مطر : شيخة انتي مصدومه اني كلمتج صح ترا والله مب في بالي شي و ترا اللي اباه انه نهاية اللي بينا يكون بالحلال
شيخة استحت و تمت ساكته ماردت عليه
مطر : انا كنت احب وحده و وااااايد احبها لاكن ربي خذا امانته
شيخه : الله يرحمها
مطر : انا ما اخترج والله انه قلبي قالي شيخة لك و انته تباها
شيخة استحت : انا بسير ارتب اغراضي
و دخلت الحجره و مطر نزل يتمشى و يشتري شوية اشياء و دخل الجمعيه
سلطان : يالتيس قالولك بالملح تاخذ جبن ليش
سعيد : انا ابا ما يستوي اكل يعني
مطر : ايي الفروخ خلو عنكم هذا و تعالوا بنسير نيلس في كوفي
سعيد : مضيع تراك مب في دبي و بعدين تعال بتيلس في شو ستاربكس ولا دانكن
سلطان : اخخ كيف تولهت على دبي
مطر : جذاب متولهه عالعرقوب ياريال انته زين ييت تكفر شوي عن ذنوبك
سلطان : اقولكم انا ما ابا شي بسير عند عبيد احسن لي
سلطان مشى صوب عبيد اللي واقف يتأمل الكاكاو
سلطان : معجب فالكاكاو
عبيد : لا بس افكر اذا اخذه ولا
سلطان : يعيبك خذه و اذا ما يعيبك رده مكانه سهل الموضوع مش لازم تصعبها
عبيد : بس انا ما ادري اذا يعيبني ولا
ياهم حمد من ورا : عنود فكيني اي واحد تبين
عنود : اللي فيه كرميل .. اقولك سلامة بعد تبا اغراض موصيه عليهم
عبيد كان لاصق في تيلفون حمد و سمع عنود و تم يطالع الكاكاو و يدور اللي فيه كراميل و حصله خذ منه واايد
حمد : عطني ثلاث حبات اختيه تبا منه
سلطان : دورلك قوطي ثاني نحن مستعيلين
حمد يطالع سلطان : اتوقع عبود عنده لسان و يقدر يتكلم ( يطالع عبيد ) اخذ ولا
شل عبيد واايد و عطاه و مشى عنهم و سار يحاسب .... ما بقى شي على نهايه الرحله و كلهم بيرجعون البلاد كل حد متولهه على حد و ميت يبا شوفته اللا عبيد عنود كانت جدام عينه طول الوقت و يطالعها بدون ما حد يقوله شي و مطر اللي كان قلبه توه يشوف شيخة اكثر من بنت عم و و حده من الاهل بدا يشوفها بحب و يوم تغيب عنه يدورها .. قبل الرحله بساعه كلهم فالمطار و اللي فالكوفي و اللي يتشرون و اللي واللي .. ما علينا منهم
مطر : شيخه
شيخة بحيا : هلا
مطر : ما اشوفج اشتريتي نفس باقي البنات .. ناقصنج شي محتاجه شي
شيخة : لا بس مالي خاطر اتسوق احس اني بس ابا ارد البلاد
مطر : افاا ليش مالج خاطر ( يمد لها بطاقته ) سيري خذيلي عطر ما اعرف اختار
شيخه بتردد كبير : انشاءالله
مطر بصوب واطي و بس شيخة تسمعه : فديت اللي يسمعون الكلام
شيخه شردت عنه بسرعه و اول ما صد كانت الصدمه
أنت تقرأ
ما لفتني من بعد حبك محب
Romanceما لفتني من بعد حبك محب اشوف قلبي متولع بك و منصاع انت وليف تسكن القلب بكل حب اطيعك و اسمع شورك لو كان انصياع اسير على دربك دون ما انسحب لو دربك واحد من دروب الضياع
