Thousand Miles | Nam × Jin | Completed

Mile - 72

Jin's POV



Jin's POV
 

බීනිව පරිස්සමින් බේබි කැරියර් එකේ තියලා මම ඒක උරහිසට දාගෙන මගේ ඔලුවට ලොකු හැට් එකක් දාගත්තා. බිනීගේ කිරි බෝතලයයි එයාගේ අනිත් ඇදුම් ටිකයි බෑග් එකට දාගෙන මම ඒ බෑහ් එකත් අරන් වෙලාව බැලුවම මගේ මූණේ තිබ්බ හිනාව මැකිලා ගියා. බෑග් එක අනිත් පැත්තෙන් දාගෙන මම ඉක්මනට ගෙදරින් එලියට ඇවිත් දොර ලොක් කරලා පුලුවන් තරම් ඉක්මනට ෆාම් එකට ගියේ මම දැනටමත් පරක්කු හන්දා.

"මට සමාවෙන්න මම ටිකක් පරක්කු උනා. ඒකට මම අද පැය බාගයක් වැඩිපුර වැඩ කරන්නම්. "

ෆාම් එකේ මැනේජර් නිම් ලගට ගිය ගමන් මැනේජර් නිම් කට අරින්නත් කලින් මම එයාට පරක්කු උන විනාඩි දහය වෙනුවට පැය බාගයක් වැඩිපුර වැඩ කරන්නම් කිව්ව නිසා එයා මොකුත් නොකියා මගේ නමට හරියක් දාගෙන මට ඇතුලට යන්න දුන්නා. පුලුවන් වේගෙන් මම ෆාම් එකේ මේ පාර ටැන්ජරින් කඩන තැනට ඇවිල්ලා ඒ ලග පාතින් බිනීගේ බෑග් එක එල්ලලා අනිත් අතට ආයේ ස්ටොරේජ් එකට ආවේ කරත්තයකුයි ග්ලවුස් දෙකයි ගන්න.

"බීනී.... අපි අදත් වැඩ කරලා ගෙදර ගිහින් හොදට නිදාගමු."

මම වෙනදා වගේ බීනී එක්ක එක එක ඒවා කිය කිය කරත්‍තය අරගෙන ග්ලවුස් දෙකත් අතට දාගෙන අද ටැන්ජරින් කඩන හරියට ආවා. මාව දැක්ක ගමන් අනිත් ෆාම් එකේ වැඩ කරපු අය මට ආචාර කරනකොට මමත් එයාලට ආචාර කරා

"අද බීනී නිදි නැද්ද තාම.?"

"නෑ අන්ක්ල්..තව ටිකකින් නිදාගනියි."

හැමෝම එක්ක වගේ කතා කරලා මම බීනීව තියාගෙනම ටැන්ජරින් කඩලා කරත්තයට දැම්මා. එහා පෝලිමේ කඩපු අන්ක්ල් මගෙ ගස් වල උඩ ටැන්ජරින් ටික කඩලා දෙන වෙලාවට මම ඒ අන්ක්ල්ගේ පහල ගස් වල ටැන්ජරින් කැඩුවා. ටැන්ජරින් සුවද අප්පිරියා වෙන තරමට මම අවුරුද්දක් තිස්සේ ටැන්ජරින් ෆාම් එකේ ටැන්ජරින් කඩනකොට බීනීත් මාත් එක්ක මගේ ලගම හිටියා.

ටැන්ජරින් ටික කඩලා කරත්තය ස්ටොරේජ් එක ලගට අරන් ගිහින් එනකොට අව්ව මගේ මූණ පැත්තට එන හන්දා මම බීනී ව බැක් එකට දාගත්තා. නිදන් හිටපු බීනී එක පාරටම නැගිටලා අඩන්න පටන් ගත්තම මම ආයේ එයාව මගේ ඉස්සරහට අරන් එයාව නලවන්න උත්සාහා කරා..