عنود بمكر : يوم تكونين في حظنه صح
سلامة : يعني انتي فاهمه الموضوع
عنود تبتسم : انزين شو اكثر شي يونسج يوم تتذكرينه
سلامة ابتسمت : والله العظيم ابداً ما انسى يوم كان يقولي عقبال ما اشوفج ام سلطان و كان دايما يقولي ما ابغي غيرج تكون ام سلطان حمد سلطان **** ال****
عنود انصدمت معقوله اخوها اخوها اللي وياها طول الوقت يحب و ما خبرها حاولت انها ما تبين انها مصدومه
عنود : تحسين بعده يحبج
سلامة : انا يوم ودرته قالي انه من يتوظف بيحاول ويا اهله و بيتقدملي على طول بس احس ما راح يرجع
عنود : اذا فيه خير الله بيرده و بيكتب لج نصيب وياه
سلامة تكتم صيحتها : انشاءالله
قامت عنود و حظنت سلامة : ما اتمنى اني اخليج وما اكون ربيعتج
سلامة تطالع عنود بنظرات مب مفهومه
عنود : عطيني رقمج اذا عادي
سلامة ترددت فالبدايه بس عقب عطتها
سلمت عليها عنود و سارت و بالها مشغول باخوها و هل هو حمد اللي تقصده سلامة
رجعت البيت على طول و اول ما وصلت اتصلت في حمد
حمد : الو .. ذياب يا حمار خلني ارمس
عنود : تعال البيت الحين بسرعه اباك في سالفه و لا تخبر حد و تعال الميلس اللي برع و لا تخلي حد يشوفك
حمد : خلج عالخط انا في بيت يديه الحين بي
دخل حمد و سكر الخط عنها و سكر الباب و يلس قريب منها
عنود بعصبيه : انته كيف تخش عليه موضوع مثل هذا
حمد مستغرب : اي موضوع شالسالفه
عنود : حمود منو سلامة
حمد تغيرت ملامح ويهه
عنود : يعني تعرفها
حمد : انا سكر هالباب ويا نفسي من زمان ... و بعدين انتي كيف عرفتي انا ما خبرتج
عنود : ارحم حال البنت و الله انها تحبك و الله
حمد بلهفه : هي كلمتج
عنود : لا ما كلمنتي يت وشافتني و صاحت عشانك انا بعيوني شفت دموعها
حمد : عندج رقمها
عنود بجديه : سوال بس ... انته تحبها ولا تقص عليها
حمد ساكت
عنود : والله يا حمود انك ما شفت شكلها كيف يقطع القلب والله دموعها تنزل و يوم سالتها شو اكثر شي يونسج يوم تتذكرينه قالت انها ابداً ما تنسى يوم تقولها ما بتكون غيرج ام سلطان
حمد لم ايده و حطها على ويهه و عنود مصدومة من ردة فعله و تمت تواسيه عشان يهدا
عنود : اذا تباها قوللي عشان اكلمها
حمد : و قوم يدوه منو بيكلمهم
عنود تبتسم : يعني تباها
حمد : احبها وايد و ما تظهر من بالي دقيقه
سكتت عنود و تذكرت سلامة و هي تقولها انها واايد تحب حظن حمد
عنود تشهق : حمد انته كيف تسوي جي في بنت الناس
حمد : شو سويت ما سويت شي
عنود يايه تتكلم بس قاطعها اتصال سلامة
حمد مصدوم و ردت عنود
أنت تقرأ
ما لفتني من بعد حبك محب
Romanceما لفتني من بعد حبك محب اشوف قلبي متولع بك و منصاع انت وليف تسكن القلب بكل حب اطيعك و اسمع شورك لو كان انصياع اسير على دربك دون ما انسحب لو دربك واحد من دروب الضياع
