اليوم هو اليوم اللي بيسافرون فيه ساروا كلهم الشباب و البنات و عمومهم و عماتهم اللا ام حمد و بو حمد و يدهم و يدتهم ما قدروا يسيرون
تقرب مطر : عنود عندج باور بانك
ياهم عبيد : شو تسوي عندها
مطر : يالتيس تراها اختي
حمد : ما عليك منه هذا كله ليش واقفين وياها و ليش تكلمونها و ليش مدري شو خله خله لو يلست تسمعه ما بتخلص
مطر : الله يعينج عليه كيف بتتحملين سخافته مادري بج
عنود استحت ترد و تدافع عنه ف سكتت
ركبوا الطياره كانت عنود عند الجامه و حذالها مطر و صوبهم حمد
عنود : مطر عادي تبدل ويا حمود المكان
حمد : قوم قوم اختي مصروعه من الطياره خلني انا هني
بدلوا اماكنهم و بدت ترتفع الطياره و عنود ما هدت ايد حمد تمت ترص و ترص على ايده
حمد : ما في شي يا اختي ترا كلها طياره
عبيد يلف عليهم من جدام : تخافين
عنود خافت منه : بسم الله انته وين طلعت
عبيد : من قلبج
حمد : يا قليل الادب حشم انا هني و ترا بعدها ما استوت حمرتك
مطر : فكونا انتوا الاثنين و انتي سيري يلسي عن الحريم ما ترومين تفجين عن اخوج كم ساعه
حمد : اشش ما يخصك فيها و عبيد اصطلب يلا
طول الرحله و هم يسولفون و يضحكون و نزلت الطياره بس هالمره مطر اللي صوبها يوم شافها مستحيه منه هو يوود ايدها
مطر : عادي تراني اخوج
عنود : ادري بس انا استحي منك
و رصت على ايده
مطر مغمض عينه اقوى شي : حمود اخر مره تيلسني صوبها .. ايي
عنود هدت ايده : اسفه والله اشوف تعورت
مطر يبتسم : لا لا استهبل وياج
عنود تظربه على جتفه : سخيف على فكره
وصلوا و نزلوا و ساروا الفندق و رتبوا اغراضهم عنود و حمد في جناح واحد و الباقين موزعين على اخيارهم بس حمد ما خلا اخته تختار و يباها وياه
عنود : حمد لو سمحت لا تكون فوضوي و توصخ كل مكان
حمد : تونا نقول بسم الله انا حتى اغراضي ما طلعتهم
عنود : انا بطلعهم بس لا توصخ
بدت عنود ترتب اغراض اخوها و خلصت سوت لها نسكافيه و سوت حق حمد جاي و يلسوا يسولفون
أنت تقرأ
ما لفتني من بعد حبك محب
Romanceما لفتني من بعد حبك محب اشوف قلبي متولع بك و منصاع انت وليف تسكن القلب بكل حب اطيعك و اسمع شورك لو كان انصياع اسير على دربك دون ما انسحب لو دربك واحد من دروب الضياع
