وقت زفة عنود و التوتر الف قررت تخلي حمد يزفها لانها مستحيل تقدر تمشي بروحها و بدت الزغاريط و التصفيق و تحس انه التوتر زاد كانت طلتها واايد ناعمه فستان بيج ساده بذيل طويل و ميكبها بني
حمد : استهدي بالرحمن و امشي
عنود تهمس : ما ابا ما ابا
حمد يرص على : ايدها امشي بسرعه
و على هالحال لين وصلت الكوشه و يلست طلع حمد و هو عينه على سلامة و أشرلها تطلع وياه و مشت وراه بسرعه بدون ما حد يركز
سلامة : ها حمد
حمد : شو تبين فيها تعالي ويايه انا
سلامة بحيا : حمود لا تستهبل خلاص سير يوم بتخلص الملجه بييك و اصلا ما بنطول يعني بس ثلاث ساعات و خلاص
حمد : ما اقدر اخلييج ما اقدر
سلامة : حمود سير الحين لانه لو عموه عرفت انك واقف لين الحين بتهزبني و بهزبك
حمد : فديت حمود منج انا ( يحبها على راسها ) يالله ابويه فمان الله
سلامة : فمان الكريم
و سار عنها و ردت سلامة دخلت داخل و لاحظت وحده تطالع عنود بنظرات غريبة و مشت سلامة صوب عنود
سلامة : عنودي تعرفين هاي
عنود : اي وحده فيهن في الف هاي هني
سلامة : ام فستان تركوازي
قاطعتهم روضة : هلا اببوويي شو هالجمماالل
عنود تسلم عليها : فديتج ماخذه الحلا منج
روضة : احلى من عبيد حتى يخسي هالكوع
عنود : ايي لو سمحتي لا تقولين عن ريلي كوع
تيمعوا البنات ( خولة و شيخة و مريم و سلامة و روضة )
خولة : عنود ليش تصيحين
صدوا البنات صوبها : ليش .. بيخترب الميكب حرام .. نحن وياج اهدي
عنود : زفوا عبيد الحين انا ما اقدر اهدا
شيخة : الله يالدنيا الحين ما تهدين اللا بعبيد
روضة : خلاص شواخ صخي عنها و سيري رمسي عبيد .. تيلفونج يرن
شيخة شلت تيلفونها و طلعت من الخيمه
شيخة : الو
مطر : انتي وين
شيخه : فالملجه بعدني
مطر : وين فالملجه
شيخه تمشي صوب البيت : بدخل داخل شوي بعدل مكياجي و بتصل في عبيد بقوله يلا لانه اختك بتموت تبا ريلها
مطر كان فالمطبخ يشوفها تركب الدري : ويي فديت الاصفر انا
شيخه وقفت : مطور يالسبال انته فالبيت
مطر : هيه فالبيت بس بيت امي الثانيه ( ام حمد )
شيخة ركضت فوق و ركب وراها شيخه دخلت غرفة عنود و قفلت الباب و هو وياها عالخط
مطر : بتعيشين فالغرفه
شيخه : ما يخصك انزل و انا بعدين بطلع
مطر : اطلعي جدامي
شيخه : لبسي مش ساتر عشان امشي فيه جدامك
مطر : البسي عباه و اطلعي جدامي
شيخه لبست عباه من عند عنود و طلعت و اول ما طلعت شافته في ويهها
شيخه : ايي شو تسوي انته
مطر مبحلق عينه : شووواااخخخ
شيخه : نعم نعم شو تبا
مطر : الحمدلله اخترت صح
شيخه : شو اخترت
مطر : اخترتج .. و ليش مظهره ايدج و ظهرج حق العالم ما تخافين انتي
شيخه : ما اخاف
أنت تقرأ
ما لفتني من بعد حبك محب
Romanceما لفتني من بعد حبك محب اشوف قلبي متولع بك و منصاع انت وليف تسكن القلب بكل حب اطيعك و اسمع شورك لو كان انصياع اسير على دربك دون ما انسحب لو دربك واحد من دروب الضياع
