ملوك العشق والدمار (حياة الأدهم 2)

الفصل التاسع عشر

متنسوش الفوت يا لُطاف★

#ملوك_العشق_والدمار.
#العشق_الخفي.
#حياة_الأدهم2.
الفصل_التاسع_عشر.
#Engy_Mohamed

"صلوا على نبي الرحمة♤"
ــــــــــــــــــــــــــــــــــــــــــــــ

_إحنا هنهزر يا دكاتره، أيش كان جاين متأخر كمان وبتعملوا كده، مفيش أي مسؤلية خالص.

نهض من فوق مقعده موجهًا أنظاره للمولين ظهرهم إليه بحدة، لم يكن يريد إفتعال مشاكل من يومه الأول ولكن حديثهم أستفزه بشدة، بينما مي قررت أن تلجئ إلى خطتها المعهودة رغم أن صوت ذلك الدكتور مألوف إليها ولكنها نفت كل ذلك من عقلها وأخلت رأسها لحل تلك المشكلة، لتردف بحزن مصطنع وندم ولكن مع التغير في القصة هذه المرة:

_والله مش القصد يا دكتور بس إحنا مجانين أصلاً ميغركش إننا في طب والكلام دَ لا؛ مجرد شفقة من الدولة على حالتنا مش أكتر، فيرضيك يعني تكسر بخاطرنا وتطردنا، عندك البت الغلبانة إللِ جنبي دِ مقطوعة من شجرة لا ليها أم ولا أب ولا حتى أخ، ملهاش غير أخت واحدة وطردتها من البيت وعايشة في أوضة فوق السطوح بتفطر على كيس سيبسي وبتقضي عشاها نوم يا حبة عيني...

لتضم أية التي دخلت معها بالدور وهبطت دموعها بتأثر شديد، من ثم أكملت بتأثر حقيقي تحت بلاهة أصدقائها ومتابعتهم الموقف بإهتمام شديد:

_وأنا، وآااه عليا وعلى بختي، آنا كمان يتيمة الأم والأب، وأخويا المعفن أتجوز واحدة عقربة مشغلاني خدامة عندها، اعملها الصبح الفطار قبل ما أطلع، وأغسل المواعين، وأول ما أروح أنضف البيت وأغسل هدومها المعفنة، وهي واجبة واحدة بس ليا في اليوم، وبغيب طول الليل أذاكر علشان أبقى دكتورة وأطلع من ذلهم وإهانتهم بقى، وأنتَ عايز تقضي على أحلامي دلوقت، آهااات على روحك يا مي يا زينة بنات الحارة، يا أجمل من أجمل ملكات جمال العالم يا مي.

أنهت حديثها بنبرة باكية جعلت كل من يعرفها يفتح فمه بطريقة مضحكة من شدة صدمته، بينما من لايعلمون من هيّ يبكون بتأثر على حال صديقتهم البريئة، ببنما هيّ تحتض أية وتبكي بشدة وتأثر، لتحدثها أية ببلاهة من بكائها هذا:

_ألا أنتِ بتعيطِ ليه يا ميمو هو ده حقيقي.

_لا بس الموضوع مؤثر ياصاحبي.

تحدثت من بين دموعها بغباء، لتهز الأخرى رأسها بغباء وتبكي هي الأخرى لتسألها مي:

_وأنتِ بتعيطِ ليه دلوقت.

_علشان مسبكيش تعيطِ لوحدك.