وصلوا البلاد و طافت الايام و عرسوا سلامة و حمد و ساروا شهر العسل و حمد متخبل على سلامة ما يباها تفارقه ثانيه و مطر و شيخة بدوا يتعودون على بعض و بينهم سوالف و لقى كل جمعه ورا البيت و اليوم ملجة عنود و عبيد طبعا ما نوصفلكم سعادتهم الاثنين ...
حمد : سلامة خلصي لاني مستعيل و ابا اسير اتحلق
سلامة : انزين صبر ما يطير حلاقك صبر
حمد : خمس دقايق والله لو تأخرتي والله بسير عنج
سلامة : انا بسير بسيارتي خلاص سير انته
حمد بعصبيه : تستهبلين صحح انا اترياج و تقوليلي سير
سلامة تلف وقايتها : خلصت خلصت يلا
و نزلوا و ما حصلوا حد فالبيت الكل كان لاهي و يرتب و يجهز صد حمد على سلامه
حمد : تغشي العمال برع
سلامة تنرفزت : انشاءالله ( رفعت وقايتها )
طلعوا و حمد نزلها الصالون و سار الحلاق و تلاقى ويا عيال عمه و يلسوا يسولفون و يستهبلون فالحلاق و يتمسخرون على عبيد
حمد : احين انته بتاخذ اختي
مطر : ما حصل اللا اختي
عبيد : جب جب ما يخصكم الحين هي مالي
حمد : وااايد مصدق عمرك .. مطر انته مر شلها من الصالون انا بسير الحين اشل حرمتي و برد عشان اشوف الترتيبات ... ( طلع عنهم )
عبيد : مطور يستوي انا اشلها
مطر : لا طبعا ما يستوي و تحلم تشوفها اللا عقب الزفه
عبيد يتأفف : يالله انزين انزين فكنا
طلع عنه مطر و كلم عنود انه هو بيمر عليها وصل الصالون و ترياها لين طلعت و هي متغشيه و تتصدد تدور السياره و اتصلت و سارت له و ركبت وياه
مطر : زين طلعتي
عنود تفصخ الغشوه : اسكت بطني يعورني و متوتره
مطر تنح في اخته : ايي انتي ليش جي حلوه
عنود استحت : لهالدرجه يعني
مطر يحرك السياره : والله انج تجننين ... شواخ كانت داخل
عنود : هييه انته مار عليه عشاني ولا عشانها
مطر : ايي شو هالرمسة والله عشانج .. عشان عروستي الحلوه ( يصد صوبها ) تدرين عبيد كان يبا يمر بس ما خليته
عنود : اصلاً لو هو مر عليه ما بطلع من الصالون
و على هالسوالف البسيطه وصلوا البيت و نزلت عنود و هي متغشيه عشان محد يشوفها و مشت صوب الخيمة عشان تشوف الترتيبات و كلشي كان مثل ما تخيلت
و دخلت داخل و سكرت على روحها باب الحجره و تفكر و تتخيل انها نازله بين مجموعه ناس و تمشي و العيون كلها عليها
زاد التوتر فيها و فجأة وكزت انه الباب يندق
عنود : تفضل
عبيد : قالولي ما ادخل بس ادري انج متوتره و تبين حد وياج انا بتم عند الباب يالس اذا تبيني ادخل بدخل و اذا تبين اي شي قوليلي
عنود : سير انته تجهز و خلص و تعال
و سار عنها و اتصلت على طول في مطر و حمد و شبكت الخط
عنود : تعالوا الحين لاني بموت
حمد يضحك
مطر : انزين انا صوب البيت بشل كندورتي و بييج لا تقفلين الباب
عنود : اترياك لا تبطي
و سكرت عنهم و دخلت امها و يلست تكلمها و تهديها و دخل ابوها و كلمها لين سمعوا دقة الباب
مطر : عنود حد عندج
عنود : تعال بس ابويه هني
و دخل عندهم و يلس يهديها : الحين انتي زايغه من عبيدوه
عنود : ما يخصك ما يخصك
مطر يتصل في عبيد و اول ما يرد عليه : الو
عبيد : الو هلا مطر
مطر : اقولك تعال عند حرمتك ايلس وياها
عنود : لا لا ما يجوفني
مطر سكر في ويه عبيد و اتصل في شيخة
اتصل و حطها سبيكر يترياها ترد و ما ردت عليه و اتصل فيها مره ثانيه و ردت
شيخة : الو
مطر يمسك قلبه : فديت هالالو انا
عنود تضربه على جتفه و تتكلم بصوت واطي : اي حشم انا هني
شيخة: امر بغيت شي
مطر: سيري عند اختي بتموت علينا
شيخه : حرام عليك تراها عروس لازم تتوتر و تخاف
مطر : انتي يوم انا باخذج جي بتخافين
شيخه بحيا : اقولك انا بسكر لاني لازم اخلص و يوم بخلص بسيرلها اوكي حبيبي
مطر : شو قلتي
شيخه : قلت حبيبي اوكيه سكر يالله ابا اخلص عشان اسير عند عنود
مطر : انا بشلج من الصالون
شيخه : انا فالبيت يالسه اتمكيج بخلص و بعبر الشارع بسيرلها... يالله فمان الله
و سكر عنها : ياربي كيف متلهف عاليوم اللي بتستوي فيه حلالي
عنود تكفخه على جتفه: قوم قوم اطلع برع و اذا شفت حمد على دربك قوله يقول حق حرمته تي عندي
مطر : بسسير بيت يدي انا مستعيل مستعيل
و طلع عنها
أنت تقرأ
ما لفتني من بعد حبك محب
Romanceما لفتني من بعد حبك محب اشوف قلبي متولع بك و منصاع انت وليف تسكن القلب بكل حب اطيعك و اسمع شورك لو كان انصياع اسير على دربك دون ما انسحب لو دربك واحد من دروب الضياع
