ما لفتني من بعد حبك محب

Part 10

صباح العيد و الكل مرتبش اليوم بتتيمع العايله كااممللههه ما فيها فدر ناقص و اخيرا عبيد بيشوف عنود بدون ما يخاف

يندق الباب : عنود تعالي
عنود : حمود صبر بعدني ما خلصت
..: بس انا مب حمود انا عبيد
عنود لبست وقايتها و بطلت الباب : امر عبيد شو بغيت
عبيد : ادري اني جريئ و يمكن تقولين قليل ادب بس ما بقدر اعايدج جدامهم
( يبتسم ) مباركن عيدج و ينعاد علينا و عليج كل سنه و حول ( مد لها عيديه ) اندوج هاي عيديتج و ادري انج ما جهزتي حق السفر ( مد فلوس ثانيه ) هذيل تجهزي فيهم

كان ياي يروح بس عنود ما خلته : عبيد صبر وين ساير
عبيد : بسير غرفة حمود
عنود بحيا : انزين انته بتسير قبل ما ارد عليك حتى
وقفوا و تموا يسولفون خذاهم الوقت
عبيد : انا بسير اوعي اخوج هالفيل مدري كم ساعه يرقد
عنود بدلع : حرام لا تقول عن حمود جي
عبيد : اخخ منج متى ايي الوقت اللي تدافعين عني و تنسين هذا اللي شاغل بالج
عنود استحت وااايد من كلامه : اصلا انا لو اسير المريخ و ارد بعد بحب اخويه اكثر عنك
عبيد بمكر : يعني تحبيني
عنود ردت على ورا و سكرت الباب و هي ميته ميته حيا تحس ودها تشرد. و ما تشوفه مره ثانيه

عبيد يدق الباب : حمود يالجحش قوم بسك رقاد ( يدق اقوى ) قوومم
حمد يبطل الباب : انته شو يايبنك بيتنا منو عزمك
عبيد : قوم قوم و عن هالحركات تراها تسع و نص
حمد بحلق عينه : تسع و نص ( يصارخ ) عنوودد عنوودد

عنود ما كانت تدري انه عبيد بعده و طلعت بدون وقايه اول ما طلعت ولا الصدمة عبيد جدامها بالضبط و حذاله حمد

عنود : حمود ليش ما تقوللي انه عبيد هني
لبست وقايتها و سارت عندهم و هي ما تبا تشوف عبيد ابداً
حمد : وين كندورتي و اغراضي
عنود : انا جهزتلك كلشي ادري بك ما تنش من وقت

وسارت يابت الكندوره و الغتره و العقال و لبس و عبيد و عنود واقفين

عبيد : الحين سوال لو انا عرست حرمتي جي بتسويلي

حمد : لا طبعاً مب كل الحريم شرات عنود عنود بس وحده فالعالم و عندي انا ما بعطيها حد

عنود حطت كسرة عود و سارت صوبه : اصلاً انا حتى لو عرست ما بسوي جي حق ريلي ( تدخن الكندورة ) و لو شو يسوي ما اسويله جي ترفع راسها و تطالع حمد : ترا اميه و ابويه ساروا بيت امايه هند و عقب بييون هني

حمد : عبيد بدال ما تبحلق جي سير عند اختك خلها تدلعك
عبيد : اقولك انا لو احصل اخت نفس عنود ما بطلع من البيت و لا تعرف شو بحطها في مخباي و بمشي

طلع عنهم عبيد و عنود بعدها تدخنه اول. ما وقفت حمد جابلها و عينه في عينها

حمد : تراه كلمني انه يباج و يبا رايج و انا اخوج و اعرفه زين ترا عبيد ماشي مثله ريال مصلي مسمي و فروضة كلها فالمسيد و ماعليه سوالف بنات

عنود : حمد و الله ما ادري شو اقولك بس ياريتك ما خبرتني الحين لانه عادي اتم طول اليوم فالحجره بس عشان ما اجوفه