عند البنات
يرن تيلفون عنود و حمد المتصل
عنود : سلامة ردي عليه ابا اخلص
ردت عليه : الو هلا حمد ( حطته سبيكر)
حمد : ياويلليي تبيني افطر انتي ليش راده عالتيلفون
عنود : حمود عن المصاخه تراني اسمعك
حمد : ههههههه انزين حد يسير عند عبيد برع فطيم مطرشه سويت حقكم و هو يايبنه
عنود مبتسمه : خلاص ثواني الحين بطرش حد يشلة
و سكروا الخط و سلامة تطالع عنود
عنود : معجبه حبيبتي
سلامة : عننوودد اششوف الابتسامه شاقه الوييههه لييكوون في شي ما اعرفه
عنود : لا لا شو ترا ولد عمي و بعدين ابتسمت عادي ليش ما يستوي
شلت عنود وقايتها : بسير و بي انني كملي رتبي
طلعت عنود و هي يالسه تربط وقايتها
عبيد انصدم يوم شافها : عنود
عنود : هيه عنود هات السويت بسرعه مستعيله
عبيد متنح فيها : شحالج
عنود مستحيه : الحمدلله انته شحالك
عبيد : دام انتي بخير انا
قاطعهم سعيد : اخبر عليكم يدوه الحين
صد عبيد يطالع منو و عنود سحبت الصحن و سارت داخل
سعيد يقلد صوت عبيد : عطيني الصحن انا ساير بيتنا بنزله على دربي ننننننن
الحين عرفنا بيتكم وين
عبيد : يا هادم الملذات دحق يدحقك يارب
سعيد و هو يرووح : خوش صيام والله
دخلت عنود البيت و سكرت الباب و تساندت عليه و حاطه ايدها على قلبها
سلامة : لا واااضحح انه مافي شي وااضضحح
عنود بحيا : يعني انتي ما تحبين حمود اخويه
ولا اقولج سكري سكري الموضوع
وصلوا البنات و يلسوا يسولفون و فطروا و يحلون و فعاليات و سوالف
شيخة : عنود تعالي شوي
" شيخة اخت عبيد "
عنود : دقيقه شواخ تمام بس دقيقه
و عقب سارت عندها : هلا حبيبي امري
شيخة : بصراحة ما ادري شو اقولج بس ترا عبيد اخويه ناوي يخطبج و قالي اخذ رايج اول
توترت عنود معقوله بس شافها اليوم من عقب فتره و قرر بهالسرعه انه يباها
شيخة : خذي وقتج فالتفكير بس ترا عبيد هاوونجج من و واضح من عينه و قالي اذا انتي ما وافقتي ما بيكلم الكبار عشان ما تستوي سالفه
أنت تقرأ
ما لفتني من بعد حبك محب
Romanceما لفتني من بعد حبك محب اشوف قلبي متولع بك و منصاع انت وليف تسكن القلب بكل حب اطيعك و اسمع شورك لو كان انصياع اسير على دربك دون ما انسحب لو دربك واحد من دروب الضياع
