تحت المطر غني نفس الناس ( شيخه في سابع نومه ) ويي فديت حسها رقدت شواخي ( يعلي صوته ) ششووااخخيي
شيخه : دحق يدحقك انشاءالله ما تخلي الواحد يرقد
مطر : خيبه .. بس كنت بقولج ببند انا
شيخه : بند بند باي
مطر : باي
أنت تقرأ
ما لفتني من بعد حبك محب
Romanceما لفتني من بعد حبك محب اشوف قلبي متولع بك و منصاع انت وليف تسكن القلب بكل حب اطيعك و اسمع شورك لو كان انصياع اسير على دربك دون ما انسحب لو دربك واحد من دروب الضياع
